|
7
1 Ene maiteok, honelako agintzariak ditugunez gero, garbi gaitezen gorputzeko eta espirituko zikin guztietatik, eta eraman dezagun bere betera geure sagarapena, Jainkoarenganako begirunean biziz.
Korintoarren damua eta Pauloren poza
2 Egidazue  7,2 6,13 tx.ean etendako gaiari jarraitzen zaio 7,2 honetan. leku zeuen bihotzetan. Ez diot inori bidegaberik, ez kalterik egin, ez dut inor ustiatu.  7,2 ez dut inor ustiatu 12,16-18.
3 Ez zaituztet gaitzetsi nahi, esana baitizuet barru-barruan zaituztedala: elkarrekin bat eginak gaude, bai heriotzarako, bai bizitzarako. 7,3 barru-barruan zaituztet 6,11-12; Flp 1,7.
4 Handia da zuengan dudan konfiantza eta harro nago zuengatik. Adorez betea nago eta pozez gainezka neure atsekabe guztien artean. 7,4 Pauloren harrotzeko bidea 7,14; 8,24.
5 Mazedoniara 7,5 Mazedonia: Ik. Erm 15,26 oh. iritsi nintzenean, nik, gizagaixo honek, ez nuen atsedenik izan; atsekabeak izan nituen alde guztietatik: borroka kanpotik eta beldurra barrutik. 7,5 Mazedoniara iristean 2,13; Eg 20,1-2.
6 Baina bihozgabetuei adore ematen dien Jainkoak adorez bete ninduen Titoren 7,6 Tito: Ik. 2,13 oh. etorrerarekin. 7,6 Jainkoak adore ematen 1,3-4; Is 49,13. // Tito 2,13+.
7 Eta ez bakarrik haren etorrerarekin, baita zuengandik ekarri zizkidan berri pozgarriekin ere: berak jakinarazi zizkidan ni ikusteko duzuen irrika, zuen damu-negarra eta nirekiko maitasuna. Horrek oraindik gehiago poztu ninduen.
8 Horregatik, nire gutun harekin 7,8 nire gutun hura: Ik. 2,3 oh. nahigabea eman banizuen ere, ez dut damurik. Eta, gutun hark alditxo batez nahigabetu egin zintuztela ikusirik, lehen damuturik egon banintzen ere,
9 orain poztu egiten naiz; ez, noski, eman nizuen nahigabeagatik, nahigabe horrek zeuen jarrera aldatzera eraman zintuztelako baizik. Zuen nahigabea Jainkoak nahi bezalakoa izan zen; beraz, ez nizuen inolako kalterik egin.
10 Izan ere, Jainkoaren asmoen araberako nahigabeak salbamenera garamatzan bizi-aldaketa dakar ondorio, eta horretaz damutu beharrik ez dago. Mundu honetatik datorkigun nahigabeak, berriz, heriotzara eramaten gaitu. 7,10 heriotzarako nahigabea Si 38,18; Mt 27,3-5.
11 Begira, bestela, zer sortu zuen zuengan Jainkoaren araberako nahigabe horrek: nolako ardura eta zeuen buruak zuritu beharra, nolako haserrea eta beldurra! Nolako irrika eta zaletasuna nireganako, nolako bizkortasuna erruduna zigortzeko! Garbi azaldu duzue errugabe zinetela arazo honetan.
12 Idatzi, beraz, ez nizuen idatzi iraina egin zuenarengatik, ezta hartu zuenarengatik 7,12 hartu zuenarengatik: Ik. 2,5 oh. Pauloren hitz egiteko moduak hauxe iradokitzen du: iraindua, Paulo ez baizik beronen laguntzaileren bat izan zela. ere, Jainkoaren aurrean nitaz duzuen ardura agertzeko aukera zuei emateko baizik.
13 Zuen jokabideak kontsolatu egin nau.
Eta oraindik gehiago poztu nau Titoren zoriona ikusteak, zuek guztiok biziberritua utzi baituzue berorren bihotza.
14 Zuetaz egin nizkion goraipamen guztiak ez dira gezur gertatu; bestela baizik, zuei beti egia esan dizuedan bezala, egia gertatu dira zuetaz Titori egin nizkion goraipamenak ere.
15 Zuek guztiok agertu zenioten mendetasuna eta nolako begirunez hartu zenuten gogoratzean, handiago egiten zaio zuekiko maitasuna. 7,15 korintoarren mendetasuna 2,6-9; 10,6.
16 Zuengan konfiantza osoa izan dezakedala jakiteak pozez betetzen nau.
|
