Bibli Elkartea

Itun Zaharra
Hasiera
Irteera
Lebitarrena
Zenbakiak
Deuteronomioa
Josue
Epaileak
1 Samuel
2 Samuel
1 Erregeak
2 Erregeak
Isaias
Jeremias
Ezekiel
Oseas
Joel
Amos
Abdias
Jonas
Mikeas
Nahum
Habakuk
Sofonias
Ageo
Zakarias
Malakias
Salmoak
Job
Esaera Zaharrak
Rut
Kantarik Ederrena
Kohelet
Negar Kantak
Ester
Daniel
Esdras
Nehemias
1 Kronikak
2 Kronikak
Liburu Deuterokanonikoak
Ester Grekoa
Judit
Tobit
1 Makabearrak
2 Makabearrak
Jakinduria
Ben Sirak
Baruk
Jeremiasen Gutuna
Daniel Grekoa
Itun Berria
Mateo
Markos
Lukas
Joan
Eginak
Erromatarrei
1 Korintoarrei
2 Korintoarrei
Galaziarrei
Efesoarrei
Filipoarrei
Kolosarrei
1 Tesalonikarrei
2 Tesalonikarrei
1 Timoteori
2 Timoteori
Titori
Filemoni
Hebrearrei
Santiago
1 Pedro
2 Pedro
1 Joan
2 Joan
3 Joan
Judas
Apokalipsia


BIBLIJA.net   - Biblia interneten
Bilatu erreferentzia     Bilatu hitza
Pasartea:   

Menu trinkotua
 EAB Hautatu bertsio guztien artean   Bertsioaz Laguntza
Hizkuntza

Mateo 8

Mateo :Sarrera 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

Erregetza mirarien bidez agertua (8,1–9,34)
Jesusek legenduna sendatu
(Mk 1,40-45; Lk 5,12-16)
8
1 Jesus menditik jaitsi zenean, jende askok jarraitu zion. 2 Legendun bat hurbildu zitzaion eta, aurrean ahuspezturik, esan zion:
–Jauna, nahi baduzu, garbi nazakezu.
8,2 Legendun 10,8; 11,5; Lb 13-14; Lk 4,27; 7,22; 17,12.
3 Orduan, Jesusek eskua luzatu eta ukitu egin zuen, esanez:
–Nahi dut, izan zaitez garbi.
Berehala, legena garbitu egin zitzaion.
4 Jesusek agindu zion:
–Kontuz gero! Ez esan inori. Zoaz, hala ere, azaldu apaizarengana eta eskaini Moisesek agindutako oparia zeure garbitasunaren ezaugarri
8,4 garbitasunaren ezaugarri: Ik. Mk 1,44 oh.
.
8,4 isiltzeko agindua 9,30; 12,16; Mk 1,34+. // agindutako oparia Lb 14,1-32. Ik. Lk 17,14.
Erromatar ehuntariaren sinesmena
(Lk 7,1-10; Jn 4,46-54)
5 Jesus Kafarnaum herrian sartu zenean, erromatar ehuntari bat hurbildu zitzaion 6 erreguka:
–Jauna, elbarri eta oinaze gorritan dut morroia etxean.
7 Jesusek esan zion:
–Neu joango naiz sendatzera.
8 Ehuntariak erantzun zion:
–Jauna, ni ez naiz inor zu nire etxean sartzeko; aski duzu hitz bat esatea, nire morroia sendatzeko. 9 Neuk ere, menpekoa izanagatik, soldaduak ditut menpean, eta batari joateko agintzen badiot, joan egiten da, besteari etortzeko agindu eta etorri, morroiari zerbait egiteko esan eta hala egiten du.
10 Hau entzutean, harritu egin zen Jesus eta ondoren zetozkionei esan zien: «Benetan diotsuet: Israel guztian ez dut aurkitu horrelako sinestedunik. 11 Egia esan, asko etorriko dira sortalde eta sartaldetik, Abraham, Isaak eta Jakobekin Jainkoaren erreinuko mahaikide izateko;
8,11 asko etorriko dira Lk 13,28-29.
12 erreinuaren oinordeko zirenak
8,12 erreinuaren oinordeko zirenak: H.h., erreinuko semeak, hau da, juduak.
, berriz, kanpora, ilunpetara, botako ditu Jainkoak. Negarra eta hortz-karraska izango dira han».
8,12 kanpora, ilunpetara 22,13; 25,30. // Negarra eta hortz-karraska 13,42.50; 22,13; 24,51; 25,30; Lk 13,28.
13 Ondoren, ehuntariari esan zion:
–Zoaz etxera, eta gerta bekizu sinetsi duzun bezala.
Eta ordu hartan bertan sendatua gertatu zen morroia.
8,13 sinetsi duzun bezala 9,29; 15,28.
Jesusek Simonen amaginarreba sendatu
(Mk 1,29-31; Lk 4,38-39)
14 Ondoren, Pedroren etxera joan zen Jesus, eta haren amaginarreba oheratua aurkitu zuen sukarrez. 15 Jesusek eskua hartu zion eta sukarrak alde egin; orduan, emakumea jaiki eta zerbitzatzen hasi zitzaion.
Gaixo asko sendatu
(Mk 1,32-34; Lk 4,40-41)
16 Arratsean, deabrudun asko eraman zizkioten Jesusi. Honek deabruak bere hitzez bota eta gaixo guztiak sendatu zituen.
8,16 hitzaren indarra 8,8; Mk 2,10-11; Lk 4,36; 1 Ts 2,13; Heb 4,12.
17 Horrela bete zen Jainkoak Isaias profetaren bidez esana:

