|
Kristo bete-beteko apaiz bere opariaz (8,1–9,28)
Apaizgo berria eta itun berria
8
1 Hau da esaten ari garenaren gailurra: hain handia da gure apaiz nagusia, ezen Jainko handiaren eskuinaldean eseria baitago zeruan,
2 eta bere apaiz-zerbitzua Jainkoak egindako benetako santutegian betetzen du, eta ez gizakiek egindako itun-etxolan  8,2 Jainkoak egindako benetako santutegian, ez gizakiek egindako itun-etxolan: H.h., santutegian eta benetako etxolan, Jainkoak eta ez gizakiak egindakoan; hemengo kontrakotasunari buruz, ik. 9,8-11.24. Etxola Moisesek basamortuan egindakoa da (ik. 8,5). .  8,2 benetako santutegia 9,11.24.
3 Edozein apaiz nagusi emaitzak eta opariak eskaintzeko jarria dagoenez, Jesusek ere zerbait eskaini behar zuen.
4 Mundu honetan Jesus ez litzateke apaiz ere izango, hor baitaude Moisesen legearen arabera opariak eskaintzen dituzten apaizak.
5 Hauek egiten duten kultua, ordea, zeruko gauzen irudi eta itzal besterik ez da, Jainkoak Moisesi, etxola egiterakoan, agindu zionaren arabera: Izan arreta, dena mendian erakutsi zitzaizun ereduaren arabera egiteko. 8,5 Izan arreta… Ir 25,40.
6 Jesusek benetan kultu-zerbitzu askoz bikainagoa hartu du, itun bikainagoaren, agintzari bikainagoetan oinarrituaren, bitarteko baita.
Itun zaharraren baliogabetasuna
7 Izan ere, lehenengo ituna 8,7 lehenengo ituna: Sinai mendian Jainkoak herriarekin egindakoa (ik. Ir 24,3-8). akatsik gabea izan balitz, ez zegokeen bigarren batentzat lekurik.
8 Baina Jainkoak haserre egin zion herriari, esanez:
Jaunak dio:
«Begira, badator
Israel herriarekin
eta Juda herriarekin
itun berria egingo dudan garaia. 8,8-12 Jaunak dio… Jr 31,31-34. // itun berria 8,13; 9,15; 12,24; Lk 22,20; 1 Ko 11,25; 2 Ko 3,6. // Barkatu egingo diet gaiztakeria 10,17-18.
9 Itun hau ez da izango,
Egiptotik ateratzeko
eskutik hartu nituenean
beraien arbasoekin
egin nuena bezalakoa.
Haiek hautsi egin zuten nire ituna,
eta nik ere bertan behera utzi nituen.
Hala diot nik, Jaunak.
10 Hona hemen etorkizunean
Israelekin egingo dudan ituna:
Buruan ezarriko dizkiet
neure legeak,
bihotzean idatziko;
ni beraien Jainko izango naiz,
eta haiek nire herri.
Hala diot nik, Jaunak.
11 Ez dute elkarri
irakatsi beharrik izango,
“Ezagutu Jauna” esanez,
guzti-guztiek, txiki nahiz handi,
ezagutuko bainaute.
12 Barkatu egingo baitiet
beren gaiztakeria,
beraien bekatua
ez dut gehiago gogoratuko».
13 Jainkoak, itun berria agintzean, aurrekoa zahartutzat ematen du, eta zaharkiturik dagoena desagertzear dago.
|
