|
22. (21.) SALMOA
Larrialdiko deiadarra eta esker oneko kantua
22
1 Koru-zuzendariarentzat. «Egunsentiko basahuntza» doinuan 22,1 «Egunsentiko basahuntza» doinuan: Segur aski, kantu ezagunen baten lehen hitzak aipatzen dira, salmoa zein doinutan abestu behar zen adierazteko. . Daviden salmoa.
2 Ene Jainko, ene Jainko, zergatik utzi nauzu? 22,2 Ene Jainko, ene Jainko, zergatik utzi nauzu?: Salmo-hasierako hitz hauek Jesusek gurutzean esanak dira (ik. Mt 27,46 eta Mk 15,34). Salmoko beste zenbait xehetasun ere Jesusen nekaldiko kontakizunean aipatzen dute ebanjelariek.
Zergatik ez duzu entzuten nire deiadarra eta kexua?  22,2 Ene Jainko… Mt 27,46 par. // utzi nauzu 38,22; 71,18; Is 54,7.
3 Egunez deika ari natzaizu, ene Jainko, eta zuk erantzunik ez;
baita gauez ere, eta bakerik ez dut.
4 Zu, ordea, santutegian bizi zara,
Israelen gorespenak hartuz 22,4 santutegian… hartuz: Honela ere itzul daiteke: santua zara, Israelen gorespen artean bizi zara. . 22,4 santutegian bizi Is 6,3.
5 Gure gurasoak zurekin fidatu ziren;
fidatu ziren, eta zuk libratu.
6 Deiadar egin zizuten eta zuk askatu;
zurekin fidatu, eta ez zien usteak huts egin. 22,6 Deiadar egin zizuten Ep 3,9.15.
7 Ni, berriz, har naiz eta ez gizaki,
jendeak iraindua, herriak mespretxatua. 22,7 har naiz Is 41,14; Jb 25,6. // herriak mespretxatua Is 53,3.
8 Ikusten nautenek burla egiten didate,
keinuka eta zeinuka. 22,8 burla egiten didate Mt 27,29.39 par. // keinuka 64,9; 109,25; Nk 2,15.
9 «Jaunarengana jo du 22,9 jo du: Antzinako itzulpenen arabera; hebreerazkoak jo dezala dio. ; libra dezala, bada!
Salba dezala, hainbeste maite badu!» 22,9 Jaunarengana jo du, libra dezala Mt 27,43 par. Ik. Jkd 2,18-20.
10 Zuk atera nauzu amaren sabeletik,
lasai eduki haren bularrean. 22,10 amaren sabeletik 71,6; Is 44,2+.
11 Zure esku nago jaiotzatik,
zu zaitut Jainko amaren sabeletik.
12 Ez egon niregandik urrun, hurbil baitut arriskua,
eta ez dut nork lagundurik. 22,12 Ez egon urrun 35,22; 38,22; 71,12.
13 Etsaiek inguratzen naute,
zezen-talde handia bailiran,
basabere izugarriak 22,13 basabere izugarriak: H.h., Baxango basabereak. Baxan Genesaret aintziraren ekialdeko lurraldea da, abeltzaintzagatik ospetsua (ik. Am 4,1). bailiran;
14 ahoa zabalik dute nire kontra,
lehoi harraparien gisa orroka. 22,14 lehoi harraparien gisa 17,12+.
15 Badoaz nire indarrak, ur isuria irudi;
koloka ditut hezur guztiak,
urtzen ari zait bihotza, argizaria irudi. 22,15-16 Azkenetan dagoenaren irudiak 102,4-6.
16 Indargabe nago, teila bezain lehor,
ahosabaiari itsatsia dut mihia,
hilobi-hautsetaraino ekarri naute.
17 Gaizkile-taldeak inguratu nau,
zakur-tropelak erdian hartu,
esku-oinak zulatu dizkidate. 22,17 zakurrak 59,7.15.
18 Hezur eta azal gelditu naiz!
Haiek adi-adi begiratzen didate.
19 Nire jantziak banatzen dituzte,
nire soinekoa zotz egiten. 22,19 soinekoa zotz egin Mt 27,35; Jn 19,24.
20 Baina zu, Jauna, ez egon urrun!
Ene indar, lagundu! Ez luzatu! 22,20 lagundu, ez luzatu 38,23; 40,14.18; 70,2.6; 71,12; 109,26.
21 Libra nazazu ezpataz hila izatetik,
atera nire bizi hau zakur horien atzaparretatik. 22,21-22 bizia lehoiaren ahotik 35,17.
22 Salba nazazu lehoiaren ahotik,
bufaloen adarretatik.
Erantzun didazu!
23 Hitz egingo diet zutaz neure senideei,
goretsiko zaitut batzarraren erdian. 22,23 Heb 2,12 tx.ean aipatua. // goretsiko batzarrean 22,26; 35,18; 40,10; 107,32; 109,30; 111,1; 149,1.
24 Goretsazue Jauna, begirune diozuenok!
Emaiozue ohore, Jakoben ondorengo guztiok!
Adora ezazue, israeldarrok!
25 Jaunak ez du mespretxatu,
ez du gutxietsi gizagaixoaren zorigaitza,
ez du harengandik aurpegia saihestu:
entzun dio deiadarra.
26 Zeuk eraginik, goretsiko zaitut batzar handian,
neure promesak beteko ditut
begirune dizutenen aurrean.
27 Asetzeraino jango dute behartsuek,
Jauna goretsiko haren bila saiatzen direnek.
Ez galdu adorea sekula! 22,27 Ez galdu adorea sekula!: H.h., Bizi dadila haien bihotza betiko! Behartsuak esker oneko oparitako otorduan partaide dira.
28 Jaunaz oroituko dira lurreko herri guztiak
eta harengana itzuliko;
haren aurrean ahuspeztuko dira herrietako familia guztiak.
29 Jauna errege da, herri guztien nagusi!
30 Hari ahuspeztuko zaizkio lurpean lo daudenak,
haren aurrean makurtuko hilobira jaitsiak,
Jainko garaileak biziberritu egiten baitu 22,30 Tx.eko testua iluna da, eta itzulpenak ez datoz beti bat. . 22,30 hilobira jaitsiak 28,1; 30,4; 88,5; 143,7.
31 Nire ondorengoek Jauna gurtuko dute,
Jaunaz hitz egingo diete ondorengo gizaldiei, 22,31 Nire ondorengoek Is 53,10. // ondorengo gizaldiei kontatu 48,14; 71,18; 78,6; 102,19; 145,4.
32 haren egintza salbagarria adieraziko
sortzeko dagoen herriari.
|
