|
Eguzkia
43
1 Zeru  43,1 Zeru: 43,1-5 tx.en esanahi orokorra garbi dago, baina xehetasunen interpretazioa ez, nahiz eta oro har bat etorri hebreerazko eta grekozko testuak. goien edertasuna, ortziaren gardentasuna
eta zeru-sabaiaren itxura, zer ikuskizun distiratsua!  43,1 Zeruak, ortzia Sal 8,4; 19,2; 136,4-9.
2 Eguzkiak aldarrikatzen du, agertzen denean,
benetan miresgarria dela Goi-goikoak egindakoa. 43,2 Eguzkia Sal 19,5-7.
3 Eguerdian lurra lehortzen du:
nork jasan lezake haren berotasuna?
4 Labea suspertu ohi da galda-lanetarako:
hiru aldiz kiskalgarriago eguzkia mendietan.
Lurrun sutsuak botatzen ditu
eta bere errainuen distiraz begiak itsutzen.
5 Handia da eguzkia egin duen Jauna,
honen esanetara egiten du ibilaldia.
Ilargia
6 Ilargia ere bere garaian irteten da,
aroak finkatu eta aldiak adieraziz. 43,6 Ilargia Has 1,14-18; Sal 89,38; 104,19.
7 Ilargiak erakusten du jai egiteko garaia 43,7 jai egiteko garaia: Siraken semearen garaian, egutegi ofiziala ilargiaren araberakoa zen. Bi jai nagusiak (Pazkoa eta Etxolena) ilbetean hasten ziren (ik. Lb 23,5.34). ,
murriztu egiten delarik ilargi betearen ondoren.
8 Sustrai bereko hitzak dira «ilargi» eta «hilabete» 43,8 Hilabete-k eta ilargi-k izen berbera dute hebreeraz; halaber, hilabete esateko beste hitz bat ere erabiltzen da, berritasun esan nahi duena: hilabetearen hasiera seinalatzen duen ilberriari aplikatzen zaio, hain zuzen. ;
miresgarriro hazten da, baita aldatzen ere;
zeru-sabaian distiratsu dagoen hori
ortziko astro guztien ikur da.
Izarrak
9 Izarren distirak edertzen du zerua,
argizko apaingailu Jaunaren goialdeetan. 43,9 Izarrak Ba 3,34-35.
10 Santuaren aginduz beren lekuan daude tinko,
ez dute alde egiten beren zaintza-postuetatik.
Ortzadarra
11 Ikusi ortzadarra 43,11 Ortzadarra Jainkoaren eta mundu osoaren arteko itunaren ezaugarri da (ik. Has 9,12-17). eta bedeinkatu egin duena;
begira zein ikusgarria den beraren distira!
12 Zubi distiratsua marrazten du zeruaren biran,
Goi-goikoaren eskuek zabaldu dute hor.
Naturako gertakariak
13 Bere aginduz botarazten du elurra,
berak erabakia betetzeko jaregiten tximistei. 43,13 elurra Sal 147,16-17; Jb 37,6.
14 Horregatik zabaltzen dira haren gordailuak 43,14 gordailuak: Pentsatzen zen Jainkoak biltegietan gordeak zituela ura, tximistak eta gainerako zigorrak (ik. 39,28-29).
eta txoriak bezala hegan abiatzen hodeiak. 43,14 gordailuak Jb 38,22.
15 Bere indar handiaz trinkotzen ditu
eta kazkabarra sortuz apurtzen.
16-17 Haren trumoi-hotsak 43,16-17 trumoi-hotsak: Hebreerazkoan 17a eta 17b artean aurkitzen da 16. tx. dar-dar eragiten dio lurrari
eta mendiak ikaraz jartzen.
Hark nahi duenean hego-haizeak jotzen du,
baita ipar bortitzak eta haize-erauntsiek ere.
Hegaldaka dabiltzan txoriak bailiran,
elur-malutak botatzen ditu,
eta matxinsalto-piloak bezala estaltzen lurra. 43,16-17 trumoi-hotsak lurrari dar-dar eragin Sal 18,8-9; 29,6.8.
18 Begia liluratzen du haren zuritasunaren ederrak,
eta bihotza txunditzen jausten denean.
19 Gatza bezala zabaltzen du izotz zuria lur gainean,
jelatu eta belar-puntak arantzak bezala zorroztuz. 43,19 izotza Jb 37,10; 38,29-30.
20 Iparraldeko haize hotzak jotzean
izotza eratzen da ur-azalean;
ur-multzo guztien gain kokatzen da
eta oskolez bezala gainjanzten ura.
21 Haize sargoriak mendiak irentsi
eta basamortua erretzen du,
suak bezala suntsitzen belar hezea.
22 Hau dena bizkor erremediatzen du behe-lainoak,
sargoriaren ondorengo ihintzak bizitasuna ekartzen.
23 Bere egitasmoaren arabera ozeanoa menderatu du
eta uharteak landatu bertan. 43,23 ozeanoa menderatu Sal 89,10+; Jb 7,12+.
24 Itsasgizonek bertako arriskuen berri ematen dute,
eta harri eta zur uzten gaitu entzuten dugunak. 43,24 itsasoko arriskuak Sal 107,23-27.
25 Izaki bitxi eta miresgarriak daude han,
mota guztietako bizidunak eta itsas munstroak. 43,25 itsasoko bizidunak Sal 104,25-26.
26 Jainkoari esker du haren mezulariak 43,26 mezulariak: Baliteke Noeren edo salbazioa iragartzen duen mezulariren baten aipamena egotea testuan. arrakasta,
haren hitzak du dena arautzen. 43,26 mezulariak arrakasta Is 44,26.
27 Beste gauza asko esango genuke gaia agortu gabe,
baina hona azken hitza: «Jainkoa da dena».
28 Non aurkitu hura goresteko indarra?
Handia baita bera,
handia berak egindako guztiaren aldean. 43,28 Handia da bera Sal 96,4+; 145,3.
29 Beldurgarria da Jauna, biziki handia,
eta miresgarria haren ahalmena.
30 Goratu Jauna, goretsazue ahal duzuen guztia,
are gorago egongo baita bera.
Hura goratzean, bildu zeuen indar guztiak,
ez etsi, ez duzue inoiz aski goratuko eta.
31 Nork ikusi du, nolakoa den esateko?
Nork goratuko du bere izateari dagokion neurrian?
32 Gauza asko daude ezkutuan hauek baino handiagoak,
beraren egintza gutxi batzuk baino ez baititugu ikusi.
33 Izan ere, Jauna da dena egin duena,
eta berak eman die zintzoei jakinduria. 43,33 Jaunak dena egin du 18,1+. // jakinduria eman 1,9-10.
|
