|
Tenpluko iturria
47
1 Ondoren, tenpluko sarrerara eraman ninduen gizonak. Ura ikusi nuen tenpluko ate azpitik irten eta ekialdera joaten, tenplua ekialdera begira baitzegoen. Ura tenpluaren hegoaldetik, aldarearen hegoaldetik, behera isurtzen zen.  47,1 Ura tenplutik irten Jl 4,18; Za 13,1; 14,8; Ap 22,1-2. Ik. Has 2,10; Sal 46,5; Jn 4,14; 7,37-39; 19,34.
2 Gizonak tenplutik irtenarazi ninduen iparraldeko atetik, eta kanpotik itzulia eginarazi zidan ekialdeko sarreraraino. Eskuinaldetik zihoan ura isurian.
3 Ekialderantz egin zuen gizonak, eta eskuan zeukan kordeltxoaz bostehun metro neurtu zituen. Gero, uretatik pasarazi ninduen: orkatilaraino iristen zitzaidan.
4 Beste bostehun metro neurtu eta berriro uretatik pasarazi ninduen: belauneraino iristen zitzaidan. Beste bostehun metro neurtu eta berriro pasarazi ninduen: gerriraino iristen zitzaidan.
5 Beste bostehun metro neurtu zituen: pasaezineko erreka zen, hain baitziren handiak urak; erreka hura ezin nuen igerian baizik pasatu.
6 Esan zidan: «Ikusi al duzu, gizaseme?» Orduan, erreka-ertzetik itzularazi ninduen.
7 Itzultzean, errekaren alde bietan zuhaitz asko zegoela ohartu nintzen.
8 Esan zidan gizonak: «Ur hauek ekialdera doaz, Araba haraneraino jaisten dira eta Itsaso Hilean  47,8 Araba harana: Itsaso Hilaren hegoaldean zegoen. // Itsaso Hilean bizia guztiz ezinezkoa da, bertako urak oso gaziak direlako. amaitzen. Itsasoratzean, hango ur ustelak ondu egingo dituzte. 47,8 urak ondu Ir 15,25; 2 Erg 2,21.
9 Erreka helduko den edonon, mota guztietako piztiak biziko dira eta arrain asko izango; itsasoko urak on bihurtuko dira, eta bizia sortuko du doan leku guztietan.
10 Arrantzaleak izango dira ur-bazterrean eta En-Geditik En-Eglaimeraino 47,10 En-Gedi: Itsaso Hilaren mendebaldeko oasia. // En-Eglaim: Zenbaiten ustez, En-Gediren iparraldera kokatu behar da. sareak jarriko dituzte lehortzen, eta han Mediterraneo itsasoan bezain ugari izango dira arrainak.
11 Baina aintzira eta padurak ez dira gezatuko, gatzaga izaten jarraituko dute 47,11 Gatzagak ezin ziren desagertu, gatza beharrezkoa baitzen sakrifizioak egiteko (ik. 43,24). .
12 Errekaren bi ertzetan, mota guztietako fruta-arbolak haziko dira; ez zaizkie hostoak sekula zimelduko, eta etengabe emango dituzte fruituak, hilero emanaldi bat, santutegitik ateratzen den urak ureztatzen baititu. Fruituak elikagai izango dira, eta hostoak sendagai». 47,12 Erreka-ertzetan arbolak Is 44,4; Jr 17,8; Sal 1,3. // hilero emanaldi bat Ap 22,2.
Jaunak Israelgo mugak finkatu
13 Hau dio Jainko Jaunak: «Hona hemen, Israelgo hamabi leinuen artean banatuko duzuen lurraldearen mugak (Joseren ondorengoek bi zati hartuko dituzte 47,13 bi zati hartuko dituzte: Izan ere, Joseren ondorengoek bi leinu osatzen zituzten: Efraim eta Manasesen leinuak, Jakobek semetzat hartu zituen Joseren bi semeenak, alegia (ik. Has 48). ).
14 Zati berdinetan banatuko duzue lurraldea. Zin eginez agindu nien zuen arbasoei beraiei emango niela eta, beraz, zuei dagokizue ondaretzat.
15 «Iparraldeko muga 47,15 Iparraldeko muga: Lur Santuaren eta honen mugen deskripzio hau eta Zen 34,1-12 zatikoa tradizio beretik datoz. Mediterraneo itsasotik hasiko da, eta Hetlon, Hamateko sarrera eta Tzedadatik igarotzen den bideari jarraituko dio.
16 Gero, Berota eta Damasko eta Hamat herrialdeen arteko mugan dagoen Sibraim hirietatik joko du, eta Hatzer-Tikon hiriraino helduko, Haurango mugatik hurbil.
17 Horrela, iparraldeko muga Mediterraneo itsasotik Hatzar-Enon hiriraino iritsiko da, iparraldean Damasko eta Hamat herrialdeak dituelarik.
18 «Ekialdeko muga, Hauran eta Damasko artetik abiatuko da eta, Jordaneko ibarrari jarraituz, Galaad eta Israel lurraldeen artetik, Itsaso Hileraino eta Tamar hiriraino 47,18 Tamar hiriraino: Antzinako zenbait itzulpenen arabera; hebreerazkoa ulertezina da. helduko da.
19 «Hegoaldeko muga, Tamar-etik Meriba-Kadexeko oasiraino iritsiko da, eta gero, Egiptoko errekari jarraituz, Mediterraneo itsasoraino.
20 «Mendebaldeko muga Mediterraneo itsasoa izango da, hegoaldeko mugatik Hamateko sarreraraino iparraldean.
21 «Hori da Israelgo hamabi leinuen artean banatuko duzuen lurraldea.
22 Zotz eginez banatuko duzue, zuen artean bizi diren eta seme-alabak izan dituzten etorkinak ahaztu gabe. Hauek jatorrizko israeldar bailiran hartuko dituzue, eta beren ondare-zatia hartuko dute Israelgo leinuen artean. 47,22 Zotz eginez banatu Zen 26,55; 33,54.
23 Etorkinak, bizi deneko leinuaren baitan izango du bere zatia. Nik, Jainko Jaunak, esana.
|
