|
Moabentzat
48
1 Moabentzat  48,1 Moab: Itsaso Hilaren ekialdeko lurraldea da. Kap. honetako izen asko Is 15 kap.an azaltzen dira (ik. Is 15,1 oh.). Kap.an zenbait hitz-joko nabarmen aurkitzen dugu; adib., Hexbonen eta bideak prestatu itzuli dugun hitzaren artean, eta Madmen eta mutu gelditu hitzen artean. , mezu hau eman du Jaun ahalguztidunak, Israelen Jainkoak:
«Zoritxar handia Neborentzat:
suntsitua da hiria!
Kiriataim porrokatua
eta konkistatua!
Porrokatua eta desegina gotorlekua:  48,1 Moabentzat 25,21+.
2 akabo Moaben harrotasun zena!
Hexbonen prestatu dituzte
Moab galtzeko bideak:
“Suntsi dezagun nazioa!”, zioten.
Zu ere bai, Madmen,
mutu gelditu zara:
gainean duzu ezpata. 48,2 Hexbon Zen 21,26-27.
3 Garrasiak Horonaimdik
laguntza eske:
hondamena
eta izugarrizko ezbeharra!
4 «Hautsia utzi dute Moab,
haurren garrasiak entzuten dira.
5 Negar batean doaz
Luhiteko aldapan gora;
garrasi erdiragarriak dira
Horonaimgo aldapan behera.
6 Zoazte ihesi! Salbatu bizia!
Egin lasterka
basamortuan basastoak 48,6 basastoak: Grekozko itzulpenaren arabera; hebreerazkoak Aroer dio (Moabeko hiria da Aroer). bezala!
7 Moab, zeure indar eta ondasunetan
fidatu zara:
hara orain zu ere konkistatua!
Zure jainko Kemox 48,7 Kemox: Moabdarren jainko nazionala (ik. 48,13.46 tx.ak). erbestera doa,
bere apaiz eta buruzagiekin. 48,7 zeure indarrean fidatu 17,5; Is 2,22; Flp 3,4. // eta ondasunetan 49,4; Sal 52,9; Es 11,28. // Kemox 1 Erg 11,7; 2 Erg 23,13. // erbestera 49,3.
8 Hiri guztietan ari da suntsitzailea,
ez da bat ere libratzen:
dena hondatua eta galdua
haranean eta goi-lautadan.
Hala diot nik, Jaunak.
9 Egin hilobia Moabentzat,
hondakin huts baita 48,9 Egin… baita: Grekozko itzulpenaren arabera; hebreerazkoak ez du zentzurik. .
Hiriak hondamendi bihurturik,
jenderik gabe geratzen dira».
10 Madarikatua Jaunak emandako eginkizuna betetzen nagia! Madarikatua ezpata mendekatzailea hartu nahi ez duena!
11 Gazte-denboratik
lasai bizi izan da Moab,
ez du erbesterik ezagutu.
Jalkitzen egondako ardoak bezala,
ontzitik ontzira aldatu gabeko
ardoak bezala,
ez du galdu bere gozoa,
ez zaio joan bere usain ona. 48,11 Moab mahasti-lurraldea 48,32-33; Is 16,7-10.
12 Horregatik, Jaunak dio: «Badator garaia, ontzitik ontzira nork aldatua bidaliko diodana: ontziak hustu eta puskatu egingo dituzte.
13 Orduan, huts aterako zaie moabdarrei Kemox jainkoarengan zuten konfiantza, israeldarrei Betelengan 48,13 Betel: Israelgo antzinako kultu-lekua; bertan Jerusalemgoaren aurkako santutegia eraiki zuen Jeroboamek, Israel bi erresumatan banatu ondoren (ik. 1 Erg 12,28-29). Hemen, Betel jainko baten izentzat hartzen dela dirudi. zutena huts gertatu zitzaien bezala. 48,13 Betelengan konfiantza Os 10,5; Am 5,5.
