|
Daniel otoitzean bere herriaren alde
9
1 «Dario  9,1 Dario: Ik. 6,1 oh. , Xerxesen semea, mediarren jatorrikoa, Babilonian zegoen errege.
2 Haren erregealdiko lehen urtean, ni, Daniel, Liburu Santuak aztertzen ari nintzen, Jaunak Jeremiasi esan zion hura ulertu nahian, hau da, Jerusalem hirurogeita hamar urtez egongo zela hondatua.  9,2 Jaunak Jeremiasi esana Jr 25,11-12; 29,10.
3 Jainko Jaunarengana itzuli nintzen eta otoitz eta erreguak zuzendu nizkion, barau eginez, dolu-jantzia hartuz eta burua hautsez estaliz 9,3 Hiru keinuok nahigabe eta penitentziaren adierazgarri dira (ik. Has 37,34; Jon 3,5-6). .
4 Otoitz egin nion Jaunari, neure Jainkoari, eta bekatuak aitortu nizkion, esanez:
«Jauna, Jainko handi eta ikaragarria, zuk itunari eusten diozu eta leiala zara maite zaituztenekin eta zure aginduak betetzen dituztenekin. 9,4 Otoitz egin nion Esd 9,6-15; Ne 1,5-11; 9,5-37; Ba 1,15–3,8; DnGr 1,25-45. // itunari eusten diozu Ne 1,5+.
5 Baina guk bekatu egin dugu, gaiztoak izan gara eta zure aurka atera, zure agindu eta erabakietatik urrunduz.
6 Ez diegu jaramonik egin zure zerbitzari profetei, zure izenean gure errege eta buruzagiei, gure arbaso eta herri osoari hitz egin dietenean. 9,6 Ez diegu jaramonik egin 9,10.14; Jr 7,24-26.
7 Jauna, zu bakarrik zuzena! Gu, ordea, lotsa gorrian gaude: Jerusalemgo bizilagunok, Judako herria, israeldar guztiak, hemen bizi garenok eta urrutikoak, zurekiko desleial izateagatik beste lurraldeetara sakabanatu dituzunak.
8 «Bai, Jauna, lotsaturik gaude, geu eta gure erregeak, gure buruzagi eta gurasoak, bekatu egin baitugu zure aurka!
9 Baina zure aurka jaiki bagara ere, zu, Jainko Jaun hori, gupidatsua zara eta barkatzen dakizuna! 9,9 gupidatsua zara Ir 34,6-7+.
10 Ez dizugu entzun, zeure zerbitzari profeten bidez emandako legeak betetzeko eskatu diguzunean.
11 Israel herri osoak hautsi egin du zure legea, eta bizkarra eman dizu zure esana ez betetzearren. Horregatik erori zaigu gainera zure zerbitzari Moisesen legean idatzitako madarikazioa, zure aurka bekatu egin dugulako. 9,11 legea hautsi Jr 18,10; 42,13.18. // legean idatzitako madarikazioa Dt 28,15-68; 29,20.
12 Bete egin duzu, gure eta gure gobernarien aurka eman zenuen hitza, beste inon ere ikusi ez den bezalako zoritxar izugarria Jerusalemera bidaliz.
13 Moisesen legean idatzirik dagoen bezalaxe, hain zuzen, etorri zaigu gainera hainbesteko zoritxar hau; hala ere, Jauna, ez gara zure haserrea baretzen ahalegindu, gure bekatuetatik urrunduz eta zure leialtasuna aitortuz.
14 Horregatik, erne egon zara guri zoritxar hau bidaltzeko. Izan ere, zu, Jauna, gure Jainkoa, zuzena zara egiten duzun guztian; baina guk entzungor egin diogu zure esanari. 9,14 erne egon zara Jr 1,12; 31,28; 44,27.
15 «Jauna, gure Jainkoa, ahalmen handiz atera zenuen herria Egiptotik eta izen handia zeureganatu duzu gaurdaino; guk, berriz, bekatu egin dugu eta gaizki jokatu. 9,15 ahalmen handiz atera Dt 4,34+; Jr 32,21.
16 Zuzena zarelako, Jauna, urrundu Jerusalemdik, zeure hiri eta mendi santutik, zeure haserrea eta sumina. Gure hoben eta gurasoen egintza gaiztoengatik irainez betetzen dituzte Jerusalem eta zure herria inguruan bizi diren guztiek. 9,16 ingurukoen irain Ez 25,3; 36,2-4; Sal 44,14; 79,4.
17 Entzun, bada, Jauna, gure Jainkoa, nire otoitza eta erregua. Begira onginahiz zeure santutegi hondatuari. Zarena zarelako, Jauna! 9,17 santutegia hondatua Sal 74,3-7. // Zarena zarelako Is 48,9-11; Jr 14,7-9; Ez 36,22.
