|
Mardokeo Esterri laguntza eske
4
1 Gertatzen ari zena jakitean, Mardokeok urratu egin zituen bere soinekoak, dolu-jantziz estali, burura hautsa bota  4,1 Mardokeok… hautsa bota: Atsekabe handiaren ezaugarriak ziren zeinu horiek. eta hiriko plazan barrena ibili zen oihu handiz garrasika: «Herri errugabea suntsitu nahi dute!»
2 Erregearen jauregi aurrera heldu zelarik, gelditu egin zen, ezin baitzen jauregiko atarian dolu-jantziz eta errautsez estalia sartu.
3 Gutuna oihukatu zen eskualde guztietan aieneka eta bular-joka ari ziren juduak, eta izugarrizko atsekabea zegoen hauen artean. Hauetariko asko zaku eta errauts gainean etzan zen.
4 Mirabeek eta irenek dena jakinarazi zioten Ester erreginari. Gertatzen zena entzutean, larritu egin zen Ester. Eta jantzi arruntak bidali zizkion Mardokeori, soinean har zitzan, dolu-jantzia erantzirik. Mardokeok, ordea, ez zuen nahi izan.
5 Orduan, Esterrek Akrateori, bere zerbitzura zuen irenari, dei egin eta Mardokeogana igorri zuen, zer gertatzen zen zehatz jakitera 4,5 Grekozko testuan ez dago 6. tx.ik; Ester hebreerazkoan bai. .
7 Orduan, gertatuaren berri eman zion Mardokeok. Juduak suntsitzearen ordain, Hamanek erregearen gordailura hirurehun eta berrogei tona zilar eramateko hitza eman zuela ere esan zion.
8 Susa hirian oihukatua zen suntsipen-aginduaren kopia ere eman zion, Esterri erakuts ziezaion. Gainera, Esterri erregeagana joateko agintzen zion, erregearen onginahia eskuratu eta bere herriaren alde erregu egiteko. Hau esan behar zion irenak Esterri: «Oroit zaitez behe-mailan zeundenean neure eskuz hazi zintudala. Erregearen hurrengo den Haman gure kontra mintzatu zaio erregeari, gu hilarazteko. Dei egiozu Jaunari eta hitz egin gutaz erregeari. Salba gaitzazu heriotzatik!»
9 Itzuli zen Akrateo eta adierazi zion guztia Esterri.
10 Orduan, esan zion Esterrek: «Zoaz eta esan Mardokeori:
11 Erreinuko nazio guztiek dakite, deitua izan gabe, erregeagana, jauregi barneko atarira, sartzen denak, gizaseme nahiz emakume, ez duela salbamenik; erregeak urrezko bere makila luzatzen diona bakarrik geldituko dela bizirik. Niri dagokidanez, bada hilabete bat erregeak ez nauela beregana deitu».
12 Esterrek esana Akrateok adieraztean,
13 Mardokeok erantzun zion: «Zoaz eta esan Esterri: Ez uste izan erreinuko judu guztietatik zu bakarrik salbatuko zarenik.
14 Une honetan ez entzunarena egiten baduzu, etorriko zaizkie beste nonbaitetik laguntza eta babesa juduei; orduan, zu eta zeure etxekoak galdu egingo zarete. Gainera, batek daki ez ote zaren erregina izatera heldu, hain zuzen ere, honelako une larrirako!»
15 Esterrek berriro bidali zuen mezularia, Mardokeori esatera:
16 «Bil itzazu Susan bizi diren juduak eta egizue barau nire alde. Ez jan, ez edan, hiru egun eta hiru gauez. Neuk ere, neure mirabeekin, barau eginen dut. Ondoren, erregearen aitzinera joango naiz, legearen kontrakoa izan arren, baita hil behar badut ere».  4,16 Ez jan, ez edan Est 4,16+. // hiru egun 2 M 13,10-12.
17a Alde egin zuen Mardokeok, eta Esterrek esana egin zuen.
