|
Eskandalua. Iraina eta barkamena
17
1 Jesusek esan zien ikasleei: «Nahitaezkoa da munduan galbideak  17,1 galbideak: H.h., eskandaluak; ik. Mk 6,3 oh. gertatzea, baina dohakabea inoren sinesmena galbidean jartzen duena!  17,1 galbide 7,23; Mk 6,3+.
2 Hobe luke errotarri bat lepotik lotu eta itsasora botako balute, txiki hauetakoren bat galbidean jartzea 17,2 galbidean jarri: H.h., eskandalizatu. baino.
3 Kontuz ibili!
«Senideren batek iraintzen bazaitu, egiozu errieta, eta, damutzen bada, barkatu. 17,3 elkarrekiko barkamena Mt 6,12+.
4 Eta egunean zazpi aldiz iraintzen bazaitu eta zazpi aldiz etortzen bazaizu “Damu dut” esanez, barkatu».
Sinesmena eta zerbitzua
5 Apostoluek eskatu zioten Jaunari:
–Gehi ezazu sinesmena guregan. 17,5 Apostoluak 6,13+. // Gehitu gure sinesmena Mk 9,24.
6 Jaunak erantzun zuen:
–Sinesmena bazenute, mostaza-hazia bezain txikia izanik ere, pikondo honi «Atera hortik eta landatu itsasoan» esango zeniokete, eta obeditu egingo lizueke. 17,6 mostaza-hazia adinako sinesmena Mt 21,21; Mk 11,23. Ik. 13,19. // pikondoa tokiz aldatu Mt 21,21; 1 Ko 13,2.
7 «Emazue zuetako batek morroi bat duela soro-lan edo artzaintzarako. Morroia etxeratzean, “Hator berehala mahaira” esaten ote dio?
8 Ez ote dio beste hau esaten: “Presta iezadak afaria, jantzi amantala eta zerbitza nazak, nik afaldu bitartean; ondoren, afalduko duk hik”?
9 Morroiari esker ona zor ote dio agindua bete duelako? 17,9 esker ona zor 6,32-34.
10 Zuek ere berdin: agindu zaizuen guztia egin eta gero, esan: “Morroi gizagaixo 17,10 gizagaixo: H.h., probetxugabe. batzuk gara; egin behar genuena besterik ez dugu egin”».
Jesusek hamar legendun sendatu
11 Jerusalemera bidean, Samarian 17,11 Jerusalemera: Ik. 9,51 oh. // Samaria: Ik. Mt 10,5 oh. eta Galilean barrena zihoan Jesus. 17,11 Jerusalemera bidean 9,51+.
12 Herri batean sartzerakoan, hamar legendun atera zitzaizkion bidera. Urruti gelditurik, 17,12 legendunak Mt 8,2+. // Urruti gelditurik Lb 13,46.
13 deiadarka esan zioten:
–Jesus, Maisu, erruki zakizkigu! 17,13 erruki zakizkigu 18,38+.
14 Jesusek, ikustean, esan zien:
–Joan eta azaldu apaizengana.
Bidean zihoazela, garbi gelditu ziren. 17,14 azaldu apaizengana 5,14; Lb 14,2-3.
15 Haietako bat, sendatua zegoela oharturik, Jainkoa deiadarka goratuz itzuli 17,15 Jainkoa goratuz 2,20+.
16 eta Jesusen oinetara ahuspez erori zen, eskerrak emanez; samariarra zen bera. 17,16 samariarra 9,52+.
17 Jesusek esan zuen: «Ez ote dira hamarrak garbi gelditu? Non dira beste bederatziak?
18 Ez al da izan atzerritar hau besterik Jainkoa goratzera etortzeko?»
19 Gero, esan zion: «Jaiki eta zoaz; zeure sinesmenak salbatu zaitu». 17,19 sendatzeko sinesmena 5,20+.
Jainkoaren erregetzaren etorrera
20 Jainkoaren erregetza noiz iritsiko zen galdetu zioten fariseuek; Jesusek erantzun zien:
–Jainkoaren erregetza ez da nabarmen etorriko. 17,20 Jainkoaren erregetza 4,43+.
21 Ezin esango da: «Hona hemen» edo «Hara han»; zeren Jainkoaren erregetza zuen artean baitago jadanik. 17,21 erregetza zuen artean dago Ik. 10,9+.
22 Gero, ikasleei esan zien: «Iritsiko zaizue Gizonaren Semearen etorrerako egun bat bederen ikusi nahi izango duzuen garaia, baina ez duzue ikusiko. 17,22 Gizonaren Semea 5,24+.
23 Orduan, “Hona hemen, hara han” esango dizuete. Baina zuek ez joan, ez atera atzetik lasterka. 17,23 Ik. 17,21; Mk 13,21. // ez joan atzetik 21,8-9.
24 Izan ere, tximistak une batean zerualde batetik besteraino distira egiten duen bezala, hala izango da Gizonaren Semea etorriko den egunean. 17,24 Gizonaren Semearen etorrera Mt 10,23+.
25 Baina aurretik asko sufritu behar du, eta gizaldi honek gaitzetsi egingo du. 17,25 asko sufritu behar du 9,22+.
26 «Noeren garaian bezala gertatuko da Gizonaren Semearen garaian ere. 17,26 Noeren garaia Has 6,9-13.
27 Jan-edanean ziharduen jendeak, eta ezkondu egiten ziren, Noe ontzian sartu zen arte; baina etorri zen uholdea eta denak galdu zituen. 17,27 etorri zen uholdea Has 6,13–7,24; 2 P 2,5; 3,6.
28 «Gauza bera gertatu zen Loten garaian ere: jan eta edan, saldu eta erosi, landatu eta eraiki egiten zuen jendeak; 17,28 Loten garaia Has 19,1-29.
29 baina Lot Sodomatik atera zen egunean, su eta sufrezko euria egin zuen zerutik eta denak galdu zituen. 17,29 sua eta sufrea zerutik Has 19,24+.
30 «Hala gertatuko da Gizonaren Semea agertuko den egunean ere.
31 Egun hartan, etxe gainean dagoena eta bere gauzak etxean dituena ez bedi hartzera jaits; era berean, soroan dena ez bedi atzera itzul. 17,31 etxe gainean dagoena 21,21; Mt 24,17-18; Mk 13,15-16. // ez atzera itzuli Has 19,17. Ik. Jr 48,6; 49,8; 51,6.
32 Oroitu Loten emazteaz. 17,32 Loten emaztea Has 19,26.
33 «Bere bizia segurtatu nahi duenak galdu egingo du; galtzen duenak, berriz, onik aterako du. 17,33 bizia galdu, segurtatu 9,24+.
34 Egia esan, gau hartan bi egongo dira ohe berean: bata eraman eta bestea utzi egingo dute.
35 Bi emakume ariko dira batera ehotzen: bata eraman eta bestea utzi egingo dute». (
36 17,36 Tx. hau eskuizkriburik zaharren eta hoberenetariko askotan falta da. Honela dio: Bi gizon izango dira soroan, bata eraman eta bestea utzi egingo dute (ik. Mt 24,40). ).
37 Ikasleek galdetu zioten, orduan:
–Non izango da hori, Jauna?
Jesusek erantzun zien:
–Sarraskia non, han biltzen dira putreak. 17,37 Sarraskia, putreak Mt 24,28+.
|
