|
HASIERAN (1,1–11,32)
Munduaren eta gizadiaren jatorria (1,1–5,32)
Zeru-lurren kreazioa
1
1 Hasieran, Jainkoak zeru-lurrak egin zituen  1,1 Hasieran, Jainkoak zeru-lurrak egin zituen. 2 Lurra… Honela ere itzul daiteke: Jauna zeru-lurrak egiten hastean, 2 lurra… .  1,1 Kreazioa 2,4-25; Is 42,5; Sal 8,1-10; 89,10-13; 104,1-35; Jb 26,7-14; 38,1-23; Es 8,22-31; Si 16,26–17,4; Jn 1,1-3; Kol 1,15-17.
2 Lurra nahas-mahas hutsa zen: leize handiaren gain ilunpea. Jainkoaren arnasa 1,2 Jainkoaren arnasa: Hebreerazko hitzak haize, arnasa nahiz espiritu esan nahi du. Beraz, honela ere itzul daiteke: Jainkoaren espiritua edo haize-erauntsia (Jainkoaren superlatiboa adierazteko ere erabiltzen dela kontuan harturik). uren gainean zebilen.
3 Eta Jainkoak esan zuen: «Izan bedi argia».
Eta izan zen argia.
4 Ikusi zuen Jainkoak argia ona zela 1,4 ona zela: Lehen kap.an errepikatzen den tx. honetako ona, ederra ere itzul zitekeen, kreazioak sortzen duen poza eta gozamena adieraziz. eta bereizi egin zuen ilunpeetatik:
5 argiari «egun» eman zion izen eta ilunpeei «gau». Honela, lehen eguna burutu zen 1,5 lehen eguna burutu zen: H.h., izan zen arratsaldea, izan zen goiza, egun bat; berdin beste egunetarako. Testu hau idatzi zen garaian, eguna arratsaldean hasten zela uste zen. . 1,5 argia/ilunpeak Is 45,7; 60,19-20; Ap 22,5. Ik. Jn 8,12.
6 Jainkoak esan zuen: «Izan bedi sabaia 1,6 sabaia: Ortzia ganga edo sabai solidotzat jotzen zuten antzinatean, gaineko eta azpiko ur-multzoak bereizten zituelarik (ik. 7,11 oh.). uren artean, goiko eta beheko urak bereiz ditzan».
Eta hala izan zen.
7 Jainkoak sabaia egin zuen eta sabai azpiko urak sabai gainekoetatik bereizi zituen.
8 Jainkoak sabaiari «zeru» eman zion izen. Honela, bigarren eguna burutu zen.
9 Jainkoak esan zuen: «Bil bitez multzoan 1,9 multzoan: Grekozko itzulpenaren arabera; hebreerazkoak toki batean dio. zeru azpiko urak eta ager bedi lehorra».
Eta hala izan zen.
10 Lehorrari «lur» eman zion izen eta ur-multzoari «itsaso». Eta Jainkoak ona zela ikusi zuen.
11 Jainkoak esan zuen: «Eman bitza lurrak belar hezea, hazidun landareak eta orotariko fruta-arbolak beren hazi eta guzti».
Eta hala izan zen.
12 Eta lurrak orotariko hazidun landareak eta fruta-arbolak beren hazi eta guzti eman zituen. Eta Jainkoak ona zela ikusi zuen.
13 Honela, hirugarren eguna burutu zen.
14 Jainkoak esan zuen: «Izan bitez argizagiak 1,14 argizagiak: Erlijio paganoek astroak jainkotzat zituzten bitartean, hemen sorkari huts dira, lurra argitzeko eta liturgi egutegia finkatzeko ezarriak. zeru-sabaian, eguna eta gaua bereizteko, eta jaiak, egunak eta urteak ezagutarazteko. 1,14 argizagiak zeru-sabaian Is 40,26; Jr 31,35; Ba 3,33-35.
