|
Jesusek elbarria larunbatez sendatu
5
1 Handik aldi batera, juduen jai bat  5,1 jai bat: Zenbait eskuizkribuk jaia dio; kasu honetan Pazkoa litzateke (ik. 6,4). ospatzen zen, eta Jesus Jerusalemera itzuli zen.
2 Bada Jerusalemen, Ardien atea delakoaren ondoan, uraska bat, bost aterpe dituena. Hebreeraz Betzata 5,2 Betzata: Eskuizkribu askok Betesda dio. Tenpluko zabaldegiaren iparraldera zegoen. . deitzen diote.
3 Aterpeetan gaixo asko egon ohi zen, lurrean etzanda: itsu, herren eta elbarriak. (
3b-4 5,3b-4 Eskuizkribu askok testu hau sartzen dute hemen: ura noiz mugituko zain. 4 Izan ere, aingeru bat jaitsi ohi zen noizbehinka uraskara, eta urari eragiten zion. Eta ura mugitu ondoren lehenengo sartzen zena, zernahi eritasun zuelarik ere, sendatua gertatzen zen. Eskuizkribu hoberenek eta eliz gurasoek ez dute ezagutzen testu hau, eta gerora izan zen sartua, ura zergatik mugitzen zen argitzeko (ik. 7. tx.). ).
5 Bazen han gizon bat, hogeita hemezortzi urtez gaixo zegoena.
6 Jesusek, han etzanda ikusi eta gisa hartan denbora luzea zeramala jakinik, esan zion:
–Nahi duzu sendatu?
7 Gaixoak erantzun zion:
–Jauna, ez dut inor ura mugitzean uraskara botako nauenik; ni iritsi orduko besteren batek aurrea hartzen dit.
8 Jesusek esan zion:
–Jaiki, hartu ohatila eta ibili. 
9 Une berean sendaturik gertatu zen gizona, ohatila hartu eta ibiltzen hasi zen.
Egun hura larunbata zen, atseden-eguna. 5,9 ohatila hartu Mk 2,12; Lk 5,25. // larunbatez 7,23+.
10 Judu-agintariek, orduan, esan zioten sendatuari:
–Larunbata da; ez duzu zilegi ohatila garraiatzea. 5,10 ez duzu zilegi Jr 17,21.
11 Hark erantzun zien:
–Sendatu nauenak berak esan dit: «Hartu ohatila eta ibili».
12 Haiek galdetu zioten:
–Nor da ohatila hartu eta ibiltzeko esan dizun hori?
13 Baina sendatuak ez zekien nor zen, Jesus ezkutatu egin baitzen inguruan zegoen jendetza artean.
14 Geroxeago, Jesusek tenpluan topo egin zuen harekin eta esan zion:
–Begira, sendaturik zaude; ez egin berriro bekaturik, okerragorik gerta ez dakizun. 5,14 ez egin berriro bekaturik 8,11.
15 Joan zen gizona, eta agintariei adierazi zien Jesus zela sendatu zuena.
Semearen aginpidea. Aita eta Semea
16 Honengatik, hain zuzen, larunbatez halako gauzak egiten zituelako, agintariak Jesus pertsegitzen hasi ziren.
17 Jesusek, orduan, hau azaldu zien: «Nire Aita etengabe ari da lanean, eta ni ere bai».
18 Esandako honengatik, agintariak are gehiago zebiltzan Jesus hil nahian, larunbateko atsedena ez errespetatzeaz gainera, Jainkoa bere aita zuela esaten baitzuen, horrela bere burua Jainkoaren pareko eginez. 5,18 Jesus hil nahian 7,1.19.25; 8,37.40; Mt 14,5; 26,4; Mk 14,1. // bere burua Jainkoaren pareko egin 10,30.33.
19 Jesusek esan zien gainera: «Bene-benetan diotsuet: Semeak ez dezake deus ere bere kabuz egin; ez du egiten Aita egiten ikusten duena besterik: Aitak zer egin, huraxe bera egiten du Semeak ere. 5,19 ez dezake deus ere bere kabuz egin 5,30; 7,16-18; 8,28; 12,49; 14,10.
20 Izan ere, Aitak Semea maite du, eta berak egiten duen guztia erakusten dio, eta gauza handiagoak erakutsiko dizkio oraindik, harritu egingo zaituztetenak. 5,20 Aitak Semea maite 3,35+. // Aitak egindako gauzak eta Semeak egindakoak 5,19; 7,3.21; 9,4; 10,25-38; 14,10-12.
21 Aitak hilak piztu eta bizia ematen dien bezala, Semeak ere bizia ematen die berak nahi duenei. 5,21 Aitak hilak piztu Erm 4,17; Ef 2,5. // Semeak bizia ematen 11,25.
22 «Aitak ez du inor ere epaitzen, baizik eta epaitzeko ahalmen guztia Semearen esku utzi du, 5,22 epaitzeko ahalmena Semearen esku 3,17; 5,27; 9,39; 12,47; Ef 10,42; 17,31.
23 guztiek, bera ohoratzen duten bezala, Semea ere ohora dezaten. Semea ohoratzen ez duenak, hura bidali duen Aita ere ez du ohoratzen. 5,23 Aita eta Semea ohoratu 15,23; 1 J 2,23; 4,15; 5,1; 2 J 1,9. // Semea ohoratzen ez duena Lk 10,16.
24 Bene-benetan diotsuet: Nire mezua onartu eta bidali nauenarengan sinesten duenak betiko bizia du. Ez da kondenatua izango; igaroa da dagoeneko heriotzatik bizitzara. 5,24 sinesmena eta betiko bizia 3,15+. // heriotzatik bizitzara 1 J 3,14.