Mardokeoren otoitza
17b Mardokeok, Jaunaren egintza guztiak gogoratuz, otoitz hau egin zuen:
17c «Jauna, Jauna,
Errege ahalguztiduna,
zeure menpe duzu dena,
eta ezin zaizu inor kontra jarri,
zuk Israel salbatu nahi duzunean. C,2 Jauna… zeure menpe duzu dena Is 37,15-20; Sal 47,3+; 95,3+.
17d Zeuk egin dituzu zeru-lurrak
eta zerupean diren
gauza miresgarri guztiak. C,3 Zeuk egin dituzu zeru-lurrak 2 Erg 19,15+.
17e Zeu zara denen Jaun,
eta ezin zaizu inor ere
kontra jarri, Jauna.
17f Zuk dena dakizu.
Zuk badakizu, Jauna,
Haman harro horren aitzinean
ahuspeztu ez banaiz,
ez dudala harrokeria, ez handiuste,
ez handizalekeriagatik
jokatu horrela, C,5-7 Ni ez naiz ahuspeztuko… zu beste inoren aurrean Ik. Ir 20,5; Dn 3,12; Eg 5,29.
17g prest bainengoke
horren oinak laztantzeko ere,
Israel salbatzeagatik;
17h gizonaren aintza
Jainkoari dagokionaren gainetik
ez ipintzearren egin dut hori.
Ni ez naiz ahuspeztuko,
ene Jauna,
zu beste inoren aurrean,
eta hori ez dut
harrokeriagatik egingo.
17i Eta orain, Jainko Jauna, Errege,
Abrahamen Jainkoa,
barkatu zeure herriari!
Izan ere,
betidanik zeure ondare duzun herria
suntsitu egin nahi dute
eginahal guztian. C,8-9 zeure ondare duzun herria Dt 9,26; 1 Sm 10,1; 1 Erg 8,51; Sal 28,9; 94,5; Jdt 13,5. // suntsitu 3,6; 7,4; Sal 83,5.
17j Ez arbuiatu zeure herria,
zeure egiteko
Egiptotik askatu zenuen ondarea.
17k Entzun nire eskaria.
Jar zaitez
zeure ondare duzun herriaren alde,
eta bihur ezazu alaitasun
gure atsekabea.
Eta, bizirik egonez,
gorazarreak kantatuko dizkizugu,
Jauna.
Ez isilarazi
goresten zaituztenen ahoa». C,10 bihur ezazu alaitasun gure atsekabea Jr 31,13; Sal 30,12. // bizirik egonez, gorazarreak kantatuko Is 38,19; Sal 119,175.
17l Israeldar guztiek deiadar egin zioten indartsu Jainkoari, gainean ikusten baitzuten heriotza.
Esterren otoitza
17m Ester erreginak, arrisku larri hartan, Jaunarengana jo zuen babes bila.
17n Bere soineko bikainak erantzirik, dolu-jantzi zarpailak hartu zituen soinean. Usaingarri baliotsuen ordez, errautsez eta zikinez estali zuen bere burua. Erabat desitxuratu zen, eta distiratsu apaindu ohi zuen gorputza ile-adats nahasiz estali. C,13 Erabat desitxuratu… gorputza Dn 9,3; Jdt 9,1.
17ń Eta otoitz hau egin zion Jaunari, Israelen Jainkoari:
«Ene Jauna, gure Erregea,
bakarra zara zu!
Lagun iezadazu,
bakarrik bainago,
ez baitut zu beste laguntzailerik C,14 gure Erregea C,2+. // bakarra zara zu Dt 6,4.
17o arriskuan nagoen une honetan.
17p Txikitandik entzun izan dut
gurasoen etxean
zuk, Jauna, nazio guztien artean
Israel hautatu zenuela,
eta arbaso guztien artean
gure arbasoak aukeratu zenituela
zeure ondare egiteko betiko,
eta esandako guztia bete izan duzula
beraien alde. C,16 entzun izan dut Sal 78,3+. // zeure ondare egiteko C,8-9+.