15 Izan bitez zeru-sabaian lurrari argi egiteko».
Eta hala izan zen.
16 Jainkoak bi argizagi handi egin zituen: handiena egunaren gain jartzeko eta txikiena gauaren gain. Eta izarrak ere egin zituen. 1,16 bi argizagi handi Sal 104,19; 136,7-9; Si 43,1-10.
17 Zeru-sabaian ezarri zituen lurrari argi egiteko,
18 egunaren eta gauaren gain jartzeko, argia eta ilunpea bereizteko. Eta Jainkoak ona zela ikusi zuen.
19 Honela, laugarren eguna burutu zen.
20 Jainkoak esan zuen: «Egin bezate urek borbor bizidunez; egin bezate hegan hegaztiek lurraren gainean, airean».
21 Jainkoak itsas arraintzarrak sortu zituen, uretan borbor dabiltzan orotariko bizidunak eta orotariko hegaztiak. Eta Jainkoak ona zela ikusi zuen.
22 Eta bedeinkatu egin zituen 1,22 bedeinkatu egin zituen: Bibliaren pentsaeran bedeinkazioa ez da espirituzko dohaina bakarrik; Jainkoarengandiko indar moduko bat ere bada, naturan eta gizakiarengan bizia sortu eta garatzen duena. , esanez: «Sor itzazue umeak, ugaldu eta bete itsas urak; ugal bitez hegaztiak ere lurraren gainean».
23 Honela, bosgarren eguna burutu zen.
24 Jainkoak esan zuen: «Eman bitza lurrak orotariko bizidunak: abereak, piztiak eta narrastiak».
Eta hala izan zen.
25 Jainkoak orotariko bizidunak sortu zituen: abereak, piztiak eta narrastiak. Eta Jainkoak ona zela ikusi zuen. 1,25 abereak, piztiak Sal 50,10-11.
26 Jainkoak esan zuen: «Egin dezagun gizakia; izan bedi gure irudiko, gure antzeko; mendera ditzala itsasoko arrainak, zeruko hegaztiak, abereak, basapiztiak 1,26 basapiztiak: Siriar itzulpenaren arabera; hebreerazkoak lur osoa dio. eta lurrean narraska dabiltzan piztia guztiak». 1,26 Jainkoaren antzeko, irudiko 5,1.3; 9,6; Sal 8,5-6; Jkd 2,23; Si 17,3; 1 Ko 11,7; Kol 3,10; St 3,9.
27 Jainkoak, beraz, bere antzeko egin zuen gizakia, Jainkoaren beraren irudira egin zuen; ar eta eme egin zituen.
28 Eta bedeinkatu egin zituen, esanez: «Sor itzazue umeak eta ugaldu, bete lurra eta izan haren nagusi; mendera itzazue itsasoko arrainak, zeruko hegaztiak eta lurrean narraska dabiltzan piztia guztiak». 1,28 Sortu umeak, ugaldu 8,17; 9,1.7. Ik. 1,22. // izan nagusi, menderatu 9,2; Sal 8,7-9; Jkd 9,2; 10,2; Si 17,2-4; St 3,7.
29 Jainkoak esan zien: «Hara, zeuei ematen dizkizuet lurrazalean diren hazidun landare guztiak eta hazidun fruta-arbola guztiak; horiek izango dituzue janari.
30 Abere, zeruko hegazti eta lurrean narraska dabiltzan bizidun guztiei, berriz, belar hezea ematen diet janari».
Eta hala izan zen.
31 Eta egin zuen guztia oso ona zela ikusi zuen Jainkoak. Honela, seigarren eguna burutu zen.
1 Honela burutu zituen Jainkoak zeru-lurrak, berauetan dagoen guztiarekin.
2 Zazpigarren egunerako burutu zuen Jainkoak berak eginiko lana eta zazpigarren egunean lanari utzi zion. 2,2 zazpigarren eguna Ir 20,11; 31,12-17; Heb 4,4.