14 «Nola ausartzen zarete,
moabdarrok,
adoretsu, borrokan zaildutako
gudari zaretela esaten?
15 Iritsi da
Moaben eta bertako hirien
suntsitzailea:
triskantzara doaz
gazterik bikainenak.
Hala diot nik, Errege honek:
“Jaun ahalguztidun” dut izena! 48,15 Jaun ahalguztidun izena 46,18+.
16 Hurbil da Moaben hondamena,
gainean du zoritxarra.
17 Auzoko nazioek,
Moabi begirune ziotenek,
lagun biezaiote atsekabean,
eta esan:
“Ai ene!
Hautsi dute Moaben boterea,
erraustu haren eder-ospea!”
18 «Dibongo jendeok,
jaitsi ohorezko zeuen aulkitik,
koka zaitezte eremuan,
aurka baitatorkizue
Moaben suntsitzailea,
gotorlekuak erraustera. 48,18 Dibon Jos 13,17; Is 15,2.
19 Aroerko bizilagunok,
jarri bidean zelatari,
galdegin ihesi doazenei
zer gertatu den.
20 Erantzungo dizuete:
“Porrokatua dago Moab, desegina.
Egin intziri eta garrasi berarengatik!
Iragarri Arnon ibai inguruan
Moab suntsitua izan dela” ». 48,20 Arnon Zen 22,36; Dt 2,24.36; Ep 11,13.
21 Badator goi-lautadako hirien aurka Jaunak erabakitako zigor-epaia: Holon, Jahtza, Mefaat,
22 Dibon, Nebo, Bet-Diblataim,
23 Kiriataim, Bet-Gamul, Bet-Meon,
24 Keriot eta Botzraren aurka, Moabeko hiri guztien aurka, gertuko nahiz urrutiko.
25 «Galdu da Moaben boterea,
desegin da haren indarra».
Horixe da Jaunaren epaia.
26 Mozkor ezazue 48,26 Mozkor ezazue: Ik. 13,13 eta oh. Moab, bere burua Jaunaren kontra handitu nahi izan du eta. Bere okadatan iraulkatuko da, eta denek barre egingo diote. 48,26 Mozkor ezazue 25,15+. // Jaunaren kontra handitu 48,42; Dn 5,23. Ik. 50,29.
27 Ez zenion, bada, zuk barre egin Israeli, lapurretan harrapatutako bati bezala? Ez zinen, bada, buru-eraginka jarduten, hartaz hitz egiten zenuen bakoitzean? 48,27 barre egin Israeli Ez 25,8-11. Ik. 2,26.
28 Moabeko bizilagunok, utzi hiriak,
joan harkaitzetara bizitzera,
koba-zuloetan habia egiten duten
usoen antzera.
29 Ezaguna dugu
Moaben gehiegizko harrokeria.
Hura handikeria,
hura harropuzkeria eta handiustea! 48,29 Moaben gehiegizko harrokeria Is 16,6; So 2,8-10.
30 Jaunak dio:
«Ezagutzen dut haren ustekeria,
eta egiteek ez diote
urrik ere ematen
haren esan harroei».
31 Intziriz eta negar-zotinka nago,
garrasi bizian Moabengatik,
Kir-Heresko 48,31 Kir-Heres: Moabeko hiriburua; Is 16,7.11 tx.etan Kir-Hares/Hareset deitzen zaio. Izenak tela-pusken hiri esan nahi du; agian benetako izenaren –Kir-Hades edo Hiri Berri– aldaketa ironikoa; pasarte osoa Is 16,6-12 atalean inspiratua dago. jendearengatik.
32 Jazergatik egin nuen baino
negar gehiago dagit zuregatik,
Sibmako mahasti horrengatik.
Zure aihenak
Itsaso Gorriraino luzatzen ziren,
Jazereraino iristen:
zure gain ere
oldartu da suntsitzailea,
uzta eta mahats-bilketa hondatuz. 48,32 Jazer Zen 32,1; Jos 13,25; 21,39.
