Sal 30 - BIBLIJA.net - Biblia interneten

Programa: © 2006
, OFMCap
Prestatzailea:
Esloveniako Bibli Elkartea.

Salmoak :

30. (29.) SALMOA

Heriotza-arriskutik sendatuaren esker oneko kanta

1 Tenpluaren sagarapenerako kanta

30,1 Tenpluaren sagarapenerako kanta: Ez da ikusten zer erlazio izan dezakeen salmoak tenpluaren sagarapenarekin (ik. 1 M 4,36-59; Jn 10,22).

. Daviden Salmoa.

2 Goratua zu, Jauna, onik atera bainauzu!

Nire etsaiei ez diezu nire lepotik pozten utzi.

3 Jauna, ene Jainkoa, oihuz laguntza eskatu dizut,

eta sendatu nauzu.

30,3 sendatu nauzu 6,3+; Is 38,16.

4 Jauna, Herio Leizetik atera nauzu;

hilobira jaistear nengoela, biziberritu.

30,4 hilobira jaitsi 22,30+.

5 Kanta Jaunari, haren fededunok,

goretsazue, santua dela gogoratuz.

30,5 Kanta Jaunari 97,12.

6 Haren haserrea une baterako, haren onginahia bizi guztirako.

Arratsean negarrez bagaude ere, goizean berriro poz-oihuz.

30,6 haserrea une baterako Is 54,7-8. Ik. Jb 14,13.

7 Lasaialdian hau pentsatu nuen:

«Ez dut sekula koloka egingo».

8 Zeure onginahiaz, Jauna,

mendia bezain tinko ezarria ninduzun.

Baina aurpegia gorde zenidan, eta larritu egin nintzen.

30,8 aurpegia gorde 27,9+; 104,29.

9 Zuri dei egin nizun, Jauna, zuri erregu:

30,9 dei egin nizun 28,1+.

10 «Zer irabazten duzu ni hilda, ni hilobira sartuta?

Hautsak zu goretsiko ote? Zure leialtasuna iragarriko ote?

30,10 Zer irabazten duzu? 6,6+.

11 Entzun, Jauna! Erruki nitaz! Jauna, zatozkit lagun!»

12 Negarra dantza bihurtu didazu, dolu-jantzia festa-jantzi.

30,12 Egoera aldatua 126,5-6+.

13 Nire barruak isildu gabe kantatuko dizu;

Jauna, ene Jainkoa, eskerrak emango dizkizut beti.