3 Eta bedeinkatu egin zuen zazpigarren eguna 2,3 zazpigarren eguna: Larunbata da, Jaunari sagaratu beharreko atseden-eguna. Zazpigarren egunean Jaunak lanari utzi (xabat) eta atseden hartu zuen. Horren ondorioz, larunbata (xabat) atsedenari atxikia egongo da Israelen (ik. Ir 23,12) eta Jainkoaren eta herriaren arteko itunaren seinale bihurtuko (ik. Ir 31,12-17). eta sagaratu, egun horretan hartu baitzuen atseden kreazio-lanetik.
4 Hau da zeru-lurren kreazioaren historia 2,4 kreazioaren historia: H.h., jatorriak. Normalean, jatorri bateko ondorengoak adierazten ditu (5,1; 6,9; 10,1); testuinguru honetan jaiotza, sorrera bezala hartzen da. .
Gizakiaren kreazioa
Jainko Jaunak zeru-lurrak egin zituenean,
5 ez zegoen oraindik landarerik lurrean, ezta belarrik ere erneta, Jainko Jaunak ez baitzion oraindik lurrari euririk eman, eta ez baitzen lurra lantzeko gizakirik.
6 Hala ere, lurrazala hezetzen zuen lurrina zerion lurrari.
7 Orduan, Jainko Jaunak lur-hautsez gizona moldatu zuen; sudur-zuloetan bizi-arnasa putz egin zion, eta gizona bizidun bilakatu zen. 2,7 bizi-arnasa gizonari Sal 104,29-30; Jb 33,4; 34,14-15; Koh 3,20; 12,7; 1 Ko 15,45-49.
8 Ondoren, Jainko Jaunak baratzea landatu zuen Edenen 2,8 Eden: Toki-izena da, non zegoen jakiterik ez dugun arren. Hebreerazko hitzak atsegin esan nahi duen hitzarekin zerikusia du. , ekialdean, eta hantxe ezarri moldaturiko gizona.
9 Orotariko zuhaitzak sorrarazi zituen lurretik, ikusgarriak eta fruitu gozodunak. Baratze erdian bi zuhaitz ernearazi zituen: batak bizia ematen zuen eta besteak dena ezagutzeko ahalmena 2,9 batak bizia… ezagutzeko ahalmena: H.h., biziaren zuhaitza eta ongiaren eta gaizkiaren ezagutzaren zuhaitza. Bigarren zuhaitzari dagokionez, honela ere uler daiteke: besteak, zoriontsu izateko jakituria. . 2,9 bizia ematen zuen zuhaitza 3,22; Es 3,18; Ap 2,7; 22,2.24. // dena (ongia eta gaizkia) ezagutzeko ahalmena 3,5.17.22; Dt 1,39; 2 Sm 14,17; 1 Erg 3,9; Is 7,15-16.
10 Edendik ibai bat sortzen zen; baratzea ureztatu eta gero, lau adarretan banatzen zen.
11 Lehenari Pixon zeritzan; urrea aurkitzen den Habilako 2,11 Pixon: Erabat ezezaguna zaigu. // Habila: Arabia iparraldean dago (ik. 10,29); baina Palestina hegoaldean, Egiptotik hurbil, dagoen lurralde bat ere izan daiteke (ik. 25,18). lurraldea inguratzen du.
12 Urre ona hangoa; badira han erretxina eta harribitxiak ere.
13 Bigarrenari Gihon zeritzan; honek Etiopiako 2,13 Gihon: Ezezaguna hau ere, izen bera duen Jerusalem ondoko iturria izan ezik (ik. 2 Kro 32,30). // Etiopia: H.h., Kux, normalean Etiopia adierazten duen izena; baina bazen beste Kux bat ere, Madianen, Palestinaren hego-ekialdean. lurralde guztia inguratzen du.
