|
Negar-kanta
5
1 Entzun, Israel herri,
zuregatik abesten dudan
negar-kanta hau: 
2 Israel neskatxa ederra  5,2 Israel neskatxa ederra: H.h., Israel birjina, herriaren pertsonifikazio poetikoa. erori da,
ez da gehiago jaikiko;
lur jota dago,
ez da altxatuko duenik. 5,2 ez jaikitzeko erori 8,14.
3 Honela diotso Jainko Jaunak
Israel herriari:
«Gerrara mila gizon
bidaltzen dituen hiriari
ehun itzuliko zaizkio;
ehun bidaltzen dituenari, hamar». 5,3 gutxi salbatuak 3,12; 6,9-10; 9,8-10; Dt 28,62. Ik. Is 4,3+.
Deia: «Etorri nire bila, bizi zaitezten»
4 Honela diotso Jaunak
Israel herriari:
«Etorri nire bila, bizi zaitezten. 5,4 Jauna bilatu 5,6.14; Os 5,15+; 2 Kro 15,2-4. // bizi zaitezten Dt 30,15-16; Mt 19,16-17.
5 Baina ez ibili nire bila Betelen,
ez joan Gilgalera,
ez jo Beer-Xebarantz 5,5 Beer-Xeba: Judako hego-ertzean zegoen antzinako kultu-lekua; Betel eta Gilgal, berriz (ik. 4,4 oh.), Ipar Erresumari zegozkion. ;
Gilgal erbestean galduko baita,
Betel ezereztu». 5,5 Betel eta Gilgal 4,4+. Ik. 3,14. // Beer-Xeba 8,14; Has 21,33; 26,23-25.
6 Ibili Jaunaren bila, bizi zaitezten.
Bestela, Joseren ondorengoen 5,6 Joseren ondorengoak: Zehazki, Efraim eta Manasesen leinuak dira, Efraim eta Manases baitziren Joseren semeak (ik. Has 48,1); zabal hartuta, ordea, Ipar Erresuma guztia.
gainera oldartuko da,
itzali ezineko suz
irentsiko du Betel.
7 Ai! Justizia samindura
bihurtzen dute,
eta zuzenbidea
hankapean erabiltzen. 5,7 Justizia samindura 6,12; Is 5,20; Os 10,4; Nk 3,15. Ik. 2,6-7.
8 Jainkoa da
izar-multzoak 5,8 izar-multzoak: H.h., Pleiade eta Orion. sortu dituena,
iluna egunsenti
eta eguna gau beltz
bihurtzen duena;
itsas urak biltzen
eta lur gainera isurtzen dituena.
Jauna du izena. 5,8 gorazarrea 4,13+. // izar-multzo Jb 38,31.
9 Berak xehatzen du indartsua,
berak hondatzen gotorlekuak.
10 Auzitegietan 5,10 Auzitegietan: H.h., Hiriko atean, lekuko epaimahaia biltzen zen hiri-sarrerako plaza. salatzen zaituztena
gorrotatzen duzue,
eta egia dioena gaitzesten.
11 Jende xehea larrutzen duzue,
gari-zerga ordaintzera behartuz.
Harlanduzko etxeak egin dituzue,
baina ez zarete berorietan biziko;
mahasti bikainak landatu,
baina ez duzue
berorien ardorik edango. 5,11 behartsuak zapalduak 2,6-7+. // probetxugabeko ondasunak 3,15; Dt 28,30-33; Mi 6,15; So 1,13. Ik. 9,14; Is 62,8-9.
12 Ondo ezaguna dut
zuen errebeldien neurrigabea
eta zuen bekatuen astuna:
errugabea estutu duzue,
eskupekoa jaso,
auzitegian behartsuen
eskubidea baztertu. 5,12 errebeldia 4,4+. // eskubidea baztertu 2,6-7+.
13 Hori dela eta,
zuhurrak nahiago du isildu
gaiztoaldi honetan. 5,13 isildu Lk 23,9.
14 Bilatu ongia, ez gaizkia,
bizi zaitezten.
Orduan bai, zuekin izango da Jauna,
Jainko ahalguztiduna,
berak esan bezala. 5,14 Bilatu Ik. 5,4+. // bizi zaitezten 5,4+; Sal 34,13-15; 37,27. // Jauna zuekin Mi 3,11. Ik. Jr 7,4.
15 Gorrota ezazue gaizkia,
maita ongia,
egin zuzentasuna auzitegietan,
ea Jainko Jaun ahalguztiduna
Joseren azken ondorengoekin
gupidatzen den. 5,15 maita ongia Dt 30,19-20. // ea Jauna gupidatzen den 7,3.6; Jl 2,14; Jon 3,9. // azken ondorengoak 9,8. Ik. 5,3+.
16 Honela dio
Jainko Jaun ahalguztidunak:
«Plaza guztietan
doluminak izango dira,
kale guztietan negar-zotinak.
Nekazariak deituko dituzte
dolurako,
erostariak hileta-negarrerako;
17 mahasti guztietan
doluminak izango dira,
ni zu zigortzera etortzean».
Jaunak esan du. 5,17 zigortzera etorri 4,12+.
Jaunaren eguna
18 Ai Jaunaren egunaren
irrikatan zaudetenok!
Zer izango dela uste duzue zuentzat
Jaunaren egun hori?
Egun beltza izango duzue,
eta ez egun argia. 5,18 Jaunaren eguna 2,16+; Jl 1,15+. // Egun beltza 5,20; 8,9; Jl 2,2; So 1,15; Mk 13,24-25.
19 Egun horretan,
lehoiarengandik ihesi ibili eta
hartzarekin tupust egiten duen
gizonaren antzeko izango zarete,
edota, etxean sartu eta
horman eskua ipini orduko,
sugeak zizta egiten
dionaren antzeko.
20 Bai, Jaunaren eguna
egun beltza izango da,
eta ez egun argia,
argi-izpirik gabeko ilun beltza!
Sasikultuaren aurka
21 Honela dio Jaunak:
«Gorroto eta higuin ditut
zuen jaiak,
ez ditut atsegin
zuen kultu-batzarrak. 5,21 ez ospakizunak atsegin 4,4-5; 5,5; Os 8,13+.
22 Aldare gainera
ekartzen dizkidazuen
erre-opari eta labore-opariak
ez ditut atsegin,
zekor gizenen elkartasun-opariei
bizkarra ematen diet.
23 Kendu nire ondotik
zuen kantuen zarata-hotsa,
zuen zitara-soinurik
ez dut entzun nahi.
24 Datorrela, bai, zuzenbidea
ura bezala,
datorrela justizia,
beti darion erreka bezala. 5,24 Datorrela zuzenbidea 2,6-7; 5,7. Ik. Mt 5,23-24.
25 «Israel herri, basamortuan berrogei urtez ez zenidan sakrifiziorik, ez labore-oparirik egin.
26 Baina orain, Sikut zuen jainko-erregearen eta Kiion 5,26 Sikut eta Kiion: Asiriar izar-jainkoak dira seguruenik (ik. 2 Erg 17,29-31). Testua ukitua dago, Amosez geroztiko egoeraren berri ematen baitigu. zuen jainko-izarraren irudiak egin dituzuenez,
27 zeuekin eramango dituzue, Damaskotik harantz atzerrira bidaliko zaituztedanean».
Jainko Jaun ahalguztiduna,
hori du izena. 5,27 atzerrira eraman 1,5+.
|
