|
Tzofar
11
1 Orduan, Naamako Tzofarrek hitz egin zuen:
Jobek ez du arrazoirik
2 «Erantzunik gabe geratuko ote da horrelako hitz-jarioa?
Arrazoi izan behar ote du asko hitz egiteagatik?
3 Zure solasbideak aho zabalik uzten du jendea;
zuk iraindu, eta ez ote da isilaraziko zaituenik?
4 Esan duzu: Zuzenak dira nire arrazoibideak,
garbi nago Jainkoaren begien aurrean.  11,4 garbi Jainkoaren aurrean 10,7; 16,17; 23,10; 27,5; 33,9; 34,5-6. Ik. 4,17+.
5 Ai Jainkoak hitz egingo balu
eta ezpainak zabaldu zuri mintzatzeko! 11,5 Jainkoak hitz egin 38,1.
6 Jakinduriaren sekretuak erakutsiko lizkizuke,
giza adimenarentzat sakonegiak direnak;
orduan jakingo zenuke
hark ez zaituela zigortzen zuk merezi beste.
Jobek ez du Jainkoaren handitasuna ezagutzen
7 «Jainkoaren barren-barrena ikertu nahi al duzu
eta Ahaltsuaren handitasuna besarkatu? 11,7 Jainkoaren barrena/handitasuna Ef 3,18.
8 Zeruak baino garaiagoa da: zer egingo duzu?
Leizeak baino sakonagoa: nola ezagutuko duzu?
9 Lurra baino luzeagoa da,
itsasoa baino zabalagoa.
10 Etorri, norbait preso hartu
eta auzitara eramaten badu Jainkoak,
nork eragotziko dio? 11,10 nork eragotzi? 9,12+.
11 Ezagutzen baitu hark gizakiaren faltsukeria,
ikusten du gaiztakeria, baita kontuan hartu ere  11,11 baita kontuan hartu ere: Honela ere itzul daiteke: arreta jarri gabe ere edo gizakiak bereizten ez duena. .
12 Basastoa gizaki bihurtzean,
burugabea zentzatuko orduan 11,12 Esaera zahar moduko esaldi hau ulergaitza da jatorrizkoan. Beste itzulpen bat: Burugabea zentzudun bihur daiteke, basastoa etxabere bezala. . 11,12 Basastoa 39,5-9; Has 16,12.
Jobek bere jokaera zuzendu behar lasai bizitzeko
13 «Zeure burua zentzatzen baduzu
eta zeure eskuak Jainkoarengana hedatzen, 11,13 Jainkoarengana eskuak hedatu Ir 9,29; Is 1,15; Sal 88,10.
14 egindako gaiztakeria urrutiratzen baduzu
eta maltzurkeria zuregan egoten utzi ez,
15 orduan tente eraman ahal izango duzu burua;
ongi oinarritua 11,15 ongi oinarritua: H.h., birfindua, metalak bezala zikinetik garbitua. , ez zara ezeren beldur izango. 11,15 burua tente 22,26.
16 Ez zara zeure atsekabeaz aurrerantzean oroituko,
igarotako ura bezala izango da zuretzat.
17 Eguerdia baino distiratsuago agertuko zaizu bizitza,
oraingo iluntasuna egunsenti bihurtuko. 11,17 iluntasuna egunsenti Is 9,1; 58,8-10; Sal 139,12. Ik. 17,12.
18 Itxaropenik badela-eta seguru egongo zara,
babestua sentituz, lasai egingo duzu lo.
19 Zeure atsedenean inork ez zaitu izutuko
eta jende asko hasiko zaizu zurikeriatan.
20 Gaiztoak, berriz, gero eta ahulago begiak;
ez du ihesbiderik, heriotza beste itxaropenik ez». 11,20 Gaiztoak ez du itxaropenik 8,13+. Ik. 6,8.
|