14 Hirugarrenari Tigris, Axurko ekialdetik doana. Laugarrenari Eufrates 2,14 Tigris, Eufrates: Mesopotamia besarkatzen duten bi ibai ezagunak dira. Axur edo Asiria Mesopotamiako iparraldea da. .
15 Jainko Jaunak gizona hartu eta Edengo baratzean ezarri zuen, landu eta zain zezan.
16 Eta agindu zion: «Baratzeko zuhaitz guztietatik jan dezakezu;
17 baina ez jan dena ezagutzeko ahalmena ematen duen zuhaitzetik; hartatik jaten baduzu, hil egingo zara». 2,17 hil egingo zara Erm 6,23. Ik. Jkd 1,12-15.
Emakumearen sorrera
18 Gero, esan zuen Jainko Jaunak: «Ez da on gizona bakarrik egotea; egin diezaiodan berari dagokion laguna». 2,18 dagokion laguna Es 18,22; Si 36,29.
19 Jainko Jaunak, landako abere guztiak eta zeruko hegazti guztiak lurrez moldatu eta gizonari eraman zizkion zein izen ezartzen zien ikusteko; honela, bizidun orok gizonak ezarritako izena izango zuen.
20 Beren izena jarri zien, beraz, abere guztiei, zeruko hegaztiei eta piztiei; baina berari zegokion lagunik ez zuen aurkitu.
21 Orduan, Jainko Jaunak lozorroan murgilarazi zuen gizona. Loak hartu zuenean, saihets-hezur bat kendu zion, hezurraren hutsunea haragiz bete ziolarik.
22 Jainko Jaunak gizonari 2,22 gizonari: Lehen kapituluetan gizaki edota gizon itzulitako hitza, 4,25 tx.etik aurrera Adam pertsona-izen bezala erabilitako hitza bera da. Adam lur esan nahi duen adama hitzetik eratorria da; izatez, ez da pertsona-izena, izen arrunta baizik, gizateria, gizon-emakume guztien multzoa, adierazten duena. kenduriko saihets-hezurrez emakumea moldatu eta gizonari eraman zion.
23 Honek esan zuen:
«Hau bai dela
ene hezurraren hezur,
ene haragiaren haragi!
“Emakume” izango da deitua,
gizakumeagandik 2,23 Emakume/gizakume: Hitz-jokoa egiten du hebreerazkoak gizon esan nahi duen hitzaren eta beraren femeninoaren artean, gizonaren eta emakumearen arteko kidetasuna azpimarratzeko.
izan baita hartua».
24 Hargatik, gizonak bere aita-amak utziko ditu bere emaztearekin elkartzeko, eta bat bera 2,24 bat bera: Edo izaki bat bera; h.h., haragi bat bera. izango dira. 2,24 gizona eta emaztea Es 5,15-20; 31,10-31; Koh 9,9. // bat bera izango Ml 2,14-15; Mt 19,5+.
25 Biluzik zeuden gizona eta emaztea; hala ere, ez zuten elkarren lotsarik.
Jainkoaren agindua hautsi
3
1 Sugea zen Jainko Jaunak egindako piztiarik maltzurrena.
Sugeak esan zion emakumeari:
–Jainkoak debekatu egin dizue, beraz, baratzeko arbola guztietako fruituetarik jatea?
2 Emakumeak erantzun:
–Ez, jan dezakegu baratzeko arboletako fruituetarik.
3 Baratze erdian dagoen zuhaitzaz bakarrik esan digu Jainkoak: «Ez jan horretatik, ezta ukitu ere, hil nahi ez baduzue».
4 –Ez zarete inolaz ere hilko –esan zion sugeak–.
5 Ongi daki Jainkoak, hartatik jan dezazuenean, begiak zabalduko zaizkizuela, eta bera bezalako bihurtuko zaretela, dena ezagutzeko ahalmena 3,5 dena ezagutzeko ahalmena: Ik. 2,9 oh. lortuz.