25 «Bene-benetan diotsuet: Badator ordua –hobeto esan, iritsia da–, hilek 5,25 hilek: Hau da, bizi delarik ere, ezinbestean heriotzara kondenaturik dagoen gizakia. Jainkoaren Semearen ahotsa entzungo dutena; eta entzungo dutenak bizi egingo dira. 5,25 hilek Semearen ahotsa entzungo 5,28; 11,43; Mk 5,41; Lk 7,14; 8,54.
26 Aitak bizia bere baitan daukan bezala, Semeari ere bizia bere baitan edukitzea eman dio. 5,26 Semeak bizia bere baitan 1,4.
27 Gainera, epaitzeko aginpidea eman dio, Gizonaren Semea delako. 5,27 epaitzeko aginpidea 5,22+. // Gizonaren Semea Mt 8,20+.
28 Ez harritu esaten dizuedanaz, bai baitator ordua hildako guztiek haren ahotsa entzungo dutena,
29 eta hilobietatik aterako direna: on egin zutenak betiko bizirako piztuko dira; gaitz egin zutenak, aldiz, kondenatuak izateko. 5,29 bizirako edo kondenatuak izateko Dn 12,2; Eg 24,15.
30 «Nik neurez ez dezaket deus ere egin: Aitak agintzen didan legez epaitzen dut; eta nire epaia zuzena da, ez baitut helburu neure nahia egitea, bidali nauenarena baizik. 5,30 neurez ez dezaket deus ere egin 5,19+. // bidali nauenaren nahia egin 4,34; 6,38; Mt 26,39; Mk 14,36; Lk 22,42.
Aitaren testigantza eta Joan Bataiatzailearena
31 «Nik neure buruaren aldeko testigantza egingo banu, nire testigantza ez litzateke baliozkoa izango. 5,31 neure buruaren aldeko testigantza 8,13-14.
32 Beste batek du nire alde testigatzen, eta jakin badakit haren testigantza baliozkoa dena. 5,32 Beste batek nire alde testigatzen 1,15.34; 3,26; 5,36; 8,18; 10,25; 15,26; 1 J 5,6-9. // baliozko testigantza 8,14.17; 15,27; 19,35; 21,24.
33 Zuek gizatalde bat bidali zenioten Joani, eta hark egiaren alde egin zuen testigantza. 5,33 Joan Bataiatzailearen testigantza 1,7+.
34 Ez dut hau esaten giza testigantzaren beharrik dudalako, zuek salba zaitezten baizik. 5,34 giza testigantza 1 J 5,9.
35 Joanek argi egiten zuen kriseilu piztuaren antzera, eta zuek alditxo batez bakarrik egon zineten prest haren argiaz gozatzeko.
36 «Nik, ordea, badut neure alde Joanena baino balio handiagoko testigantza: nik betetzeko Aitak nire gain utzitako egintzak, hain zuzen; nik egiten ditudan egintzek testigatzen dute nire alde eta Aitak bidali nauela frogatzen. 5,36 balio handiagoko testigantza 1 J 5,9. // Jesusen egintzen testigantza 10,25; 14,11.
37 Eta bidali nauen Aitak berak ere egina du nire aldeko testigantza. Baina zuek ez duzue inoiz haren ahotsik entzun, ez haren aurpegirik ikusi, 5,37 Aitaren testigantza 5,32+.
38 eta haren hitzak ere ez du zuen baitan lekurik, hark bidaliarengan ez sinesteak erakusten duen bezala. 5,38 Aitaren hitza ez onartu 1 J 2,14. // ez sinetsi 16,9+.
39 Liburu Santuak arretaz aztertzen dituzue, betiko bizia haietan aurkituko duzuelakoan; horra, bada, Liburu Santuek ere nire alde egiten dute testigantza; 5,39 Liburu Santuak Jesusi buruz 1,45; 2,22; 5,46; 12,41; 19,28.
40 halere, ez duzue niregana hurbildu nahi betiko bizia izateko.
41 «Ez dut gizakiengandiko ohorerik onartzen.
42 Baina ongi ezagutzen zaituztet eta badakit ez duzuela Jainkoa maite.
43 Neure Aitaren izenean etorria naiz ni, baina zuek ez nauzue onartzen; norbait bere izenean etorriko balitz, hura bai, onartuko zenukete.
44 Nola sinetsiko duzue zuek, elkarri ohore ematen ahalegintzen bazarete eta Jainko bakarrarengandik datorren ohoreaz arduratzen ez? 5,44 Jainkoarengandiko ohorea eta giza ohorea 5,41; 7,18; 8,50; 12,43; 13,31; 17,1; Erm 2,17.
45 Ez uste izan Aitaren aurrean nik salatuko zaituztedanik; Moisesek berak, zeuen esperantza duzuenak, salatuko zaituzte. 5,45 Moisesek salatu Dt 31,26-27.
46 Izan ere, Moisesi sinetsiko bazeniote, niri ere sinetsiko zenidakete, nitaz idatzi 5,46 nitaz idatzi: Moises jotzen zen Bibliako lehen bost liburuen –Pentateukoaren– autoretzat. baitzuen hark. 5,46 Moisesek nitaz idatzi Dt 18,15; Lk 24,27; Eg 3,22; 7,37.
47 Baina, hark idatzia sinesten ez baduzue, nola sinetsiko duzue nik esana?» 5,47 Moisesengan eta Jesusengan sinetsi Lk 16,29-31.
|
