|
6
1 Jainkoak bere ekintzan lankide gaituenez gero, eskatzen dizuegu ez dezazuela alferrik har haren onginahia.
2 Izan ere, Jainkoak dio:
Onginahi-garaian entzun dizut,
salbamen-egunean lagundu.
Begira, bada, oraintxe da onginahi-garaia, oraintxe salbamen-eguna.  6,2 Onginahi-garaian… Is 49,8. // oraintxe onginahi-garaia Lk 4,19-21; Ef 2,12-18.
Pauloren eroapen handia
3 Ez diogu inori okerrerako biderik eman, gure zerbitzua toki txarrean geldi ez dadin;
4 baizik eta gauza guztietan Jainkoaren zerbitzari garela agertzen dugu, jasaten dugun guztian eroapen handia erakutsiz: atsekabe, beharrizan eta estuasunetan, 6,4-5 apostoluaren eroapena 4,8-12+.
5 zigor, kartzela, nahaspila eta lan neketsuetan, lo faltan eta janari-gabezian.
6 Biziera garbiz jokatzen dugu, jakinduriaz, pazientziaz eta bihotz onez, Espiritu Santuaren dohainez eta benetako maitasunez,
7 egiaren mezua hots eginez eta Jainkoaren indarra erakutsiz. Nahiz erasorako nahiz defentsarako, ez dugu Jainkoaren salbamen-indarra beste armarik  6,7 Nahiz erasorako… armarik: H.h., Eskuineko eta ezkerreko justiziaren armen bitartez. Justizia hitza Jainkoaren salbamen-indar itzultzen dugu (ik. Erm 3,25-26 oh.); esamoldea bestela ere uler daiteke: salbamenera garamatzaten armak nahiz zintzotasunaren armak. Eskuinekoak (ezpata) erasorako armak dira, ezkerrekoak (babeskia) defentsarako armak. ,
8 ohoratzen gaituztela nahiz iraintzen, gutaz ongi hitz egiten dutela nahiz gaizki. Gezurtitzat jotzen gaituzte, egia esaten dugun arren;
9 ezezaguntzat, ongi ezagunak garen arren; hilzorian gaude, baina oraindik bizirik; zigortuak, baina ez hilak; 6,9 hilzorian, baina bizirik 4,10-11. // zigortuak, baina hilak ez Sal 118,18.
10 tristetzat jotzen gaituzte, baina beti pozik gaude; behartsutzat, baina beste asko aberasten dugu; ezertxo ere ez bagenu bezala, guztiaren jabe garelarik.
11 Korintoarrok, xalotasun osoz mintzatu natzaizue, zabal-zabalik ireki dizuet neure bihotza.
12 Nire barruan harrera zabala duzue; zuek, ordea, itxirik duzue bihotza niretzat.
13 Erantzun iezadazue zuenganako nire jokabideari dagokionez. Seme-alabei bezala mintzo natzaizue; zabaldu zuek ere zeuen bihotzak. 6,13 Seme-alabei bezala mintzo 1 Ko 4,14.
Kristauak Jainko biziaren etxe
14 Ez nahas 6,14 Ez nahasi sinesgabeekin Ef 5,6-7.11. sinesgabeekin: ba al dute zerikusirik elkarrekin zuzenbideak eta gaiztakeriak? Elkar ote daitezke argia eta iluna? 6,14 6,14 –7,1 pasarteak Pauloren azalpenaren haria eten egiten du eta ez dator egoki testuinguruan. Ezarpena parentesi moduan sartua dago hemen, eta zenbaiten ustez ez dagokio gutunari.
15 Etor ote daitezke bat Kristo eta deabrua, edota harremanik izan ote daiteke fededunaren eta fedegabearen artean?
16 Zein kidetasun izan dezake Jainkoaren tenpluak sasijainkoekin? Zeren gu Jainko biziaren tenplu baikara 6,16 gu… baikara: Eskuizkribu askok zuek… baitzarete diote. , Jainkoak berak esan bezala:
Haiekin biziko naiz
eta haiekin ibiliko,
haien Jainko izango naiz
eta haiek nire herri.
17 Horregatik, hau dio Jaunak:
Irten haien artetik, urrundu,
ez ukitu ezer kutsaturik,
eta neuk hartuko zaituztet.
18 Aita izango naiz zuentzat,
eta zuek seme-alaba niretzat.
Hau dio Jaun ahalguztidunak.
|