6 Ikusi zuen emakumeak fruitua gozoa zela, arbola ikusgarria eta jakituria lortzeko desiragarria. Hartu zuen, beraz, haren fruituetariko bat eta jan egin zuen. Gero, bere senarrari eman eta honek ere jan egin zuen. 3,6 tentazioaren lilura St 1,13-15.
7 Orduan, begiak zabaldu zitzaizkien eta biluzik zeudela ohartu ziren. Piku-hosto batzuk josi eta estalki bana egin zuten.
8 Arratsean, gizonak eta emazteak baratzean zebilen Jainko Jaunaren oin-hotsa entzun zuten eta harengandik gorde egin ziren zuhaitz artean.
9 Baina Jainko Jaunak dei egin zion gizonari:
–Non zara?
10 Gizonak erantzun:
–Zure oin-hotsa baratzean entzun dudanean, beldurtu eta gorde egin naiz, biluzik nagoelako. 3,10 biluzik Is 20,2-4; Ap 3,18; 16,15.
11 Jainkoak esan zion:
–Eta nork jakinarazi dizu biluzik zaudela? Galarazi nizun arbolako fruitua jan al duzu?
12 Gizonak erantzun:
–Laguntzat eman didazun emakumeak fruitua eskaini dit eta jan egin dut.
13 Jainko Jaunak esan zion emakumeari:
–Zer egin duzu?
Emakumeak erantzun:
–Sugeak engainatu nau eta jan egin dut.
14 Orduan, Jainko Jaunak sugeari esan zion:
«Hori egin dualako,
madarikatua hi abere guztien artean
eta basapiztia guztien artean!
Sabel gainean arrastaka ibiliko haiz
eta hautsa jango duk
heure bizitzako egun guztietan.
15 Elkarren etsai egingo zaituztet
hi eta emakumea,
hire eta haren ondorengotza;
honek burua zapalduko dik
eta hik orpotik helduko diok». 3,15 Elkarren etsai Ap 12,17.
16 Emakumeari esan zion:
«Haurdun gelditzean,
oinazeak ugalduko dizkizut
eta saminez izango dituzu haurrak;
irritsak senarrarengana
bultzatuko zaitu,
eta hura izango duzu nagusi». 3,16 haurrak saminez 35,16-18; Jn 16,21+; Ap 12,2.
17 Eta gizonari esan zion:
«Emaztearen esanari jaramon egin
eta galarazi nizun zuhaitzetik
jan duzunez gero,
madarikatua lurra zure erruz!
Nekearen nekez
aterako diozu janaria
zeure bizitzako egun guztietan. 3,17 madarikatua lurra 5,29; Os 4,3; Erm 8,20. Ik. 8,21. // lanaren nekea 4,12; Jb 7; Koh 2,22-23.
18 Sasia eta laharra emango dizkizu,
basalandarez elikatu beharko duzu. 3,18 sasiak eta laharrak Heb 6,8.
19 Zeure bekokiko izerdiz
jango duzu ogia,
lurrera itzuli arte,
handik izan zara hartua eta:
hautsa zara
eta hautsera itzuliko zara». 3,19 hautsa zara Sal 90,3; 104,29; Koh 3,20; 12,7. Ik. 2,7+.
Edendik kanporatuak
20 Gizonak bere emazteari Eva, hau da, «Bizi», eman zion izen, bizidun guztien ama delako.
21 Jainko Jaunak larruzko arropaz jantzi zituen gizona eta emaztea.
22 Gero, Jainko Jaunak esan zuen: «Horra gizakia gutariko bat bihurtua, dena ezagutzeko ahalmena 3,22 gutariko: Gu horrek Jainkoaren ahotan, honek, gorte gisa, bere inguruan dituen jainkozko izakiak adierazten ditu. // dena ezagutzeko ahalmena: Ik. 2,9 oh. duelarik. Ez dezala orain bizi-arbolako fruiturik hartu eta, hura janez, betiko bizi». 3,22 Gutariko bat bihurtu 3,5+. // bizi-arbola 2,9+.