Hark gure ahuleriak
hartu zituen bere gain,
gure gaitzen zama jasan.
8,17 Hark… Is 53,4. Ik. 1,22+; 1 P 2,24.
Jesusi jarraitzeko baldintzak
(Lk 9,57-62)
18 Bere inguruan jendetza handia ikusirik, beste aldeko aintzira-ertzera igarotzeko agindu zuen Jesusek. 19 Orduan, lege-maisu bat hurreratu zitzaion, esanez:
–Maisu, noranahi jarraituko dizut.
20 Jesusek esan zion:
–Azeriek badituzte zuloak eta aireko hegaztiek habiak; Gizonaren Semeak, ordea, ez du burua non ezarri.
8,20 Gizonaren Semea 9,6; 12,8; 16,13.27; 17,22; 20,18; 24,30; 25,31; 26,64; Dn 7,13; Mk 2,10+; Lk 5,24+; Jn 1,51; 3,13-14; Eg 7,56; Ap 1,13; 14,14.
21 Beste batek, ikasleetakoa zenak, esan zion:
–Jauna, uztazu lehenbizi aitaren hiletak egitera joaten.
8,21 uztazu lehenbizi Has 50,5; 1 Erg 19,20; Tb 4,3.
22 Baina Jesusek erantzun:
–Jarraitu niri, eta utzi hilei beren hildakoen hiletak egiten.
8,22 Jarraitu niri 4,19+. Ik. 10,37; 16,25-26.
Jesusek ekaitza baretu
(Mk 4,35-41; Lk 8,22-25)
23 Jesus txalupara igo zen eta ikasleek jarraitu egin zioten.
24 Bat-batean, ekaitz gogorra sortu zen aintziran, eta uhinek txalupa ia azpian hartua zuten. Jesus, berriz, lo zegoen. 25 Ikasleek hurbildu eta esnatu egin zuten, esanez:
–Salba gaitzazu, Jauna! Galtzera goaz!
26 Hark esan zien:
–Zergatik zarete hain beldur, sinesmen gutxikook?
Eta, zutiturik, haserre egin zien haizeari eta aintzirari, eta dena bare-bare gelditu zen.
8,26 sinesmen gutxikook 6,30+.
27 Ikasleek, harriturik, honela zioten: «Nor ote dugu gizon hau, esana egiten baitiote haizeak eta aintzirak ere?»
Jesusek Gadarako deabrudunak sendatu
(Mk 5,1-20; Lk 8,26-39)
28 Jesus aintziraz beste aldera, gadaratarren lurraldera
8,28 gadaratarren lurraldea: Gadara, Genesaret aintziraren hego-ekialdera zegoen Dekapoliseko hiria zen.
iritsi zenean, bi deabrudun atera zitzaizkion hilobi artetik bidera. Hain baitziren gaiztoak, ez zen inor ausartzen bide hartatik ibiltzen. 29 Eta deiadarka hasi zitzaizkion:
–Zer duzu gurekin, Jainkoaren Seme horrek? Garaia baino lehen guri oinaze ematera etorri al zara hona?
8,29 Zer duzu gurekin? Ep 11,12; 1 Erg 17,18; Mk 1,24; 5,7; Lk 4,34; Jn 2,4.
30 Handik urrutira gabe, txerri-talde handi bat zebilen uxarrean. 31 Deabruek eskatu zioten Jesusi:
–Botatzekotan, bidal gaitzazu txerri-taldera.
32 Jesusek esan zien:
–Zoazte.
Haiek irten eta txerrietan sartu ziren, eta txerri-talde osoa ezpondan behera aintzirara amildu zen, eta denak uretan galdu.
33 Txerrizainek ihes egin zuten eta, herrira joanik, dena kontatu zuten, baita deabrudunena ere. 34 Orduan, herri guztia atera zen Jesusengana eta, ikusi zutenean, beren lur-mugetatik alde egiteko eskatu zioten.
 




Bibli Elkarte Batuak ] [ Espainiako Bibli Elkartea ] [ Idatz ] [ EAB Elkartea ]

Programaren azken eguneratzea: 2020-4-7