|
Berri ona zabaltzeari ekin
4
1 Jainkoaren aurrean eta, errege bezala agertuz, biziak eta hilak epaitzera etorriko den Kristo Jesusen aurrean erregutzen dizut:  4,1 biziak eta hilak epaitzera Eg 10,42+.
2 hots egin Jaunaren hitza, ekin garaia denean eta ez denean, eman arrazoiak, zentzarazi eta eman adore, zeure pazientzia guztia eta irakasteko gaitasuna erabiliz. 4,2 garaia denean eta ez denean Eg 20,20.31.
3 Etorriko baita gizon-emakumeek irakaspen osasungarria jasango ez duten garaia: beren grinen eraginpean, maisuz inguratuko dira, berauei entzuteko irrikaz; 4,3 Etorriko da garaia 3,1; 1 Tm 4,1. // irakaspen osasungarria 1 Tm 1,10+.
4 egiatik saihestuko dituzte belarriak eta ipuinetara bihurtuko. 4,4 egiatik saihestu Ik. 3,6-7+. // ipuinak 1 Tm 1,4+.
5 Zu, ordea, izan neurritsu gauza guztietan, eraman sufrimenduak, ekin berri ona zabaltzeari, bete ongi zeure zerbitzua.
Paulo hiltzeko zorian
6 Ni neu, neure bizia opari eskaintzeko zorian nago; gainean dut mundu honetatik abiatzeko ordua  4,6 ordua: Tx. honetan, hurbil sumatzen duen heriotza adierazteko bi irudi darabiltza Paulok, Filipoarrei gutunean erabiliak biak; lehena (opari eskaini) kultu-hiztegitik hartua (ik. Flp 2,17 oh.); bigarrena, abiatzearen irudia, ontziak portutik abiatzea adierazteko hitza zen (ik. Flp 1,23: hil, h.h., abiatu ). .
7 Borroka ona egin dut, bukatu dut lasterketa, gorde dut sinesmena. 4,7 Borroka ona 1 Tm 1,18+. // bukatu dut lasterketa Eg 20,24. Ik. Flp 3,14.
8 Dagoeneko zain daukat garaipenaren koroa, Jaunak, epaile zuzenak, azken egunean emango didana; eta ez niri bakarrik, baita haren aintzazko etorrera maitasunez itxaro duten guztiei ere.
Timoteorentzako aginduak
9 Zatozkit lehenbailehen, 4,9 Zatozkit lehenbailehen 1,4; 4,21.
10 Demasek utzi egin bainau: nahiago izan ditu mundu honetako gauzak, eta Tesalonikara joan da; Kreszente, berriz, Galaziara joan da eta Tito Dalmaziara 4,10 Demas: Paulok Erromako lehen presoaldian bere lankide izana (ik. Kol 4,14; Flm 1,24). // Galazia: Zenbait eskuizkribuk Galia dio. Eta seguruen Galia da, Frantzia alegia; garai hartan, Galazia izena ere ematen zitzaion azken honi. // Tito: Ik. 2 Ko 2,13 oh. // Dalmazia: Jugoslavia zenaren kostaldea. .
11 Lukas bakarrik dago nirekin. Har ezazu Markos 4,11 Markos: Ik. Eg 12,12 oh. eta ekarri zeurekin, lanerako oso ona baitut.
12 Tikiko 4,12 Tikiko: Ik. Eg 20,4 oh. Efesora bidali dut. 4,12 Efeso Eg 18,19+.
13 Hona etortzean, ekar ezazu Troaden, Karporen etxean, utzi nuen soingainekoa, baita liburuak ere, batez ere pergaminoak. 4,13 Troade Eg 16,8+.
14 Alexandro errementariak kalte handia egin dit; Jaunak ordainduko dio bere jokabidearen arabera. 4,14 Jaunak ordainduko bere jokabidearen arabera 2 Sm 3,39; Sal 28,4; 62,13; Es 24,12; Erm 2,6.
15 Kontu izan zuk ere horrekin, gogor jarri baitzen gure irakatsien kontra.
16 Nire auziko lehenengo defentsan ez zen inor atera nire alde; bakarrik utzi ninduten denek; Jainkoak ez diezaiela kontuan har. 4,16 Paulo bakarrik utzia 1,15.
17 Baina Jauna neurekin izan nuen eta indartu egin ninduen, nire bidez mezua oso-osorik iragarria izan zedin eta jentil guztiek entzun zezaten; berak atera ninduen lehoiaren ahotik. 4,17 Jauna neurekin izan nuen Mt 10,19; Flp 1,19-20. // mezua jentil guztiek entzun zezaten Eg 9,15; 23,11; Ga 2,7; Kol 4,3-4. // berak atera ninduen lehoiaren ahotik Sal 22,22; Dn 6,21.
18 Jaunak aterako nau gaitz guztietatik eta salbamena emango bere zeruko erreinuan. Berari aintza menderen mendetan! Amen. 4,18 Berari aintza Erm 16,27+.
Azken agurrak
19 Agurtu Priska eta Akila 4,19 Priska eta Akila: Ik. Eg 18,2 oh. , baita Onesifororen etxekoak ere.
20 Erasto Korinton gelditu zen; Trofimo 4,20 Trofimo: Ik. Eg 20,4 oh. gaixorik utzi nuen Mileton. 4,20 Korinto Eg 18,1; 19,1; 1 Ko 1,2; 2 Ko 1,1. // Mileto Eg 20,17.
21 Saia zaitez negua baino lehen etortzen.
Eubulok, Pudentek, Linok, Klaudiak 4,21 Eubulo, Pudente, Lino, Klaudia: Zalantzarik gabe, Pauloren lehen presoaldikoan ezagutu zituen Timoteok Erromako eliz elkartekide hauek. eta senide guztiek agurtzen zaituzte.
22 Jauna zurekin. Jainkoaren grazia zuekin 4,22 Eskuizkribu askok Amen eransten dute. .
|
