|
6
1 Ez zaitez bihur zeure adiskidearen etsai,
ospe txarrak lotsa eta iraina ekartzen baititu:
hori gertatzen zaio mihi biko bekatariari.  6,1 adiskidearen etsai 37,2.
2 Ez harropuztu zeure burua handietsiz,
zeure indarrak alferrik galduko zenituzke, zezen gazteak bezala  6,2 Ez harropuztu… handietsiz: Hebreerazkoak dio: Ez erori zeure grinaren menpe. // Zeure indarrak… bezala: Grekozko testua iluna da. ;
3 zeure hostoak irentsiko zenituzke, fruituak galdu
eta enbor ihartua bezala geratuko.
4 Grina txarrak jabea galbideratzen du,
etsaien irrigarri bihurtzen.
Adiskidetasuna
5 Aho goxoak adiskideak ugaltzen ditu,
mihi atseginak harreman onak gehitzen. 6,5 Adiskidetasuna 37,1-6. // Aho goxoa Es 15,1; 16,24.
6 Izan daitezela asko agurtuko zaituztenak,
baina aholkulariak milatik bat! 6,6 aholkulariak 37,7-15.
7 Lagun bat egiten duzunean, kontuz ibili,
eta ez arinegi jarri uste ona berarengan, 6,7 Laguna 12,8+.
8 izaten baita berari komeni zaionean lagun denik
eta zure atsekabealdian irauten ez duenik; 6,8 laguna atsekabealdian 6,10; 37,4. Ik. 40,24; Es 17,17.
9 izan ohi da lagunik, etsai bihurtu
eta, zuen arteko auzia argitaratuz, lotsarazten zaituenik;
10 izaten da lagunik mahaikide izan,
baina zure atsekabealdian irauten ez duenik;
11 oparotasunean zabiltzanean, zurekin bat da,
tinko aginduko die berak ere zure zerbitzariei. 6,11 oparotasunean adiskide 13,21; Es 14,20+.
12 Baina behea jota bazaude, aurka jarriko zaizu
eta ezkutatu egingo zuregandik.
13 Urrun zaitez etsaiengandik,
ibili kontuz adiskideekin.
14 Adiskide zintzoa babesleku segurua;
aurkitzen duenak altxorra aurkitzen du.
15 Adiskide zintzoak ez du preziorik,
balio neurtezina du.
16 Adiskide zintzoa osasungarri da bizitzan;
Jaunari begirune diotenek aurkituko dute.
17 Jaunari begirune dionak ongi bideratzen du adiskidetasuna;
nolakoa bera, halakoa izango du laguna 6,17 Hebreerazkoak dio: Zeren nolakoa norbera, halakoa laguna, eta nolakoa bere ospea, halakoak bere egintzak. .
Jakinduriaren lorpena
18 Seme, onartu heziketa gaztetatik,
ilea urdindu arte izango duzu jakinduria. 6,18 Seme, onartu heziketa Es 1,8+. // gaztetatik 51,13; Es 22,6; Jkd 8,2.
19 Landu ezazu laborariak lurra lantzen eta ereiten duen bezala,
eta egon gero fruitu gozoen zain;
lanean pixka bat nekatu arren,
laster jan ahal izango dituzu emaitzak. 6,19 jakinduriaren fruitua 4,11-15; Es 8,18-19; Jkd 7,14.
20 Latza da jakinduria hezigabearentzat,
zentzugabeak ezin berarekin iraun; 6,20 Latza jakinduria zentzugabearentzat Es 24,7.
21 astunegia zaion proba-harria bezala,
laster botako du gainetik.
22 Jakinduria, bere izenak dioen bezalaxe 6,22 bere izenak dioen bezalaxe: Jakinduriazko heziketa adierazteko, hebreerazkoak zentzarazpen hitza erabiltzen du; baina bada antzeko doinuko hitz bat ezkutuko adierazten duena (ik. 41,14). Bi hitz hauekin jokatuz, jakinduriaren izenak bera lortzeko zailtasuna adierazten duela esaten du egileak. ,
gutxi batzuei bakarrik agertzen zaie.
23 Entzun, seme; onartu nire irizpidea,
ez baztertu ene aholkua.
24 Lotu oinak jakinduriaren katez,
jarri zeure burua haren uztarpean; 6,24 uztarria 51,26; Mt 11,29-30.
25 makur ezazu bizkarra, eta hartu gainean,
jasan gogo onez haren lokarriak;
26 jo ezazu harengana bihotz-bihotzez
eta eutsi haren bideei zeure indar guztiaz;
27 bila ezazu, jarraitu arrastoari eta ezagutaraziko dizu bere burua;
zeureganatu ondoren, ez jaregin; 6,27 bila ezazu 4,12+.
28 azkenean atsedena emango dizu
eta pozgarri gertatuko; 6,28 atsedena emango 51,27; Jr 6,16; Mt 11,28-29. // pozgarri gertatuko 4,12.
29 kateak babesgarri sendo izango dituzu,
eta uztarria apaingailu distiratsu;
30 urrezko edergarri baita haren uztarria,
uhalak purpurazko lokarri;
31 jantzirik ederrena izango duzu jakinduria,
alaitasunezko koroa 6,31 alaitasunezko koroa: Hebreerazkoak dio: ohorezko koroa/koroa distiratsua. zeure buruan. 6,31 alaitasunezko koroa 15,6; Es 1,9; 4,9.
32 Zeuk nahi baduzu, seme, ongi hezia izango zara;
gogoa jartzen baduzu, zuhur bilakatuko.
33 Atsegin baduzu entzutea, ikasi egingo duzu;
belarria adi jartzen baduzu, jakintsu bihurtuko.
34 Zoaz zaharren batzarrera,
eta atxiki beraien jakinduriari.
35 Entzun gogoz Jainkoarengandiko hitza,
ez utzi ihes egiten jakinduriazko esaera zaharrei.
36 Gizaki zentzudunik ikusten baduzu, zoaz harengana goiz-goizetik,
jan dezatela zure oinek haren atariko harria.
37 Hausnar itzazu Jaunaren aginduak 6,37 Hausnar… aginduak: Hebreerazkoak dio: Ikas ezazu Goi-goikoarenganako begirunea ezagutzen. ,
erabili gogoan beti haren manamenduak;
berak sendotuko du zure bihotza
eta irrikatzen duzun jakinduria emango. 6,37 Hausnartu Jaunaren aginduak Sal 1,2.
|