23 Beraz, Jainko Jaunak, Edengo baratzetik bota egin zuen, lurra landu zezan, handik izan baitzen hartua. 3,23 Edengo baratzea 2,8+.
24 Gizakia bota ondoren, izaki hegaldun batzuk jarri zituen Edengo baratzearen ekialdean, suzko ezpata distiratsuak zituztela 3,24 izaki hegaldun: H.h., kerubim. Mitologi izakiak dira, zezen edo animalia hegaldunen itxurakoak; Babilonian jainkoen eta erregeen jauretxeen sarreran jarri ohi ziren, sinbolozko zaindari gisa. Kerubim gainean esertzen dena Israelgo Jainkoaren tituluetako bat da (ik. 1 Sm 4,4). // suzko ezpata distiratsuak zituztela: H.h., eta suzko ezpata distiratsua; segur aski, suzko ezpatak tximista adierazten du; beraz, uler daiteke kerubimek eta tximistak zaintzen dutela baratzea. , bizi-arbolarako pasabidea ixteko.
Kain eta Abel
4
1 Gizonak bere emazte Evarekin harremanak izan zituen. Haurdun gelditu zen Eva, eta Kain –hau da, «Eskuratua 4,1 Eskuratua: Hebreerazkoak, hitz-joko batez, Kain izena eskuratu esan nahi duen hitzarekin erlazionatzen du. »– izan zuen. Orduan, esan zuen: «Gizon bat eskuratu dut Jaunari esker».
2 Gero, haren anaia Abel izan zuen.
Abel artzain bilakatu zen; Kain, berriz, nekazari.
3 Handik aldi batera, Kainek lurreko fruituen eskaintza egin zion Jaunari. 4,3-4 Kain eta Abelen eskaintzak Heb 11,4.
4 Abelek ere ekarri zituen artaldeko lehen bildotsak eta ardi-gantza. Jaunak abegi on egin zien Abeli eta honen emaitzari;
5 ez, ordea, Kaini eta honen emaitzari. Kain biziki haserretu zen, eta kopetilun zebilen.
6 Jaunak esan zion, orduan:
– Zergatik zaude haserre? Zergatik kopetilun?
7 Zuzen jokatuko bazenu, argituko litzaizuke aurpegia; baina oker zabiltzanez gero, atean duzu bekatua, gainera erortzeko zain. Hala ere, mendera dezakezu 4,7 Tx. osoa oso iluna da jatorrizkoan, eta itzulpena ez erabat segurua. .
8 Behinola, Kainek esanda, Abel eta biak landara elkarrekin joan zirelarik, Kainek anaiari eraso eta hil egin zuen. 4,8 Kainek anaia hil Jkd 10,3; 1 J 3,12.
9 Jaunak esan zion Kaini:
–Non da anaia?
Kainek erantzun:
–Ez dakit. Anaiaren zaintzaile ote naiz, bada, ni?
10 Jaunak, orduan:
–Zer egin duk? Hire anaiaren odola lurretik oihuka ari zaidak. 4,10 odola lurretik oihuka Mt 23,35; Heb 12,24.
11 Horregatik, madarikatu egiten hau hik isuritako odola edan duen lurrak.
12 Lurra landuko duk, baina ez dik fruiturik emango; noraezean ibiliko haiz munduan.
13 Kainek esan zion Jaunari:
–Astunegia dut zigor hau, eraman ahal izateko.
14 Gaur lur hauetatik botatzen nauzularik, zure begi-bistatik urrun eta munduan noraezean ibili beharko dut; hala, aurki nazan edonork hil egingo nau.
15 Jaunak, ordea, erantzun zion:
–Ez horixe! Kain hiltzen duena, zazpi aldiz gogorrago izango da zigortua.
