|
Bizitza laburra da
2
1 Oker arrazoituz, esaten diote elkarri:
«Laburra eta tristea da gure bizitza;
azkena iristean, ez dago ihesbiderik
eta, guk dakigula, inor ez da itzuli  2,1 inor ez da itzuli: Honela ere itzul daiteke: inork ez du askatu. Hildakoen Egoitzatik.
2 Kasualitatez etorri ginen mundura,
eta, gero, inoiz izan ez bagina bezala izango gara;
gure arnasa kea besterik ez da,
pentsamendua bihotz-taupadaren txinparta baino ez.
3 Itzaltzean, gorputza hauts bihurtuko da
eta espiritua haize iheskorra bezala desagertuko.
4 Denbora joan ahala, gure izena bera ere ahaztu egingo da,
inork ere ez ditu gure egintzak gogoratuko;
hodeiak baino arrasto gehiago ez du utziko gure bizitzak,
eguzki-errainuek zulatu eta beroak desegindako
behe-lainoa bezala desagertuko da.  2,4 izena ere ahaztu 4,19; Koh 2,16+.
5 Itzala bezain iheskor da gure bizialdia,
eta gure azkena ez dago atzeratzerik;
erabakia dago ordua eta ezin dio inork ihes egin.
Goza gaitezen munduaz
6 «Beraz, goza gaitezen oraingo ondasunez;
goza gaitezen mundu honetaz sugartsu, gaztaroan bezala. 2,6 goza gaitezen munduaz Koh 3,12-13.22; 1 Ko 15,32+.
7 Mozkor gaitezen ardorik onenez eta lurrin gozoz,
ez daitezela falta udaberriko loreak.
8 Ingura ditzagun buruak arrosa-koroaz,
zimel daitezen baino lehen.
9 Ez bedi geldi inor 2,9 Ez bedi geldi inor: Honela ere itzuli ohi da, latinezko antzinako itzulpenari jarraituz: Ez bedi geldi belardirik. gure orgiatik kanpo,
utz dezagun edonon geure alaitasunaren arrastoa;
horretarako eskubidea dugu,
hori baita gure ondare eta zoria.
Indarra zuzenbidearen lege
10 «Zapal dezagun zintzo bizi den behartsua 2,10 zintzo bizi den behartsua: Zati honetako behartsua Is 53. kap.an azaltzen den Jaunaren zerbitzariarekin lotu ohi da eta kristau-tradizioak Jesus errugabe gurutziltzatua ikusi du behartsu honengan; baina hemen, seguruen, behartsu hau behartsu zintzo eta bidegabeki pertsegitu guztien ordezkari da. ,
ez diezaiogun alargunari errukirik izan,
ezta begirunerik ere agurearen ile zuriei. 2,10 behartsua, alarguna, zaharra Is 10,2; Jr 7,6+; Am 2,6.
11 Izan bedi gure indarra zuzentasunaren legea,
ahul izateak ez baitu ezertarako balio.
12 Jar diezazkiogun sareak zintzoari,
gogaikarri gertatzen baitzaigu;
gure jokaerari aurka egiten dio:
legea haustea aurpegiratzen digu
eta hartutako heziketari ez jarraitzeaz salatzen.
13 Jainkoa ezagutzen duela dio,
eta Jaunaren seme dela bera.
14 Bere bizieraz gure pentsaera du salatzen,
zintzoa ikuste hutsa ere jasanezina zaigu.
15 Besteena ez bezalako bizimodua darama,
oso bestelakoa du jokabidea.
16 Faltsutzat hartzen gaitu,
kutsagarria bailitzan urruntzen da gure jokabidetik,
azkenean zintzoak zoriontsu izango direla esaten du
eta aitatzat Jainkoa izateaz harrotzen da.
Ikus dezagun nork duen arrazoi
17 «Baina ikus dezagun esaten duena egia den ala ez!
Azter dezagun nolako amaiera duen!
18 Zintzoari, benetan Jainkoaren seme baldin bada,
bera etorriko zaio laguntzera
eta etsaien eskuetatik libratuko du. 2,18 Jainkoa etorriko laguntzera Is 50,7-9; Sal 22,9+.
19 Irainak eta torturak egingo dizkiogu,
horren lasaitasuna ikusi eta eroapena probatzeko.
20 Heriotza lotsagarrira kondenatuko dugu,
berorren esanetan, Jainkoa alde aterako baitzaio».
Okerra da fedegabeen arrazoiketa
21 Horrela arrazoitzen dute fedegabeek,
baina oker dabiltza,
gaiztakeriak itsutzen baititu; 2,21 gaiztakeriak itsutu Is 6,9-10; Erm 1,21.
22 ez dituzte ezagutzen Jainkoaren asmo ezkutuak,
ez dute jainkozaletasunari dagokion saririk espero,
ez dute aintzat hartzen biziera akats gabeari dagokion ohorea.
23 Hilezkor izateko egin zuen Jainkoak gizakia,
bere izatearen irudira egin zuen; 2,23 Hilezkor izateko 1,13-14; 3,1-4; 5,15; 6,19; 8,13.17; 15,3. // Jainkoaren irudira Has 1,26-27.
24 baina deabruaren inbidiaz sartu zen heriotza munduan,
eta harenak direnek jasango dute. 2,24 sartu zen heriotza munduan Erm 5,12. Ik. Has 3.
|
