4
1 Nagusiok, eman zeuen esklaboei zuzen eta bidezko dena, jakinik zuek ere baduzuela zeruan nagusia.  4,1 zeruan nagusia Ef 6,9.
AZKENA (4,2-18)
Zenbait aholku
2 Izan iraupentsu otoitzean, beti erne Jainkoari eskerrak emanez. 4,2 Izan iraupentsu otoitzean Ef 6,18; Flp 4,6; 1 Ts 5,17.
3 Egin otoitz gure alde ere, Jainkoak mezua hots egiteko eta Kristoren misterioa adierazteko aukera eman diezagun, misterio horrengatik bainago kartzelan. 4,3 Egin otoitz gure alde Erm 15,30; Ef 6,19; 2 Ts 3,1.
4 Egin otoitz misterioa behar bezalako hitzez  4,4 behar bezalako hitzez: Edo nire betebeharra denez. adierazi ahal izan dezadan.
5 Joka ezazue zuhur kristau ez direnekin, une egokiez baliatuz. 4,5 kristau ez direnekin Ef 5,15-16; 1 Ts 4,11-12.
6 Zuen hizketa izan dadila beti atsegina eta gatzduna, bakoitzari dagokion eran erantzuten jakinez. 4,6 erantzuten jakinez 1 P 3,15.
7 Tikiko anaia maiteak, zerbitzari leial eta Jaunaren zerbitzuan lankide dudanak, emango dizue nire gorabeheren berri. 4,7-8 Tikiko Ef 6,21-22+.
8 Horretarakoxe bidaltzen dizuet, nire berri eman diezazuen eta adorez bete zaitzaten.
9 Berarekin batera, zeuen herritar Onesimo 4,9 Onesimo: Ik. Filemoni Gutuna. Hemendik dakigu Onesimo kolosarra zela. anaia leial eta maitea bidaltzen dizuet. Hauek emango dizuete hemen gertatzen den guztiaren berri.
Azken agurra
10 Goraintziak ene kartzela-lagun Aristarko eta Bernaberen lehengusu Markosen izenean (hau zuek ikustera joango balitz, har ezazue ongi, agindua dizuedanez). 4,10 Aristarko Eg 19,29; 27,2; Flm 1,24. // Markos Eg 12,12.25; 13,13; 15,37; Flm 1,24.
11 Goraintziak Justo deritzan Jesusen izenean ere. Judu-jatorrikoetatik hauek dira Jainkoaren erregetza zabaltzen nirekin lanean ari diren bakarrak, eta oso kontsolagarri gertatu zaizkit.
12 Herritar duzuen Epafrasek 4,12 Epafras: Ik. 1,7 oh. ere, Kristo Jesusen zerbitzariak, agur egiten dizue; zuen alde eginahalean otoitzean dihardu beti, tinko iraun dezazuen, Jainkoaren nahia betetzera erabat emanak.
13 Neu nauzue testigu zenbat neke hartzen duen zuengatik, baita Laodizea eta Hierapoliskoengatik 4,13 Hierapolis: Asia Txikiko Frigia eskualdeko hiria, Laodizea bezala (ik. 2,1 oh.). ere.
14 Goraintziak Lukas sendagile maitearen eta Demasen izenean.
15 Agur itzazue Laodizeako senideak, Ninfa eta honen etxean biltzen den eliz elkartea.
16 Zuek irakurri ondoren, bidali gutun hau Laodizeako eliz elkarteari ere, irakur dezaten. Eta zuek ere irakurri Laodizeara bidali nuena 4,16 bidali nuena: Ezagutzen ez dugun gutunen bat aipatzen du; zenbaiten ustez, gutun hori efesoarrei eginikoa bera da. .
17 Esan Arkipori, saia dadila Jaunarengandik hartu zuen eginkizuna betetzen. 4,17 Arkipo Flm 1,2.
18 Neure eskuz idazten dizuet azken agurra: Paulok. Oroit zaitezte kartzelan nagoela. Grazia zuekin. 4,18 Neure eskuz agurra 1 Ko 16,21+. // kartzelan Ef 3,1; 4,1; 6,20; Flp 1,7.13.
|