Eta Jaunak ezaugarri bat ezarri zion Kaini, aurkitzen zuen inork hil ez zezan. 4,15 ezaugarri babesgarria Ir 12,13; Ez 9,4-6; Ap 7,3; 9,4.
16 Honela, Kain, Jaunarengandik aldendurik, Nod 4,16 Nod: Toki ezezaguna; agian sinbolo gisa erabilia, zeren 12.14 tx.etan azaltzen den nad (noraezean dabilena) hitza gogorarazten baitu. lurraldean bizi izan zen, Edenez ekialdera.
Kainen senitartea
17 Kain bere emazteari batu eta haurdun gelditu zen emaztea, eta Henok izan zuen. Hiri bat eraiki zuen Kainek eta Henok eman zion izen, bere semeari bezala.
18 Henok Iraden aita izan zen; Irad Mehuiaelena; Mehuiael Metuxaelena, eta Metuxael Lamekena.
19 Lamekek bi emazte hartu zituen. Batak Ada zuen izena, besteak Tzila.
20 Adak Jabal sortu zuen, oihal-etxoletan bizi diren abeltzainen arbasoa.
21 Honen anaiak Jubal zuen izena, zitara- eta txirula-jotzaileen arbasoa.
22 Tzilak, berriz, Tubalkain sortu zuen; errementaria izan zen, brontze- eta burdin lanetan ari direnen arbasoa. Arreba bat izan zuen: Naama.
23 Lamekek esan zien bere emazteei:
«Ada eta Tzila, entzun!
Lameken emazteok,
aditu nire kopla:
Zauritu ninduelako, gizona hil dut;
jipoitu ninduelako, mutikoa.
24 Kainen hilketa zazpi aldiz
mendekatuko badute,
zazpi mila aldiz 4,24 zazpi mila aldiz: H.h., hirurogeita hamazazpi aldiz. gehiago
Lamekena». 4,24 zazpi mila aldiz (hirurogeita hamazazpi) 4,15; Mt 18,21-22.
Adamen beste seme bat
25 Adam berriro batu zitzaion bere emazteari; honek semea sortu eta Set 4,25 Adam: Ik. 2,22 oh. // Set: Hitz-jokoa egiten du hebreerazkoak Set izenaren eta sorrarazi (h.h., ipini/eman) itzuli dugun hitzaren artean. eman zion izen. Orduan, esan zuen: «Jainkoak sorrarazi dit beste seme hau, Kainek hil zigun Abelen ordez».
26 Setek ere semea izan zuen, Enox izenekoa. Orduan hasi ziren Jaunaren izena gurtzen 4,26 Jaunaren izena gurtzen: Beste zenbait tradizioren arabera, Jaunaren izena ez zen gurtu Moisesen garaian baizik (ik. Ir 3,14.15 eta oh.ak; 6,3). .
Adamengandik Noerenganainoko patriarkak
5
1 Hau da Adamen ondorengoen izen-zerrenda 5,1 ondorengoen izen-zerrenda: H.h., genealogiaren liburua (ik. 2,4 oh.). Ondorengoen zerrenda ugari aurkitzen ditugu Hasiera liburuan (adib., 6,9-10; 10,1; 11,10; 25,12.19). Hemen bakarrik azaltzen da, ordea, liburu hitza. Genealogiak joan-etorri handikoak ziren Israelen arbasoak bizi ziren gizarte-inguruan. . Jainkoak gizakia egin zuenean, bere irudiko egin zuen. 5,1 ondorengoen izen-zerrenda (genealogia) 1 Kro 1,1-4; Lk 3,36-38.
2 Gizaseme eta emakume egin zituen, bedeinkatu eta «gizaki 5,2 gizaki: Ik. 2,22 oh. » eman zien izen egin zituen egun berean. 5,2 gizaki (Adam) 1,26-27+.