33 Amaitu dira poza eta alaitasuna
Moabeko mahasti eta soroetan.
Dolareetan ez da gehiago
mahatsik zapaltzen,
kito poz-irrintziak!
34 Hexbongo deiadarrak Elale eta Jahatzeraino iristen dira; garrasiak entzuten Tzoartik Horonaimeraino, Eglat-Xelixiaraino, Nimrimgo urak ere agortu egin baitira.
35 Jaunak dio: «Galdu egingo ditut Moaben, muinoetako kultu-lekuetan beren jainkoei intsentsua erretzen dieten guztiak». 48,35 muinoetako kultua 2,20; 17,2-3.
36 Horregatik, txirularen antzera dardaraz daukat bihotza Moabengatik, txirularen antzera dardaraz Kir-Heresko jendearengatik, galdu baitituzte bilduriko ondasun guztiak. 48,36 bihotza dardaraz 4,19. // Moabengatik Is 16,11.
37 Burua soil eta bizarra motz dute guztiek, besoak urratuak eta dolu-jantzia soinean. 48,37 dolua 47,5+; Is 15,2.
38 Moabeko etxe gain eta plazetan jende guztiak dolu. Izan ere, Jaunak dio: «Ezertarako ez den ontzia bezala apurtu dut Moab». 48,38 Ezertarako ez den ontzia 22,28.
39 Ai ene, desegina da Moab! Egin intziri! Lotsaren lotsaz bizkarra eman du! Auzokoen izu eta iseka-gai bihurtu da.
40 Honela dio Jaunak:
«Arranoaren antzera
oldartzen da etsaia,
hegoak zabalduz Moaben gainera. 48,40 Arranoaren antzera 49,22; Dt 28,49.
41 Hiriak konkistatuko dituzte,
gotorlekuak menderatuko.
Egun hartan,
indargabe geldituko dira
Moabeko gudariak,
emakumea erdiminetan bezala. 48,41 indargabe gudariak 49,22. // emakumea… 4,31+.
42 Moab ez da herri izango,
nire aurka bere burua altxatu baitu.
43 Hala diot nik, Jaunak:
Izua eta zuloa eta zepoa zuretzat,
Moaben bizi zaren horrentzat: 48,43-44 Ik. Is 24,17-18.
44 izuaren erasotik ihes egin dezana
zuloan jausiko da;
zulotik ihes egin dezana
zepoan harrapatua geldituko.
Zigorra bidaliko diot Moabi
kontuak hartzeko egunean.
Hala diot nik, Jaunak. 48,44 ihes egin dezana Am 5,19. Ik. 49,5. // kontuak hartzeko egunean 10,15+.
45 «Ihesi doazenak, akiturik,
Hexbonen babesean gelditu dira;
baina sua jalgitzen da Hexbondik,
sugarrak zabaltzen
Sihon erregearen jauregitik,
guztia kiskaliz:
Moabeko haranak eta goi-lautada 48,45 Sihon erregea: Egoitza Hexbonen zuen amortarren erregea, israeldarrek Kanaanen sartu aurretik garaitu zutena (ik. Zen 21,26-28). // Moabeko haranak eta goi-lautada: H.h., Moaben bekokia eta xaondarren burezurra: Segur aski, lurraldearen bi alderdiak adierazteko irudiak dira; testua Zen 24,17 tx.etik hartua da. .
46 Zer zoritxarra zuretzat, Moab!
Galdua zara, Kemoxen herri hori!
Zure seme-alabak
gatibu eraman dituzte atzerrira.
47 «Baina egunen batean aldatuko dut Moaben zoria. Nik, Jaunak, esana».
Honaino Moaben aurkako epaia. 48,47 Moaben zoria aldatuko 46,26+. Ik. 29,14+.
|
