|
Hamar aginduak
20
1 Jainkoak hitz hauek  20,1 hitz hauek: Hamar aginduak dira, dekalogoa. Dt 5,6-21 atalean beste era batean azaltzen dira. Hasiera batean, dekalogoa hamar formula laburrek osatzen zuten. Hebrearrek eta kristau-elizen tradizioek hamar aginduen banaketa era desberdinean egiten dute. esan zituen: 
2 «Neu nauzu Jauna, zeure Jainkoa, Egiptotik, esklabotzatik, atera zintuena 20,2 atera zintuena: Herri osoa zu bakar bat bezala hartzen da aginduetan. Era berean, zu hori herritar bakoitza ere bada. . 20,2 Neu nauzu Jauna 8,6+; Dt 5,6; Is 43,11; Sal 81,11. // esklabotzatik (Egiptotik) atera 13,3.14; Dt 5,6+; Jos 24,17; Ep 6,8; Jr 34,13; Mi 6,4.
3 «Ez izan ni beste jainkorik. 20,3 Ez izan beste jainkorik 34,14; Os 13,4; Sal 81,10.
4 «Ez egin idolorik, ez irudirik, goian zeruan, behean lurrean nahiz lurpeko uretan dagoenetik. 20,4 Ez egin idolorik 34,17; Lb 19,4; 26,1; Dt 4,15-20; 27,15. Ik. 32,1-6; 1 Erg 12,26-29.
5 Ez ahuspeztu haien aurrean, ezta gurtzarik eman ere, ni, Jauna, zure Jainkoa, Jainko jeloskorra 20,5 Jainko jeloskorra: Jainkoa jeloskorra dela esatea bere ondoan beste jainkorik ez duela onartzen esatea da, bera bakarrik aitortu eta zerbitzatu behar duela Israelek (ik. 34,14; Dt 4,24; 6,15). bainaiz: gorroto didaten gurasoen gaiztakeria ondorengoengan zigortzen dut hirugarren eta laugarren belaunaldiraino ere; 20,5 Jainko jeloskorra 34,14; Dt 4,24. // hirugarren eta laugarren belaunaldiraino 34,7; Zen 14,18-19; Dt 7,9-10.
6 baina mila belaunaldiz agertzen diet onginahia maite nautenei eta nire aginduak betetzen dituztenei.
7 «Ez erabili alferrik Jaunaren, zeure Jainkoaren, izena, ez baitut hori egingo duenik zigorrik gabe utziko. 20,7 Ez erabili alferrik… Lb 19,12; Mt 5,33; 7,21.
8 «Gogoan izan larunbata 20,8 larunbata: Larunbata, atseden-eguna, Jaunak kreazioa burutu ondoren hartu zuen atsedenaren oroigarri da. Larunbataren beste zenbait motibazio Ir 23,12 eta Dt 5,12-15 tx.etan ditugu. , Jaunari sagaratzeko. 20,8 Errespetatu larunbata (zazpigarren eguna) 16,23.29; 31,12-17; 35,1-3; Lb 19,3; 23,3; Dt 5,12. Ik. Zen 15,32-36; Lk 13,10-16.
9 Sei egunez egingo duzu lan eta zeure eginbehar guztiak burutuko;
10 baina zazpigarrena atseden-eguna duzu, Jaunari, zeure Jainkoari, sagaratua. Ez egin inolako lanik egun horretan, ez zuk, ez zure seme-alabek, ez zure morroi-mirabeek, ez zure abereek, ezta zure herrian bizi den etorkinak ere.
11 Zeren sei egunetan egin baitzituen Jaunak zeru-lurrak, itsasoa eta berorietan bizi den guztia, eta zazpigarren egunean atseden hartu baitzuen. Horregatik, larunbata bedeinkatu egin zuen Jaunak eta egun sakratutzat ezarri. 20,11 zazpigarren egunean atseden Has 2,2-3.
12 «Ohoratu aita-amak, luzaro bizi zaitezen, Jaunak, zeure Jainkoak, ematen dizun lurraldean.
13 «Ez hil inor.
14 «Ez egin adulteriorik.
15 «Ez ostu 20,15 Ez ostu: Debeku honek zuzenean hauxe galarazten du: esklabo bihurtzeko pertsonak bahitzea (ik. 21,16). Hala ere, bidezko da agindua edozein lapurretari buruz ulertzea. .
16 «Ez egin gezurrezko testigantzarik lagun hurkoaren aurka. 20,16 Ez gezurrezko testigantzarik 23,1-3; Lb 19,15-16; Sal 50,19-20.
17 «Ez gutiziatu lagun hurkoarenik ezer: ez haren emazterik, ez morroi-miraberik, ez idirik, ez astorik, eta ez beste ezertxo ere». 20,17 Ez gutiziatu Is 5,8; Mi 2,2.
|