3 Ehun eta hogeita hamar urte zituela, Adamek semea izan zuen, bere antz eta irudikoa, eta Set eman zion izen.
4 Set izan zuenetik, beste zortziehun urtez bizi izan zen, eta seme-alabak izan zituen.
5 Beraz, guztira bederatziehun urte bizi izan ondoren, hil egin zen.
6 Ehun eta bost urte zituela, Setek Enox izan zuen.
7 Enox izan zuenetik, beste zortziehun eta zazpi urtez bizi izan zen, eta seme-alabak izan zituen.
8 Beraz, guztira bederatziehun eta hamabi urtez bizi izan ondoren, hil egin zen.
9 Laurogeita hamar urte zituela, Enoxek Kenan izan zuen.
10 Kenan izan zuenetik, beste zortziehun eta hamabost urtez bizi izan zen, eta seme-alabak izan zituen.
11 Beraz, guztira bederatziehun eta bost urtez bizi izan ondoren, hil egin zen.
12 Hirurogeita hamar urte zituela, Kenanek Mahalalel izan zuen.
13 Mahalalel izan zuenetik, beste zortziehun eta berrogei urtez bizi izan zen, eta seme-alabak izan zituen.
14 Beraz, guztira bederatziehun eta hamar urtez bizi izan ondoren, hil egin zen.
15 Hirurogeita hamabost urte zituela, Mahalalelek Jered izan zuen.
16 Jered izan zuenetik, beste zortziehun eta hogeita hamar urtez bizi izan zen, eta seme-alabak izan zituen.
17 Beraz, guztira zortziehun eta berrogeita hamabost urtez bizi izan ondoren, hil egin zen.
18 Ehun eta hirurogeita bi urte zituela, Jeredek Henok izan zuen.
19 Henok izan zuenetik, beste zortziehun urtez bizi izan zen, eta seme-alabak izan zituen.
20 Beraz, guztira bederatziehun eta hirurogeita bi urtez bizi izan ondoren, hil egin zen.
21 Hirurogeita bost urte zituela, Henokek Matusalem izan zuen. 5,21-24 Henok Heb 11,5+; Ju 1,14.
22 Matusalem izan zuenetik, beste hirurehun urtez bizi izan zen, Jainkoak nahi bezala jokatuz, eta seme-alabak izan zituen.
23 Beraz, guztira hirurehun eta hirurogeita bost urtez bizi izan zen.
24 Jainkoak nahi bezala jokatuz bizi izan zenez gero, behin batean desagertu egin zen, Jainkoak eramanik 5,24 Jainkoak eramanik: Elias (2 Erg 2,9) eta Jaunaren Zerbitzaria ere (Is 53,8) Jainkoak eramanak izango dira. Henoken desagertzea judu-apokalipsiak maiz erabiliko duen gaia da. .
25 Ehun eta laurogeita zazpi urte zituela, Matusalemek Lamek izan zuen.
26 Lamek izan zuenetik, beste zazpiehun eta laurogeita bi urtez bizi izan zen, eta seme-alabak izan zituen.
27 Beraz, guztira bederatziehun eta hirurogeita bederatzi urtez bizi izan ondoren, hil egin zen.
28 Ehun eta laurogeita bi urte zituela, Lamekek semea izan zuen,
29 eta Noe 5,29 Noe: Noe izena kontsolatu esan nahi duen hitzarekin erlazionaturik dago. eman zion izen. Honela zioen: «Honek kontsolatuko gaitu, Jaunak madarikaturiko lurra lantzeak dakarzkigun ahalegin eta nekeetatik».
30 Noe izan zuenetik, beste bostehun eta laurogeita bost urtez bizi izan zen, eta seme-alabak izan zituen.
31 Beraz, guztira zazpiehun eta hirurogeita hamazazpi urtez bizi izan ondoren, hil egin zen.
32 Bostehun urte zituela, Noek Sem, Kam eta Jafet izan zituen. 5,32 Sem, Kam eta Jafet 6,10; 7,13; 9,18; 10,1.
|
