|
Guda-biltzarra Holofernesen kanpalekuan
5
1 Israeldarrak gudurako prestatzen ari zirela, mendietako igarobideak itxi, mendi garaietako gailurrak gotortu eta lautadetan oztopoak ipini zituztela jakinarazi ziotenean, Holofernes, asiriar gudarostearen gudalburua,  5,1 gudurako prest 4,5.
2 amorru bizian jarri zen. Orduan, moabdarren buruzagiei, amondarren gudalburuei  5,2 moabdar eta amondarrei buruz, ik. 1,12 oh. eta Mediterraneo kostaldeko gobernariei dei egin 5,2 moabdar, amondar, kostaldeko Sal 83,6-9.
3 eta esan zien: «Kanaandarrok, esadazue zein herri den mendietan bizi den hori, zein hiritan bizi den, nolako gudarostea duen, zer dela-eta duen halako indarra eta kemena eta zein errege duen agintari eta gudarostearen buru.
4 Esadazue zergatik ez duen irten nahi izan niri ongietorria egitera, mendebaldeko 5,4 mendebaldeko: Hau da, Eufrates ibaiaren mendebaldeko herriak. beste herri guztien antzera».
Akior amondarraren hitzaldia
5 Akiorrek, amondarren buruzagiak, esan zion: «Entzun beza ene jaunak bere zerbitzari honek esan nahi diona. Egia esango diot, hemendik hurbil, lurralde menditsu horretan, bizi den herriari buruz. Nire ahotik ez da gezurrik aterako.
6 Kaldear jatorrikoa 5,6 Kaldear jatorrikoa: 5,6-19 tx.etan Abrahamengandik hasi eta erbestetik itzuli arteko historia biltzen da. Abraham kaldearra zen (ik. Has 11,28). da herri hori.
7-8 Baina ez zituen Kaldeako bere arbasoen jainkoak gurtu nahi izan. Bere arbasoen erlijioa utzi eta zeruko Jainkoa gurtu zuen, bera aitortu baitzuen egiazko Jainkotzat. Horregatik, kaldearrek egotzi egin zuten beren jainkoen lurraldetik eta Mesopotamiara joan zen ihesi eta bertan bizi luzaro 5,7-8 bertan bizi luzaro: Has liburuan jasotzen ez diren hebrear tradizioen arabera dio hori. // Mesopotamiara: Haran lurraldera, alegia (ik. Has 11,31). .
9 Bere Jainkoak Mesopotamiatik irten eta Kanaan lurraldera joateko agindu zion. Bertan bizi izan zen eta urre, zilar eta abere askoren jabe egin. 5,9 Kanaan lurraldera joateko agindu Has 12,1-5. // urre, zilar eta abere askoren jabe egin Has 13,2.
10 «Gero, gosete handia gertatu zen Kanaanen eta Egiptora jaitsi zen eta bertan iraun, janaririk izan zuen bitartean 5,10 janaririk… bitartean: Honela ere itzul daiteke: bizirik iraun zuten bitartean. . Egipton ugaritu eta ezin zenbatu ahalako jendetza egin zen. 5,10 Egipton Has 42,2; 46,6. // zenbatu ezin ahalako jendetza Ir 1,7.
11 Orduan, Egiptoko erregea kontra jarri zitzaion eta, azpikeriaz, adreilugintza astunera behartu zuen, makurrarazi eta esklabo bihurtu. 5,11 adreilugintzara behartu Ir 1,10-14.
12 Hark dei egin zion bere Jainkoari eta honek sendaezinezko izurriz 5,12 sendaezinezko izurriz: Egipton izaniko izurri edo zigorrez ari da (ik. Ir 7,14–12,42). zigortu zuen Egipto. Orduan, egiptoarrek bota egin zuten beren lurraldetik. 5,12 dei egin Is 2,23.
13 Jainkoak lehortu egin zuen Itsaso Gorria beraren aurrean 5,13 Itsaso Gorria lehortu Ir 14,21-22.
14 eta Sinaira eta Kadex-Barneara bidean gidatu zuen. Eta hark bota egin zituen basamortuan bizi ziren guztiak. 5,14 Sinaira eta Kadex-Barneara gidatu Ir 19,1; Zen 13,26; Dt 1,46.
15 Gero, amortarren lurraldean finkatu zen eta indarrez suntsitu zituen hexbondarrak. Jordan ibaia igaro ondoren, mendialdearen jabe egin zen 5,15 hexbondarrak Zen 21,25-30. // Jordan ibaia igaro Jos 3.
16 eta, kanaandar, periztar, jebustar, sikemdar eta girgaxtar guztiak bertatik egotzirik, bera gelditu zen luzaro lurralde hartan bizitzen. 5,16 egotzi Jos 3,10; Dt 7,1.
17 Bere Jainkoaren kontra bekaturik egin ez zuen bitartean, zoriontsu izan zen, zuzengabekeriari gorrotoa dion Jainkoa baitzuen. 5,17 zoriontsu izan Ir 23,20-33; Lb 26,3-12; Dt 28,1-14. // zuzengabekeriari Jainkoak gorroto Is 61,8; Hab 1,13; Sal 5,6.
18 Baina Jainkoak ipinitako bidetik okertu zenean, era izugarrian erraustu zuten etsaiek gerrate askotan eta gatibu eraman atzerrira. Etsaiek oinarrietaraino soildu zuten haren Jainkoaren tenplua eta hiriak hartu. 5,18 Jainkoak ipinitako bidetik okertu Ep 2,11-14.19; 3,7-8.12; 4,1. // gatibu eraman atzerrira 2 Erg 17,6-7; 24–25; Jr 52. // oinarrietaraino soildu tenplua 2 Erg 25,9; Jr 52,13; Esd 5,12.
19 Orain, ordea, bere Jainkoarengana itzuli delarik, bildu egin da barreiatua zegoen tokietatik, hartu egin du Jerusalem, santutegia dagoen hiria, eta inor gabe gelditua zen lurralde menditsuan finkatu da.
20 «Beraz, ene jaun eta jabea, ikus dezagun aurrena herri horrek hutsik egin duen, bere Jainkoaren kontra bekaturik egin duen, eta, zerbaitetan erori baldin bada, igo eta eraso diezaiogun.
21 Baina herri horrek zuzengabekeriarik egin ez badu, ene jauna, hobe uztea, bere Jaun eta Jainkoak babestu egingo baitu eta gu, berriz, lotsagarri gertatuko baikara mundu osoaren aurrean». 5,21 Jainkoak babestu 2 M 8,36.
Holofernesen gudarien erantzuna
22 Akiorrek hitzaldia bukatzean, marmarka hasi ziren oihal-etxola inguruan zeuden gudariak; Holofernesen ministroak, kostaldeko eta Moabeko jendeak txiki-txiki egin nahi zuten Akior.
23 Hau zioten: «Ez gaituzte izutzen israeldar horiek! Herri horrek ez du ahalmenik, ez indarrik gudu gogorrari eusteko.
24 Holofernes jauna, igo gaitezen, zure gudarosteak irentsi egingo ditu eta!»
|