18 Ene Jainko, entzun eta begira: ikusi zeuri sagaraturiko hiriaren hondamena. Ez dizkizugu egiten erreguok ezer merezi dugulakoan, zure errukia handia delako baizik.
19 Entzun, Jauna! Barkatu, Jauna! Begira, Jauna! Zarena zarelako, ekin luzatzeke zeuri sagaraturiko hiri eta herri honen alde.
Hirurogeita hamar asteen profezia
20 «Artean otoitzean ari nintzen, neure bekatuak eta Israelenak aitortzen, eta Jaunari, neure Jainkoari, bere mendi santuaren 9,20 mendi santua: Tenplua eraikita dagoeneko Jerusalemgo mendia (ik. 9,16). alde erreguka.
21 Eta bat-batean, aurreko ikuskarian agertu zitzaidan Gabriel aingerua bera etorri zitzaidan hegan. Arratsaldeko oparia eskaintzen den ordua 9,21 ordua: Tenpluko eguneroko liturgiaren ordutegia aipatzen da. zen. 9,21 Gabriel 8,16+.
22 Honela esan zidan:
«Daniel, ulertzen laguntzera etorri natzaizu.
23 Zu otoitzean hasi bezain laster, mezu bat eman du Jainkoak, eta horren berri ematera natorkizu, bereziki maite baitzaitu Jainkoak. Ahalegin zaitez, beraz, mezua eta ikuskariaren esanahia ulertzen. 9,23 bereziki maite Jainkoak 10,11.19.
24 «Zazpi urteko hirurogeita hamar denboraldi daude erabakita zure herriarentzat eta hiri santuarentzat. Beharrezkoa da denboraldi hori, errebeldiari amaiera emateko, bekatuen barkamena lortzeko eta zuzentasun iraunkorra ezartzeko, ikuskariak eta profeziak beren betera eramateko eta toki santu-santua sagaratzeko 9,24 toki santu-santua sagaratzeko: Judas Makabearrak 164. urtean egindako tenpluaren sagaratzea aipatzen da nonbait (ik. 1 M 4,36-59). .
25 Hauxe da jakin eta ulertu behar duzuna: Erbestetik itzuli eta Jerusalem berreraikitzeko mezua agertu zenetik buruzagi sagaratua agertu arte 9,25 mezua agertu zenetik: Garaiaren abiapuntua Jeremiasi eginiko agerpena da (ik. 9,2). // buruzagi sagaratua agertu arte: Garaiaren bukaera bigarren tenpluaren sagarapena dateke, 515a; buruzagi sagaratua, berriz, Josue apaiz nagusia. Dena den, denboraldi hauek sinbolo mailakoak dira, kronologia zehatzarekin zerikusi gutxi dutenak. , zazpi urteko zazpi denboraldi igaroko dira; zazpi urteko hirurogeita bi denboralditan erbestetik etorri eta hiria eta honen kale eta harresiak egingo dituzte, baina garai zailak izango dira.
26 Hirurogeita bi denboraldien buruan gizon sagaratu bat hilko dute, inork ere lagunduko ez diolarik. Gero, buruzagi bat 9,26 gizon sagaratu bat: Segur aski Onias III.a, apaiz nagusia, 175ean bere kargutik kendua eta erbesteratua, eta 170ean eraila (2 M 4,34). // inork ere lagunduko ez diolarik: Testua iluna da, ez baitago osorik; antzinako itzulpen batek errurik izan ez arren ulertzen du. // buruzagi bat: Antioko IV.a Epifanes, K.a. 167an Jerusalem hartu eta tenpluko kultuari amaiera eman ziona (ik. 7,25 oh.). etorriko da bere gudarostearekin, hiria eta santutegia erraustuz. Uholde baten antzera etorriko da azkena. Gerrak eta hondamena izango dira ordu arte, Jainkoak erabaki bezala.
27 «Buruzagiak ituna egingo du jende askorekin zazpi urteko denboraldian. Denboraldi honen erdian geldiaraziko ditu sakrifizioa eta eskaintza; ikaragarrizko idolo higuingarria 9,27 idolo higuingarria: Antiokok legezko kultua kendu eta idolo higuingarriari eskainiriko aldarea ipini zuen erre-oparien aldarearen lekuan. Idoloa Baal-Xamem (Zeus Olinpoarra) siriar jainkoaren irudia zen seguruen. ezarriko du aldare gainean, hondatzaileari ere erabakitako azkena iritsi arte». 9,27 tenplua profanatua 8,11-13; 11,31; 12,11; 1 M 1,45-47.
|