17q Orain, ordea,
bekatu egin dugu zure aurka guk,
eta etsaien esku utzi gaituzu zuk, C,17-18 etsaien esku utzi Ne 9,27; DnGr 1,32. // beraien idoloak ohoratu ditugulako 1 M 1,41-53; Ba 2,1-5. // Zuzena zara, Jauna Sal 50,6; 119,137+.
17r beraien idoloak ohoratu ditugulako.
Zuzena zara, Jauna!
17s Baina orain ez dute aski
gu esklabotza garratzean
edukitzearekin:
hitzarmena egin dute
beren idoloekin C,19 hitzarmena… idoloekin: H.h., eskuak beren idoloen eskuetan jarri dituzte. Zeinu horrek omena, uste ona eta hitzarmena adierazten zuen.
17t zuk erabaki duzuna desegiteko,
zure ondarea suntsitzeko.
Zu goresten zaituztenen
ahoa itxi egin nahi dute,
zu gurtzen zaitugunok
desagerrarazi C,20 zu gurtzen… desagerrarazi: H.h., zure etxe eta zure aldarearen aintza itzali. . C,20 zure ondarea suntsitzeko C,8-9+.
17u Eta jentilen ahoak
ireki nahi dituzte,
idolo hutsalak gorets ditzaten;
errege hilkorra miretsi nahi dute,
betierekoa bailitzan.
17v Ez utzi, Jauna, zeure aginte-makila
deus ere ez diren idoloei.
Etsaiak ez daitezela poztu
gure erorialdiaz!
Bihur ezazu beraien kontra
beren asmoa,
eta eman eskarmentuzko zigorra
gure aurkako egintzetan
buru denari.
17w Oroit zaitez gutaz, Jauna,
ager zakizkigu indartsu
gure atsekabealdian.
Eta niri, emadazu kemena,
oi jainkoen Errege,
aginte oro duzun horrek. C,23 jainkoen Errege C,2+; Sal 95,3+.
17x Ipini nire ahoan hitz egokiak,
lehoiaren aurrean C,24 lehoiaren aurrean: Hau da, Artaxerxes erregearen aurrean.
egongo naizenean;
alda iezaiozu bihotza,
gure kontra ari den Haman
gorrota dezan,
berau eta beronen aldekoak
desegin ditzan.
17y Libra gaitzazu horien eskutik
zeure esku indartsuaz.
Eta niri, lagun iezadazu,
bakarrik bainago,
ez baitut zu beste laguntzailerik.
Zuk dena dakizu: C,25 Zuk dena dakizu C,5; 1 Sm 2,3.
17z badakizu gaitzetsi egiten dudana
lege gabeko jendeak
emaniko ohorea,
badakizu higuina ematen didana
erdaingabeekin
eta edozein arrotzekin ezkontzeak. C,26 arrotzekin ezkontzea Esd 9,2+.
17aa Badakizu zein egoera larritan
nagoen,
nazka ematen baitit
jendaurrean koroa
eraman beharrak;
nire goi-mailaren seinale da,
baina ez dut janzten
bakarrik nagoenean,
nazka ematen baitit
trapu zahar zikinak bezala.
17bb Ez dut inoiz jan Hamanen mahaian,
ez ditut gogoko
erregearen otorduak,
ez dut jainkoei eskainitako
ardorik edan. C,28 erregearen otorduak Dn 1,8; Jdt 12,1-2.
17cc Ez dut zorionik izan
nire egoera aldatu zenetik gaur arte,
zuregan, Jauna, Abrahamen
Jainko horrengan, izan ezik.
17dd Guztien gaineko ahalmena duzun
Jainko horrek,
entzun etsirik gaudenon oihua,
libra gaitzazu gaiztoen eskutik,
eta aska nazazu
ni neure beldurretik».
|
