Salomonen otoitza  9,1 Salomonen otoitza: 1 Erg 3,6-9 eta 2 Kro 1,8-10ean azaltzen den Salomonen otoitzean inspiraturik dago. (9,1-18)
Jakinduriarik gabe gizakia ez da ezer
9
1 «Arbasoen Jainko eta Jaun errukiorra,
zeure hitzez gauza guztiak egin  9,1 zeure hitzez gauza guztiak egin Si 42,15+.
2 eta zeure jakinduriaz gizakia eratu zenuen,
zure sorkari guztien jaun izan zedin, 9,2 jakinduriaz gizakia eratu Es 3,19+. // sorkari guztien jaun 10,2; Has 1,26-28; Sal 8,6-9.
3 mundua santu eta zuzen gobernatu
eta leialtasunez justizia egin zezan;
4 emadazu jakinduria, zure ondoan errege dena,
eta ez nazazu ken zeure seme-alaben artetik.
5 Zeure zerbitzari nauzu, zeure zerbitzari apal,
gizon gaixo eta bizitza laburrekoa,
zuzenbidea eta legeak ulertzeko gauza ez dena. 9,5 Zeure zerbitzari nauzu Sal 116,16. Ik. Sal 86,16.
6 Bestalde, gizakirik prestuena ere
ez da ezer zuregandik datorren jakinduriarik gabe.
Bidali jakinduria zerutik
7 «Zuk aukeratu nauzu 9,7 Zuk aukeratu nauzu: Hautapen honi buruz, ik. 1 Kro 28,5-6; Daviden gainerako semeak, Salomon baino zaharragoak, baztertuak izan ziren haren mesedetan (ik. 1 Erg 1). zeure herriaren errege,
zeure seme-alaben gobernari;
8 zuk agindu zenidan zure mendi santuan tenplua
eta bizileku duzun hirian aldarea eraikitzeko,
hasieratik prestaturiko santutegiaren antzekoa 9,8 hasieratik prestaturiko santutegia: Jaunak Moisesi Sinai mendian erakutsi zion eredua aipatzen da seguruen (ik. Ir 25,8-9.40); ik. 1 Kro 28,19 ere. .
9 Zurekin dago jakinduria,
zure egite guztiak ezagutzen dituena,
mundua egin zenuenean ere bertan zena;
badaki zer duzun atsegin,
badaki zer den zuzena zure aginduen arabera. 9,9 Jakinduria Jainkoarekin kreazioan Es 8,27-31.
10 Bidal ezazu zeure zeru santutik,
igorri zeure tronu ospetsutik,
nirekin izanik, lanean lagun diezadan,
zuk gogoko duzuna irakatsiz.
11 Berak, dena jakin eta ulertzen duenak,
zuhur gidatuko nau neure eginkizunetan
eta bere ospeaz babestuko.
12 Horrela, onartuko dituzu nire egintzak,
justiziaz gobernatuko dut zure herria
eta aitaren tronuaren duin izango naiz.
Jakinduria eta Jainkoaren asmoak
13 «Zein gizakik ezagutuko du Jainkoaren asmoa?
Nork ulertuko Jaunak nahi duena?
14 Gizaki huts garenon gogoetak kaskarrak dira,
gure ideiak ziurtasun gabeak.
15 Gure gorputz galkorra arimarentzat zama da,
lurrezko etxola 9,15 Mota honetako ideiak, arimaren eta gorputzaren arteko kontrakotasuna adierazten dutenak, oso arruntak ziren greziar filosofian. // etxola: Bizileku iragankorraren irudia, hemen gorputza da. // lurrezkoa: Ik. Has 2,7. honek
berez kezkati den espiritua nekarazten du. 9,15 gorputza etxola Is 38,12; Jb 4,19-21; 2 Ko 5,4.
16 Nekez igartzen diegu lurrekoei
eta kostata aurkitzen irispidean duguna ere.
Nork, beraz, arakatuko ditu zerukoak?
17 Nork ezagutuko zukeen zure asmoa,
zeuk eman ez bazenio jakinduria
eta zerutik bidali zeure espiritu santua?
18 Horrela bakarrik izan ziren zuzenak lurtarren jokabideak,
horrela ikasi zuten zer duzun atsegin,
eta jakinduriaren bidez salbatu ziren».
|
