|
Nola joka eztabaidetan
8
1 Ez hasi eztabaidan ahaltsuarekin,
ez zaitezen jausi haren eskuetan.
2 Ez hasi auzitan aberatsarekin,
zuk baino indar handiagoa izango baitu bere diruaz;
badakizu jende asko galdu duela urreak,
erregeen bihotzak ere desbideratu dituela.  8,2 diruaz indartsu Es 10,15.
3 Ez eztabaidatu berritsuarekin,
ez bota egurrik haren suari.
4 Ez ibili txantxetan gaizki heziarekin,
zure arbasoak irainduta geldi ez daitezen.
5 Damu denari ez bota aurpegira bere bekatua,
izan gogoan guztiok garela errudun  8,5 garela errudun: Hebreerazkoaren arabera; grekozkoak gaudela zigorretan dio. . 8,5 guztiok errudun Koh 7,20; Erm 3,10-20; 1 J 1,8-10.
6 Ez mespretxatu inor zahartu delako,
biziz gero, gu ere zahartuko baikara. 8,6 Ez mespretxatu zaharra Lb 19,32+.
7 Ez poztu inoren heriotzaz,
izan gogoan guztiok hil behar dugula. 8,7 guztiok hil behar dugu 14,17-19; 41,3-4; Koh 3,20.
Iraganeko irakaspenak
8 Ez mespretxatu jakintsuen kontaketak,
baizik eta aztertu haien esaerak behin eta berriro,
haiengandik hartuko baituzu heziketa
eta handikien aurrean nola jokatu ikasiko.
9 Ez zaitez aldendu adinekoen kontaketetatik,
haiek ere beren gurasoengandik ikasi baitituzte.
Beraien ondoan ikasiko duzu gauzak ulertzen
eta behar denean erantzun egokia ematen. 8,9 adinekoen kontaketak Sal 44,2; Jb 15,17-18; Es 1,8+.
Giza harremanetarako aholkuak
10 Ez astindu bekatariaren txingarrik 8,10 Ez astindu… txingarrik: Txingarrak bekatariaren grina maltzurrak dira segur aski, eta hobe ez ernearazi edo suspertzea. ,
haren sugarretan erre ez zaitezen.
11 Ez egin aurre lotsagabeari,
zure hitzak zeure kontra jar ez ditzan.
12 Ez mailegurik eman zeu baino ahaltsuagoari;
ematen badiozu, jo zeure dirua galdutzat. 8,12 Ez mailegurik eman 29,4.
13 Ez zaitez egin fidatzaile zeure baliabideen gainetik;
egiten bazara, jo zeure burua zordun. 8,13 Ez egin fidatzaile 29,14-20; Es 6,1-5+.
14 Ez hasi auzitan epailearekin,
duen mailarengatik bere aldeko epaia emango baitiote 8,14 duen… baitiote: Hebreerazkoak dio: bere nahierara epaituko baitu. .
15 Ez jarri bidean benturazale ausartarekin,
ondorio txarrik izan ez dezazun;
gogoak ematen dion aldera joko baitu
eta haren zorakeriagatik galduko zu ere.
16 Ez hasi istilutan odol-beroarekin,
ez zeharkatu basamortua halakoarekin;
hark ezer gutxitzat hartzen baitu bizia
eta kontra oldartuko zaizu nork lagundurik ez duzunean. 8,16 Ez ibili odol-beroarekin Es 22,24-25.
17 Ez egin isilpeko konturik zentzugabearekin,
ezin izango baitu zure sekretua isilean gorde.
18 Atzerritarraren aurrean, ez egin ezer ezkutukorik,
ez baitakizu zer gertatuko den.
19 Ez zabaldu zeure bihotza edonori,
ez baituzu esker onik jasoko 8,19 ez baituzu… jasoko: Hebreerazkoak dio: eta ez urrundu zeuregandik zoriona. .
|
