Sal 113 - BIBLIJA.net - Biblia interneten

Programa: © 2006
, OFMCap
Prestatzailea:
Esloveniako Bibli Elkartea.

Salmoak :

113. (112.) SALMOA

Behartsuaz errukitzen den Jainko gorenari gorazarrea

113

1 Aleluia!

113,1 113–118 Salmoek Hallel deituriko gorespen-kanta osatzen zuten. Toki berezia zuen Israelgo jai nagusietan, Pazkoan batez ere (ik. Mk 14,26 oh.).

Gora Jauna!

Goretsazue, Jaunaren zerbitzariok, goretsi Jaunaren izena!

2 Bedeinkatua izan bedi Jaunaren izena orain eta beti!

3 Eguzkiaren sorlekutik sarlekura, goretsia izan bedi Jaunaren izena!

113,3 Eguzkiaren sorlekutik sarlekura 50,1; Ml 1,11. Ik. Is 59,19.

4 Jauna nazio guztien gainean garai,

haren ospea zeruak baino gorago.

113,4 zeruak baino gorago 57,6; 97,9.

5 Nor Jauna, gure Jainkoa, bezalakorik?

Gorenean du jarria tronua,

113,5 Nor Jauna bezalakorik? 35,10+.

6 baina makurtu egiten da, zerutik lurrera begiratzeko.

113,6 lurrera begiratzeko 11,4+; 138,6.

7 Gizagaixoa hautsetatik altxatzen du,

behartsua zaborretatik ateratzen

113,7 Gizagaixoa altxatu 107,41+.

8 eta handikien artean,

bere herriko nagusien artean, jartzen.

9 Emakume agorrari ohore ematen dio etxean,

haurrak eman eta ama zoriontsu egiten.

Aleluia! Gora Jauna!

113,9 agorra ama zoriontsu egin 1 Sm 2,5; Is 54,1.