|
Israelgo erregeei buruzko eresia
19
1 Israelgo printzeei buruzko eresi hau kantatzeko agindu zidan Jaunak:
2 «Hura lehoi emea zuen ama  19,2 ama: Jerusalem edota herria bere osotasunean, alegoria honetan lehoi emearen eta mahatsondoaren (10. tx.) irudien bidez adierazia. ,
lehoien artean!
Lehoikumeen artean etzanda,
bere kumeak elikatzen zituen.
3 Bere kumeetako bat hazi zuen,
lehoi gazte egin zelarik;
harrapakinak sarraskitzen ikasi
eta gizakiak irensten zituen.
4 Nazioak bildu ziren haren kontra;
beren zuloan harrapatu zuten
eta katepean Egiptora eraman 19,4 3-4 tx.etan Judako Joakaz erregeaz ari da segur aski (ik. 2 Erg 23,31-34). .
5 Lehoi emea zain egon zitzaion,
itxaropena galdu zuen arte;
orduan, beste kumeetako bat 19,5 beste kumeetako bat: 9. tx.a kontuan harturik, Joiakin erregeari buruz ari dela esan daiteke (ik. 2 Erg 24,15). hartu
eta lehoi gazte egin zuen.
6 Lehoi gazte bihurturik,
lehoi artean ibiltzen zen;
harrapakina sarraskitzen ikasi
eta gizakiak irensten zituen;
7 jauregiak botatzen zituen 19,7 jauregiak botatzen zituen: Antzinako arameerazko itzulpenaren arabera; hebreerazkoak ez du zentzurik. ,
hiriak suntsitzen;
herrialdea eta biztanleak
ikaraturik zeuden haren orroez.
8 Inguruko eskualdeetako jendea
beraren kontra altxatu zen;
sarea bota zioten gainera
eta beren zuloan harrapatu.
9 Kaiolan sartu zuten katepean
eta Babiloniako erregeagana eraman.
Ziegan sartu zuten preso,
beraren orrorik
berriz entzun ez zedin
Israelgo mendietan.
10 Mahatsondoa zirudien 19,10 Mahatsondoa zirudien: Arameerazko itzulpenaren arabera; hebreerazkoa ulertezina da. Mahatsondoaren sinboloari buruz, ik. 15,2 oh. zure amak,
ur-bazterrean landatua.
Emankor eta mardula zen
ur-ugaritasunagatik.  19,10 Mahatsondoa 17,6-10. Ik. 15,2+.
11 Adar sendoak zituen,
aginte-makila bihurtu zirenak;
hodeietaraino hazi zen:
nabarmena zen bere altueragatik
eta adar-ugaritasunagatik.
12 Baina amorruz atera dute sustraitik
eta lurrera bota;
ekialdeko haizeak
fruituak bota dizkio
eta adarrak apurtu;
adar sendoak ihartu egin zaizkio
eta suak irentsi.
13 Orain basamortuan dago landatua,
lurralde lehor eta egarberan.
14 Baina sua sortu da adar batetik,
aihenak eta fruituak irentsiz.
Ez du jadanik adar sendorik,
aginte-makila izango denik».
(Hau eresia da, eta eresi bezala kantatu behar da).
|
