|
GIZAKIEN ZORIA JAINKOAREN AURREAN (1,1–6,21)
Maitatu bizi-iturri den zuzentasuna (1,1-15)
Zuzentasuna, Jakinduria, Espiritua
1
1 Maitatu zuzentasuna, mundua gobernatzen duzuenok;
pentsa ezazue ongi Jaunari buruz
eta bilatu hura bihotz osoz,  1,1 Maitatu zuzentasuna Sal 45,8; 1 Kro 29,17. Ik. Es 16,10+.
2 bera aurkitzen uzten baitie tentatzen ez dutenei,
eta bere burua agertzen, mesfidatzen ez direnei.
3 Gogoeta bihurriek Jainkoarengandik aldentzen dute,
eta haren ahalmenak, proban jarriz gero,
nahastarazi egiten ditu zentzugabeak.
4 Jakinduria  1,4 Jakinduria: 1,3-5 tx.etan azaltzen diren subjektu ezberdinek –Jainkoaren ahalmena, Jakinduria, Espiritua– Jainkoaren ekintzaren alderdi diferenteak adierazten dituzte. ez da sartzen asmo txarreko bihotzean,
ezta bizi ere bekatuaren menpe dagoenaren gorputzean.
5 Espiritu santu hezitzaileak ihes egiten dio engainuari,
urrundu egiten da gogoeta zentzugabeen aurrean;
bidegabekeria agertzean, salatu egiten dute 1,5 salatu egiten dute: Testua zaila da eta era ezberdinetan interpretatua; baina esanahirik seguruena eman duguna da, hots: zintzoen bizierak gaiztoak salatzen dituen bezala, hauek jakinduria edo espiritu hezitzailea salatzen dute, beroni aurka egiten. .
Espiritua eta hitza
6 Jakinduria gizakia maite duen espiritua da,
baina ez du zigor gabe uzten gaizki-esalea;
Jainkoak ikertzen du gizakiaren barrua,
zehatz aztertzen du beronen pentsamendua
eta esaten duen guztia entzuten. 1,6 Jakinduriak gizakia maite 7,23; Es 8,31; Ba 3,38. // Jainkoak gizakiaren barrua ikertzen Jr 11,20+.
7 Jaunaren espirituak lurra betetzen du
eta, gauza guztiak elkarbiltzen 1,7 elkarbiltzen: Hau da, barne-batasuna eta finkotasuna ematen; ideia hau estoikoen pentsamendutik hurbil dago. dituenez,
hots guztiak ezagutzen ditu.
8 Horregatik, zuzengabe mintzo den inor
ez da oharkabean geldituko,
justizia salatzaileak ez dio barkatuko.
9 Zorrotz aztertuko dira fedegabearen asmoak,
beronen hitzen berri Jaunarenganaino iritsiko da
eta beronen egintza gaiztoen froga izango.
10 Izan ere, jeloskorraren belarriak den-dena entzuten du,
marmarren xuxurlariek ere ez diote ihes egiten.
11 Gorde zaitezte alferrikako marmarretik,
eutsi mihiari eta ez jardun gaizki-esaka,
ez baita ondorio gabea izaten ezkutuan esandakoa ere,
eta kalumniatzen duen ahoak hil egiten du 1,11 hil egiten du: H.h., hil egiten du arima; ez da zehazten norberarena ala besteena den. Heriotza autoreak sarri erabiltzen duen gaia da. .
Bizia eta heriotza
12 Ez erakarri heriotza zeuen bizitza okerbideratuz,
ez zeuenganatu hondamendia zeuek egindakoaz.
13 Jakin, ez duela Jainkoak heriotza egin,
bizidunak galtzea ez duela atsegin. 1,13 ez du atsegin bizidunak galtzea Ez 18,23+.
14 Izan eta irauteko egin ditu hark gauza guztiak;
munduko izakiak osasunez beteak daude,
ez dute beren baitan pozoi hilgarririk
eta Herioak ere ez du munduan aginterik,
15 hilezkorra baita zuzentasuna. 1,15 hilezkorra 2,23+.
Gaiztoak eta zintzoak aurrez aurre. Fedegabeen pentsaera (1,16–2,24)
Sarrera
16 Fedegabeek hitzez eta egintzez deitzen diote Herioari;
laguntzat dutelarik, haren irrikaz daude
eta hitzarmena burutzen dute harekin,
ongi merezia baitute harenak izatea. 1,16 Herioarekin hitzarmena Is 28,15. Ik. Si 14,12.
|
