|
Kristo, betiko salbamenaren iturri (10,1-39)
Lehengo opariak Kristoren opariaz ordeztu
10
1 Legeak, beraz, etortzekoak ziren ondasunen itzala bakarrik izanik eta ez gauzen izatea bera, ez ditzake inola ere, urtero etengabe eskaintzen diren opari berberen bidez, Jainkoarengana hurbiltzen direnak bete-beteko egin.
2 Bestela, amaitu egingo ziren opariak, kultu hori eskaintzen zutenek, behin garbituz gero, inongo bekatu-kontzientziarik ez baitzuten izango.
3 Baina opariak eskaintzean bekatuen oroitzapena berritzen da urtero,
4 zezenen eta akerren odolak ez baititzake bekatuak desegin.
5 Horregatik, Kristok, mundu honetan sartzerakoan, Jainkoari esan zion:
Ez zenuen nahi izan
opari eta eskaintzarik;
baina gorputza eratu 10,5 gorputza eratu: Sal 40,7 tx.ean hebreerazko testuak belarriak ireki dioen lekuan grekozko itzulpenak gorputza eratu dio. Gutunaren egileak Jesusen gizon-egitearen aipamena ikusten du hor (ik. gorputza 10. tx.ean). zenidan.
6 Erre-opari
eta bekatuen barkamen-oparirik
ez duzu atsegin izan.
7 Horregatik diot:
«Hemen nauzu».
Liburuan agintzen zait
zure nahia betetzeko, ene Jainko.
8 Lehenik dio: Ez zenuen nahi izan, ez atsegin izan, opari eta eskaintzarik, ez erre-opari, ez bekatuen barkamen-oparirik, nahiz eta gauza guztiok legeak agindutakoak izan.
9 Ondoren, beste hau dio: Hemen nauzu zure nahia betetzeko.
Aipaturiko lehenengo kultua kentzen du bigarrena jartzeko.
10 Eta behin betiko egin zuen bere gorputzaren eskaintzaren bidez, Jesu Kristok Jainkoaren nahia bete duelako izan gara gu Jainkoarentzat sagaratuak. 10,10 behin betiko eskaintza 9,26.
Apaiz berria eta itun berria
11 Apaiza egunero ari da bere kultu-zerbitzuan, bekatua inola ere kendu ezin duten opari berberak behin eta berriz eskainiz.
12 Baina Jesu Kristo, opari bat bakarra bekatuengatik eskaini ondoren, Jainkoaren eskuinaldean eseri zen behin betiko.
13 Eta, orain, Jainkoak etsaiak oin-aulkitzat noiz jarriko dizkion itxaroten dago.
14 Izan ere, opari bakar baten bidez beren betera eraman ditu Jainkoarentzat behin betiko sagaratuak direnak.
15 Aitorpen bera egiten digu Espiritu Santuak ere, hau esatean:
16 Hona hemen etorkizunean
haiekin egingo dudan ituna:
Bihotzean ezarriko dizkiet
neure legeak, buruan idatziko.
Hala diot nik, Jaunak. 10,16-17 Hona hemen… Jr 31,33-34.
17 Eta haien bekatuak eta gaiztakeriak
ez ditut gehiago gogoratuko.
18 Horrela bada, bekatuak barkaturik daudenean, ez da bekatuen barkamenerako opari beharrik.
Sinesmenean sendo iraun
19 Beraz, senideok, Jesu Kristoren odolari esker konfiantza dugu santutegian sartzeko 10,19 santutegian sartzeko: Hau da, zeruko santutegian; ik. 6,19 eta oh. ,
20 Jesusek errezelean barrena –hau da, bere gorputzean barrena– bide berri eta bizia ireki baitigu.
21 Jesus apaiz handia Jainkoaren etxeko buru dugunez,
22 hurbil gakizkion bihotz zintzoz eta sinesmen osoz, barrua bekatu-kontzientzia guztitik garbiturik eta gorputza ur garbiz txukundurik.
23 Iraun dezagun sendo itxaropena aitortuz, leiala da-eta hitza eman diguna.
24 Lagun diezaiogun elkarri, maitasunean eta egintza onetan elkar gogoberotuz.
25 Ez utzi batzarrera joateari, batzuen batzuek ohi duten bezala, baizik eta adoretu elkar, eta are gehiago Jaunaren eguna hurbiltzen ari dela ikusten duzuen honetan.
Sinesmena ukatzeko arriskua
26 Zeren, egia ezagutu ondoren, nahita bekatu egiten 10,26 nahita bekatu egin: Ik. 6,6 oh. jarraitzen badugu, ez dago gehiago bekatuen barkamenerako oparirik:
27 Jainkoaren auzi izugarria eta errebeldeak irentsiko dituen su kiskalgarria besterik ez dezakegu espero. 10,27 auzi izugarria, su kiskalgarria Is 26,11.
28 Moisesen legea hausten duenari heriotza-zigorra ematen zaio gupidarik gabe, bi edo hiru lekukoren aitorpenaz.
29 Zenbatez zigor handiagoa ez ote du mereziko Jainkoaren Semea hankapean erabili, sagaratu duen ituneko odola profanatu eta Jainkoak onginahiz eman dion Espiritua iraintzen duenak! 10,29 ituneko odola 9,19-20+.
30 Ongi ezagutzen dugu hau esan zuena:
Niri dagokit mendekua,
neuk emango dut ordaina.
Eta beste hau ere esan zuen:
Jaunak epaituko du bere herria. 10,30 Niri dagokit… Dt 32,35-36.
31 Izugarria da Jainko biziaren eskuetan erortzea!
32 Oroit zaitezte iraganeko egun haietaz: argia hartu 10,32 argia hartu: Argia irudiak fedearen dohaina adierazten du. berri hartan borroka gogor eta neketsua eraman behar izan zenuten.
33 Zuetako batzuek irainak eta tratu txarrak jasan zenituzten guztien aurrean; besteok, horrela erabilitakoen lagunkide izan zineten;
34 parte izan zenuten kartzelatuen oinazeetan eta pozik sufritu zenuten zeuen ondasunak kendu zizkizuetenean, jakinik aberastasun bikainagoa eta iraunkorragoa zenutela.
35 Beraz, ez galdu adorea, berekin sari handia dakar eta.
36 Iraupena behar duzue, Jainkoaren borondatea betez agintzaria eskuratzeko.
37 Izan ere:
Laster, bai, oso laster
etorriko da etortzekoa,
ez du luzatuko. 10,37-38 Laster… Hab 2,3-4.
38 Nire zintzoa
fedeari esker biziko da,
baina atzera egiten badu,
ez dut atsegin izango 10,37-38 atsegin izango: Hebrearrei gutunaren autoreak oso libre aipatzen ditu Bibliako pasarteak, eta hariltzen ari den ideiak indartzeko moduan egokitzen ditu. .
39 Gu ez gara, ordea, atzera egin eta hondatzen direnetakoak, fedearen bidez salbamen bila gabiltzanak baizik.
|
