|
4
1 Seme, ez kendu behartsuari bizitzeko duen apurra,
ez utzi erantzunik gabe txiroaren eskaria.
2 Ez sufriarazi gose denari,
ez sumindu lazerian dagoena.
3 Ez areagotu bihotz-saminduaren nahigabea,
ez itxaronarazi zeure emaitza beharrean dagoenari.  4,3 ez itxaronarazi emaitza Es 3,27+.
4 Ez ukatu laguntza atsekabealdian erregutzen dizunari,
ez eman bizkar behartsuari. 4,4 ez eman bizkar behartsuari Tb 4,7.
5 Ez aldendu zeure begiratua eskaleagandik,
ez eman zeu madarikatzeko biderik;
6 zeren, ozpinduta dagoela-eta madarikatzen bazaitu,
Egileak entzun egingo baitio madarikazioa. 4,6 Egileak behartsuaren madarikazioa (otoitza) entzun 21,5; 35,16-19; Dt 15,9; 24,15+.
7 Saiatu batzarraren begikotasuna irabazten,
behera ezazu burua handikiaren aurrean.
8 Makurtu belarria behartsuagana,
erantzun haren agurrari goxotasunez.
9 Aska ezazu zanpatua zapaltzailearen esku artetik,
ez izan koldarra justizia egin behar duzunean.
10 Izan aitaren ordezko umezurtzentzat
eta senarraren ordezko alargunentzat;
Goi-goikoaren seme izango zara,
zeure amak baino gehiago maiteko zaitu hark  4,10 alargunentzat: Hebreerazkoaren arabera; grekozkoak haien amarentzat dio. // zeure amak… hark: Hebreerazkoak dio: mesede egingo dizu eta onik aterako hondamenditik . 4,10 aita umezurtzarentzat Jb 29,12. // Goi-goikoaren seme Lk 6,35. // amak baino gehiago maiteko Jaunak Is 49,15.
Jakinduria hezitzaile
11 Jakinduriak bere seme-alabak goratzen ditu
eta beraren bila dabiltzanak zaintzen. 4,11 Jakinduriak pertsona gisa hitz egin Es 1,20-33; 8,12-21; 9,1-6.
12 Hura maitatzea bizia maitatzea da,
haren bila lehiatzen direnak 4,12 haren bila lehiatzen direnak: H.h., harengatik goiz jaikitzen direnak. pozez beteko dira. 4,12 bizia Es 3,16-18. Ik. Jkd 8,17. // haren bila lehiatu 6,27-28; Es 8,17; Jkd 6,12-14; 8,17-18. Ik. 51,13-30.
13 Hura daukanak aintza izango du herentzian,
gorabehera guztietan Jaunak bedeinkatu egingo. 4,13 aintza herentzian Es 3,35.
14 Jakinduria zerbitzatzen dutenek Santua dute zerbitzatzen;
Jainkoak maite ditu hura maite dutenak.
15 Haren esanera 4,15 Haren esanera: Hebreerazkoan 4,15-19 tx.etako izenordeak lehen pertsonan daude: Nire esanera… dagoenak mundua epaituko du,
hari atxikitzen zaiona seguru bizi ahal izango da.
16 Norbait jakinduriaz fidatzen bada, bereganatu egingo du,
eta ondorengoak ere haren jabe izango.
17 Baina lehenengo, bide bihurrietatik eramango du,
beldurra eta izua sufriaraziko dizkio,
heziketa zorrotzaz saminduko du
eta proban jarriko bere aginduekin,
hartaz bene-benetan fidatu arte 4,17 Hebreerazkoak dio: Arrotza bezala jokatzen baitut berarekin, eta lehenengotan probatu egiten dut, bere bihotza nitaz bete dadin arte. .
18 Ondoren, berriz, bete-betean itzuli eta poztu egingo du,
eta bere ezkutukoak azalduko dizkio. 4,18 ezkutukoak azalduko Jb 11,6; Dn 2,19-23.
19 Baina desbideratzen bada, baztertu egingo du
eta bere burua hondatzen utziko.
Lotsa eta begirunea
20 Kontuan hartu egokiera eta gorde gaitzetik;
ez zaitez zeure buruaz lotsa 4,20 ez zaitez zeure buruaz lotsa: Inguru greziarrean Jainkoarenganako fedea ezkutatzeko israeldarrek zuten tentazioari buruz esana, segur aski. ;
21 izan ere, bada lotsa bat bekatura daramana,
eta beste bat gauza ona eta ohoragarria dena. 4,21 zertaz lotsatu 41,14–42,8. // lotsa kaltegarria 20,22.
22 Besteenganako begiruneagatik ez kalterik egin zeure buruari,
ez zaitezela eror zeure buruaren lotsarengatik.
23 Ez geratu hitz egin gabe beharrezko denean 4,23 Grekozko eskuizkribu batzuek eta hebreerazkoak eransten dute: eta ez ezkutatu zeure jakinduria. ,
24 hitz eginez azaltzen baita jakinduria,
eta esanaren bidez, hartutako heziketa.
25 Ez argudiatu egiaren aurka,
lotsa zaitez zeu hezigabea izateaz.
26 Ez lotsatu zeure bekatuak aitortzeaz,
ez joan nahi izan ur-lasterraren kontra. 4,26 bekatuak aitortu Lb 5,5; Zen 5,7; Es 28,13+.
27 Ez zaitez kikildu zentzugabearen aurrean,
ez makurtu ahaltsuaren mendera 4,27 ez makurtu… mendera: Hebreerazkoak dio: ez aurre egin ahaltsuei, eta eransten du: Ez eseri epaile maltzurrarekin, bestela haren nahierara epaituko baituzu zuk ere. .
28 Borrokatu hil arte egiaren alde,
eta Jainko Jaunak zure alde egingo du borroka 4,28 Hebreerazkoak eransten du: Ez zaitzatela itxurazale deitu, ez kalumniatu zeure mihiaz. . 4,28 egiaren alde Jn 18,37.
29 Ez zaitez ausarta izan adierazpenetan,
ezta nagi eta motel ere egintzetan.
30 Ez zaitez lehoi izan etxean
eta koldar zerbitzarien artean.
31 Ez izan eskuzabal hartzeko
eta esku-itxi emateko. 4,31 eskuzabal emateko Eg 20,35.
|
