|
Hamanen azkena
7
1 Joan ziren, bada, erreginaren otordura erregea eta Haman.
2 Bigarren egun hartan ere, otordua bukatzean, erregeak esan zion Esterri:
–Zer duzu, Ester erregina? Zer eskatzen duzu? Nire erreinuaren erdia bada ere, zeurea izanen duzu.
3 Esterrek erantzun zion:
–Zeure begiko baldin banauzu, errege jauna, hona hemen zer nahi dudan: bizitzen uztea. Hona hemen zer eskatzen dudan: nire herritarrei bizitzen uztea.
4 Saldu egin baikaituzte ni eta nire herritarrak, suntsitu eta lapurtzeko, esklabotzara menperatu eta gu eta gure haurrak morroi izatera behartzeko. Isilik egon naiz orain arte, baina honelako salatzailea ez da gai erregearen gorterako.  7,4 suntsitu C,8-9+.
5 Erregeak galdetu zion:
–Nor da horrelakoak egitera ausartu dena?
6 Esterrek erantzun:
–Gure etsaia Haman duzu, maltzur-gaizto hau!
Haman izutua gelditu zen errege-erreginen aurrean.
7 Erregea mahaitik jaiki eta lorategira atera zen. Haman erreguka hasi zitzaion erreginari, egoera larrian ikusi baitzuen bere burua.
8 Erregea lorategitik itzuli zenean, erreginaren etzaulkira makurtua  7,8 etzaulkira makurtua: H.h., etzaulkian etzana. zegoen Haman, erreginari erreguka. Bat-batean, erregeak esan zuen:
–Gainera, neure emaztea bortxatu nahi duk, neure etxean!
Hori entzutean, larriturik, burua itzuli zuen Hamanek.
9 Orduan, Bugatanek, zerbitzarietako batek, esan zion erregeari:
–Hamanek prestatua du, hain zuzen, urkabea Mardokeorentzat, erregearen bizia salbatzeko salakuntza egin zuenarentzat. Hogeita bost metro ditu urkabeak eta Hamanen etxean dago eraikia.
Erregeak esan zuen:
–Zintzilika bezate Haman bertan!
10 Eta Mardokeorentzat prestatua zuen urkabean zintzilikatu zuten Haman. Orduan baretu zen erregearen haserrea. 7,10 Mardokeorentzat… zintzilikatu zuten Haman Est 7,10+.
|
