|
Animalien izurria eta galeperrak
16
1 Horregatik, antzerako animalien bidez
eman zenien egiptoarrei merezitako zigorra,
eta piztia ugariren bidez  16,1 piztia ugariren bidez: Ik. 11,15 oh. oinazetu zenituen.
2 Baina zeure herriari, Jauna,
zigorraren ordez mesede egin zenion:
jangura bizia asetzeko,
ezohiko elikagaia prestatu zenion: galeperrak.  16,2 galeperrak Ir 16,13+.
3 Horrela, oso gose izan arren,
Jainkoak kontra bidalitako piztien itxura nazkagarriagatik 16,3 piztien itxura nazkagarriagatik: Segur aski, igelen izurriaz ari da (ik. Ir 7,26–8,10).
egiptoarrek jateko gogoa zeharo galtzen zuten bitartean,
zure herrikoek, gosealdi labur baten ondoren,
ezohiko elikagaia hartu zuten.
4 Bidezkoa zen zapaltzaileek gosete gorria jasatea,
eta zure herrikoek, berriz,
etsaiek zer-nolako oinazea izan zuten ulertzeko adinakoa.
Sugeen hozkadak eta larrapoteen izurria
5 Piztia amorratu eta beldurgarriak zutarren gain jausi
eta suge makurren hozkadaz hiltzen zirenean ere,
ez zuen zure haserreak azkena arte iraun.
6 Eskarmentu gisa aldi labur batez izutu zenituen,
baina bazuten salbazio-ikur bat ere 16,6 salbazio-ikur bat: Brontzezko sugea da, Moisesek Jaunaren aginduz eginarazi zuena (ik. Zen 21,4-9). ,
legearen agindua oroitarazten ziena:
7 harengana itzultzen zena onik ateratzen zen,
ez ikusitako irudiari esker,
zuri, guztion Salbatzaile horri, esker baizik.
8 Horrela erakutsi zenien gure etsaiei
zu zarela gaitz orotatik libratzen duena.
9 Egiptoarrak larrapoteen eta eulien sastadaz hil ziren,
bizirik jarraitzeko sendagairik aurkitu gabe,
ongi merezia baitzuten halako zigorra; 16,9 larrapoteak eta euliak Ir 8,16-28; 10,1-20.
10 zure seme-alabak, ordea,
suge pozoitsuen hortzek ere ezin izan zituzten hil,
zeure errukiaz lagundu eta sendatu baitzenituen;
11 hozkada haiek, berehalaxe osaturik,
zure aginduak gogorarazten zizkieten,
ez zitzaten zeharo ahantz eta zure mesederik gabe gelditu;
12 ez ziren, ez, belarrez edo ukenduz sendatu,
baizik eta dena sendatzen duen zure hitzaz, Jauna. 16,12 dena sendatzen duen hitza Sal 107,20. Ik. Is 55,10-11.
13 Zuk, biziaren eta heriotzaren gain aginpidea duzunez,
Hildakoen Egoitzara jaitsarazten duzu,
baita irtenarazten ere handik; 16,13 biziaren eta heriotzaren gain aginpidea Dt 32,39; 1 Sm 2,6; Tb 13,2.
14 gizakiak, berriz, bere gaiztakeriaz hil badezake ere,
ezin du itzularazi joan den arnasa,
ezta askatu ere Hildakoen Egoitzan preso dagoen arima.
Suaren epaia eta zeruko ogia
15 Ezinezkoa da zure ahalmenari ihes egitea.
16 Ezagutu nahi ez zintuzten fedegabeak
zure esku indartsuak zigorkatu zituen,
ezohiko euri-jasak eta kazkabarrak,
ekaitz suntsitzaileak pertsegitu zituen
eta suak irentsi; 16,16 euri-jasa eta kazkabarra Ir 9,24-25.33-34; Sal 78,47-48.
17 eta harrigarriena:
dena itzaltzen duen uraz, sua indartu egiten zen 16,17 sua indartu egiten zen: Autoreak Ir 9,18-25 pasarteko datuak erabiltzen ditu, baina oso era librean eta bere azalpenaren premietara moldatuz. ,
naturak zintzoen alde jokatzen baitu.
18 Batzuetan sugarrak baretu egiten ziren
fedegabeen kontra bidalitako animaliak 16,18 animaliak: Agian, larrapoteak ditu egileak gogoan (ik. Ir 10,1-20), ekaitzaren ondoren baitatoz Irteerako kontakizunean. ez erretzeko;
horrela, haiek ikusiz, kontura zitezen
Jainkoaren epaia zela pertsegitzen zituena;
19 beste batzuetan, ordea, uraren erdian ere,
suak berez duena baino indar handiagoa hartzen zuten sugarrek,
lurralde bidegabe hartako uztak suntsitzeko.
20 Zeure herria, ordea, aingeruen ogiaz 16,20 aingeruen ogia: Mana da, Jaunak israeldarrei basamortuan eman zien janaria (ik. Ir 16,13-21). Manari buruzko azalpen hau Bibliako datuetan baino gehiago judu-tradizioetan oinarritzen da. janaritu zenuen;
hark nekatu beharrik izan gabe,
aurrez prestaturiko ogia eman zenion zerutik,
zapore askotakoa, guztientzat atsegingarria. 16,20 aingeruen ogia Sal 78,25.
21 Zure elikagai honek zeure seme-alabenganako
duzun gozotasuna azaltzen zuen,
jaten zuenaren gurarira egokitzen baitzen,
eta bakoitzak zer nahi, hura bihurtzen.
22 Elurraren edo izotzaren antzeko 16,22 Elurraren edo izotzaren antzeko: Ir 16,14 tx.aren arabera, antzigarraren antzekoa zen mana; Zen 11,7 tx.eko testu grekoaren arabera, berriz, izotzaren antzekoa omen zen. izan arren,
urtu gabe jasaten zuen sua.
Horrela ulertu behar zuten israeldarrek
suak, kazkabar artean gartsu eta euripean txinpartatsu,
etsaien uztak suntsitzen zituela;
23 baina su berberak zintzoak janaritu zituela,
berezko suntsipen-indarra ahaztuz.
Kreazioa Jaunaren zerbitzura
24 Kreazioa zure, beraren egile zaren horren, zerbitzura dago:
uztaia bezala tenkatzen da bidegabeak zigortzeko,
eta lasaitu egiten, zuregan uste on dutenei mesede egiteko. 16,24 Kreazioa Jaunaren zerbitzura 5,17.20; 11,17-25; 19,6.18-21.
25 Horregatik, orduan ere aldaketa guztietara egokituz,
denak elikatzen zituen zure dohainaren zerbitzura zegoen,
beharrean zirenak, nor bere gurariaren arabera, janarituz.
26 Horrela erakusten zenien, Jauna, zeure seme-alaba maiteei,
ez direla lurreko emaitzak gizakia elikatzen dutenak,
baizik eta zure hitzak mantentzen dituela
zuregan sinesten dutenak. 16,26 hitzak mantentzen ditu Dt 8,3.
27 Suak suntsitzen ez zuen janari hura
eguzki-izpi labur batek urtzen zuen;
28 horrela, argi uzteko
eguzkia baino lehen jaiki behar dela zuri eskerrak ematera
eta eguna argitu baino lehen behar dela otoitz egin. 16,28 eguna argitu baino lehen otoitz Sal 5,4; 88,14; Si 39,5.
29 Esker txarrekoaren itxaropena neguko antzigarra bezala urtuko da,
eta ezertarako behar ez den urak bezala ihes egingo.
|
