BIBLIJA.net   - Biblia interneten
BIBLI ELKARTEA
Bilatu erreferentzia     Bilatu hitza
Pasartea:   

Menu trinkotua
 EAB Hautatu bertsio guztien artean   Bertsioaz Laguntza
Hizkuntza

2 Erregeak 20

Ezekiasen gaixoaldia eta sendakuntza
(Is 38,1-8; 2 Kro 32,24)
20
1 Egun batez, larriki gaixotu zen Ezekias. Amotzen seme Isaias profetak berarengana joan eta esan zion:
–Hau dio Jaunak: «Konpondu etxeko arazoak, hil egingo zara eta. Ez zara luzaro biziko».
20,1 Ezekias ez da luzaro biziko 1,4+.
2 Ezekiasek aurpegia paretari eman eta honela egin zion otoitz Jaunari: 3 «Arren, Jauna! Oroit zaitez leial eta zintzo jokatu izan dudala beti zurekin, atsegin zaizuna eginez». Eta negarrari eman zion saminki.
20,3 zintzo jokatu izan dut zurekin 1 Erg 8,61+.
4 Orduan, esan zion Jaunak Isaiasi, hau jauregitik tenplua bitartean zelarik: 5 «Itzul zaitez eta esan ene herriaren buruzagi den Ezekiasi: “Hona zer dioen Jaunak, zure arbaso Daviden Jainkoak: Aditu dut zure eskaria eta ikusi ditut zure malkoak. Sendatu egingo zaitut. Hiru egun barru igo ahal izango zara Jaunaren etxera.
20,5 ikusi ditut zure malkoak Is 25,8; Sal 116,8.
6 Beste hamabost urtez luzatuko dizut bizia. Libratuko zaituztet zu eta Jerusalem Asiriako erregearen eskuetatik eta babestuko dut hiri hau, naizena naizenagatik eta neure zerbitzari Davidengatik”».
20,6 Libratuko zaituztet 18,32+.
7 Orduan, Ezekiasi pikuz eginiko enplastoa ekartzeko agindu zuen Isaiasek eta, zauriaren gainean ezarri ziotelarik, sendatu egin zen
20,7 zauriaren gainean ezarri: Piku-enplastoa zaurien sendabidetzat ematen da antzinako zenbait testutan. // sendatu egin zen: Is 38,21 tx.ean senda zedin dator; egokiagoa litzateke azken hau, 20,8 kontuan hartuz gero.
. 8 Ezekiasek galdetu zion Isaiasi:
–Zein izango dut ezaugarria, Jaunak sendatuko nauela eta hiru egunen buruan Jaunaren etxera igo ahal izango naizela jakiteko?
20,8 ezaugarria Has 24,12-14; Ep 6,17-40; 1 Sm 14,10; Is 7,10-14.
9 Isaiasek erantzun:
–Hona hemen Jaunak emango dizun ezaugarria, agindutakoa beteko duela adierazteko: zer duzu nahiago, itzalak hamar maila
20,9 hamar maila: Maila hauek mailadi edo eskailera batekoak ez, baizik eta eguzki-ordulariarenak ziren. Hala uste izan da behintzat. Halere, kontuan hartu behar da Qumran-eko Is liburu-bilguan Akazen goiko gelarako mailadia aipatzen dela (ik. 23,12).
gora ala behera egitea?
10 Ezekiasek esan zuen:
–Erraza da itzalak hamar maila behera egitea; ez, ordea, gora egitea.
11 Orduan, Isaias profetak otoitz egin zion Jaunari eta ordurako jaitsiak zituen hamar mailak berriro igoarazi zizkion Jaunak itzalari Akazen mailadian
20,11 Akazen mailadia: Baliteke mailadi hau denbora neurtzeko erabilia izatea (ik. 20,9 oh.).
.
Ezekiasek babiloniar mandatariak hartu
(Is 39,1-8)
12 Aldi hartan, Baladanen seme Merodak-Baladan Babiloniako erregeak, Ezekias gaixorik egona zela jakin zuelarik, gutuna eta erregaluak bidali zizkion
20,12 erregaluak: Babiloniako erregeak hitzarmena egin nahi izango zuen Ezekiasekin, Asiriako erregeari aurre egiteko.
. 13 Ezekiasek ongi hartu zituen mandatariak eta bere gordailu guztiak, hango zilar, urre, lurrin eta usain gozoko olioak, erakutsi zizkien, baita bere armategia eta bere altxortegian zituen ondasun guztiak ere. Ez zien deus ere erakutsi gabe utzi, ez bere jauregian, ez erresuma osoan.
20,13 gordailu guztia erakutsi 1 Erg 10,4-5.
14 Orduan, Isaias profetak, Ezekiasengana joan eta galdetu zion:
–Zer esan dizute gizon horiek? Nondik etorri zaizkizu?
Ezekiasek erantzun:
–Urrutitik etorri dira, Babiloniatik.
15 Isaiasek, berriro:
–Zer ikusi dute zure jauregian?
Eta Ezekiasek erantzun:
–Etxean daukadan guztia ikusi dute. Ez diet neure altxortegiko deus ere erakutsi gabe utzi.
16 Isaiasek, orduan, Ezekiasi:
–Entzun Jaunak dioena: 17 «Egunen batean –eta badator egun hori–, etxean daukazun guztia, zure aurrekoek gaurdaino bildu duten guztia, Babiloniara eramango dute. Ez da ezer ere geldituko –dio Jaunak–.
20,17 guztia Babiloniara eramango dute 24,13+.
18 Zuregandik jaio diren, zeuk sortu dituzun seme-alabetariko batzuk ere eraman egingo dituzte, Babiloniako erregearen jauregian zerbitzari
20,18 zerbitzari: H.h., irenak.
izateko».
20,18 zeuk sortu dituzun semeetarik batzuk eramango 24,15. Ik. 15,29+. // zerbitzari izateko Dn 1,1-7.
19 Ezekiasek, orduan, Isaiasi:
–Berri ederrak ekarri dizkidazu Jaunaren partetik.
Izan ere, bere garaian behintzat bakea eta segurtasuna izango zituela pentsatu zuen.
Ezekiasen erregealdiaren bukaera
(2 Kro 32,32-33)
20 Ezekiasen gainerako jarduerak, egintza bizkorrak eta Jerusalemera urak ekartzeko urtegi eta ubideak
20,20 ubidea: Arkeologi ikerketei esker aurkitu da Ezekiasek eginarazi zuen ubide hau; Gihon iturritik hiri barneraino zeraman ura (ik. 1 Erg 1,33 oh.).
egin zituela «Judako Erregeen Kronika» liburuan daude idatziak. 21 Ezekias hil zenean, haren seme Manases izan zen ondorengo erregea.
 



Bilatu Biblia ] [ Bibliako bertsioaz ] [ Laguntza ] [ Laburdurak ] [ Webmasters ]

Adierazi zeure iritzia ]

Bibli Elkarte Batuak ] [ Espainiako Bibli Elkartea ] [ Idatz ] [ EAB Elkartea ]

Programaren azken eguneratzea: 2020-4-7